4. Surah An-Nisa, Kannada Translation

ತಬ್ಬಲಿಗಳ ಸೊತ್ತುಗಳನ್ನು ಅವರಿಗೆ ಕೊಡಿರಿ. ಒಳ್ಳೆಯದ್ದಕ್ಕೆ ಕೆಟ್ಟದ್ದನ್ನು ನೀವು ಬದಲಿಸಿಕೊಳ್ಳ ಬೇಡಿರಿ. ನಿಮ್ಮ ಸೊತ್ತನ್ನು ಅವರ ಸೊತ್ತಿಗೆ ಸೇರಿಸಿ ಕಬಳಿಸಲೂ ಬೇಡಿರಿ. ಇದು ಅತ್ಯಂತ ಘೋರಪಾತಕ.

ಅನಾಥರೊಂದಿಗೆ ನ್ಯಾಯವಾಗಿ ನಡೆದುಕೊಳ್ಳಲು ಸಾಧ್ಯವಾಗದೆಂಬ ಆಶಂಕೆ ನೀವಿಷ್ಟಪಡುವ ಸ್ತ್ರೀಯರಿಂದ ಈರ್ವರನ್ನೋ, ಮೂವರನ್ನೋ, ನಾಲ್ವರನ್ನೋ ವಿವಾಹಮಾಡಿ ಕೊಳ್ಳಿರಿ. ಆದರೆ ಅವರೊಂದಿಗೆ (ಬಹುಪತ್ನಿಯರ ಮಧ್ಯೆ) ನೀತಿ ಪಾಲಿಸಲಾರಿರಿ ಎಂದು ನೀವು ಭಯಪಟ್ಟರೆ ಒಬ್ಬಳನ್ನು ಮಾತ್ರ ವಿವಾಹವಾಗಿರಿ ಅಥವಾ ನೀವು ಮಾಲಕತ್ವ ಹೊಂದಿದ ಗುಲಾಮ ಸ್ತ್ರೀಯರನ್ನು ಸ್ವೀಕರಿಸಿಕೊಳ್ಳಿರಿ. ಇದು ನೀವು ಅನೀತಿ ಮಾಡದಿರಲು ಅತ್ಯಂತ ಯೋಗ್ಯ ಮಾರ್ಗವಾಗಿದೆ¹.

ಸ್ತ್ರೀಯರಿಗೆ ಅವರ ಮಹರನ್ನು (ವಧು ಧನ) ಅವಶ್ಯವಾಗಿ ಕೊಡಿರಿ. ಆದರೆ ಅದರಲ್ಲಿ ಏನಾದರೂ ಅವರು ಸ್ವಮನಸ್ಸಿನಿಂದ ನಿಮಗೆ ಬಿಟ್ಟುಕೊಟ್ಟರೆ ನೀವು ಅದನ್ನು ಸಂತೋಷದಿಂದ ಅನುಭೋಗಿಸಿ ಕೊಳ್ಳಬಹುದು¹

ಅಲ್ಲಾಹು ನಿಮಗೆ ಮೇಲ್ನೋಟ ವಹಿಸಿಕೊಟ್ಟಿರುವ ನಿಮ್ಮ ಧನವನ್ನು ವ್ಯವಹಾರ ಯೋಗ್ಯರಲ್ಲದವರಿಗೆ ಬಿಟ್ಟು ಕೊಡಬೇಡಿರಿ¹. ಆದರೆ ಅದರಿಂದ ಅವರಿಗೆ ಉಣ್ಣಲಿಕ್ಕೂ ಉಡಲಿಕ್ಕೂ ಕೊಡಿರಿ. ಮತ್ತು ಅವರೊಂದಿಗೆ ಒಳ್ಳೆಯ ಮಾತನ್ನು ಆಡಿರಿ.

ಅನಾಥರನ್ನು ಅವರು ವಿವಾಹ ಯೋಗ್ಯ ವಯಸ್ಸಿನವರಾಗುವವರೆಗೂ ಪರಿಶೀಲಿಸುತ್ತಲೇ ಇರಿ. ಅನಂತರ (ಅವರು ವಿವಾಹ ಪ್ರಾಯ ತಲುಪಿದಾಗ) ಅವರಲ್ಲಿ ಯೋಗ್ಯತೆ¹ ಕಂಡು ಬಂದರೆ ಅವರ ಸೊತ್ತನ್ನು ಅವರಿಗೆ ಕೊಟ್ಟು ಬಿಡಿರಿ. ಅವರು ದೊಡ್ಡವರಾಗುವ (ತಮ್ಮ ಹಕ್ಕನ್ನು ಕೇಳುವ) ಭಯದಿಂದ ನೀವು ಅದನ್ನು ಹಕ್ಕು ಇಲ್ಲದೆ ಹಾಗೂ ಅವಸರದಿಂದ ವೆಚ್ಚ ಮಾಡಬೇಡಿ. ಅನಾಥರ ರಕ್ಷಕನು ಧನಿಕನಾಗಿದ್ದರೆ ಅವನು ತನ್ನ ಸ್ವಂತ ಅಗತ್ಯಕ್ಕೆ ಅನಾಥರ ಸೊತ್ತನ್ನು ಬಳಸದಿರಲಿ, ದರಿದ್ರನಾಗಿದ್ದರೆ ವಾಡಿಕೆಯನುಸಾರ ಬಳಸಿ ಕೊಳ್ಳಲಿ. ಅನಂತರ ಅವರ ಸೊತ್ತನ್ನು ಅವರಿಗೆ ಬಿಟ್ಟು ಕೊಡುವಾಗ ನೀವು ಅವರ ಕಡೆಯಿಂದ ಸಾಕ್ಷಿ ನಿಲ್ಲಿಸಿರಿ. ಲೆಕ್ಕ ಪರಿಶೋಧನೆ ಮಾಡಲು ಅಲ್ಲಾಹು ಸಾಕು.

ಮಾತಾಪಿತರೂ ಆಪ್ತ ಬಂಧುಗಳೂ ಬಿಟ್ಟು ಹೋದ ಸಂಪತ್ತಿನಲ್ಲಿ ಪುರುಷರಿಗೆ ಒಂದು ಪಾಲು ಇದೆ. ತಾಯಿ ತಂದೆಯರೂ ನಿಕಟ ಬಂಧುಗಳೂ ಬಿಟ್ಟು ಹೋದ ಧನದಲ್ಲಿ ಸ್ತ್ರೀಯರಿಗೂ ಪಾಲು ಇದೆ. ಆ ಧನ ಕಡಿಮೆಯಿರಲಿ. ಹೆಚ್ಚು ಇರಲಿ, ನಿಶ್ಚಿತ ಪಾಲು ಇದೆ.

ಪಾಲಾಗುವ ಸಂದರ್ಭದಲ್ಲಿ ಹಕ್ಕುದಾರರಲ್ಲದ ಸಂಬಂಧಿಕರು, ಅನಾಥರು ಮತ್ತು ನಿರ್ಗತಿಕರು ಅಲ್ಲಿ ಹಾಜರಾದಲ್ಲಿ ಅವರಿಗೂ ಏನಾದರೂ ಕೊಡಿರಿ ಸಂಬಂಧಿಕರು, ಅನಾಥರು ಮತ್ತು ನಿರ್ಗತಿಕರು ಅಲ್ಲಿ ಹಾಜರಾದಲ್ಲಿ ಅವರಿಗೂ ಏನಾದರೂ ಕೊಡಿರಿ¹. ಅವರೊಂದಿಗೆ ಒಳ್ಳೆಯ ಮಾತನ್ನು ಆಡಿರಿ.

ತಮ್ಮ ಹಿಂದೆ ಬಲಹೀನರಾದ ಸಂತಾನಗಳನ್ನು ಉಳಿಸಿ ಮರಣ ಹೊಂದುತ್ತಿದ್ದರೆ ಅವರ ವಿಷಯದಲ್ಲಿ ಚಿಂತೆಗೀಡಾಗುವವರು (ಅನಾಥ ಮಕ್ಕಳ ವಿಷಯದಲ್ಲಿ) ಭಯಪಟ್ಟುಕೊಳ್ಳಲಿ. ಹಾಗೆ ಅವರು ಅಲ್ಲಾಹನಲ್ಲಿ ಭಯವಿರಿಸಿಕೊಳ್ಳಲಿ. ಹಾಗೂ ಮರಣಾಸನ್ನನಿಗೆ (ಉಳಿದವರು) ಸರಿಯಾದ ಉಪದೇಶ ಮಾಡಲಿ.

ಅನಾಥರ ಸೊತ್ತನ್ನು ಅಕ್ರಮವಾಗಿ ತಿನ್ನುವವರು¹ ಖಂಡಿತವಾಗಿಯೂ ತಮ್ಮ ಹೊಟ್ಟೆಯನ್ನು ಬೆಂಕಿಯಿಂದ ತುಂಬಿಸುತ್ತಾರೆ. ಅವರು ನರಕದ ಜ್ವಲಿಸುವ ಅಗ್ನಿಯಲ್ಲಿ ಖಂಡಿತ ಪ್ರವೇಶಿಸುವರು.

ನಿಮ್ಮ ಮಕ್ಕಳ ವಿಷಯದಲ್ಲಿ ಅಲ್ಲಾಹನು ನಿಮಗೆ ಆದೇಶ ನೀಡುತ್ತಿದ್ದಾನೆ : ಪುರುಷನಿಗೆ ಇಬ್ಬರು ಸ್ತ್ರೀಯರಿಗೆ ಸಮಾನವಾದ ಪಾಲಿದೆ¹. ಇನ್ನು ಎರಡಕ್ಕಿಂತ ಹೆಚ್ಚು ಪುತ್ರಿಯರು ಮಾತ್ರವಿದ್ದಲ್ಲಿ ಅವರಿಗೆ ಮೃತನು ಉಳಿಸಿದ ಸೊತ್ತಿನಿಂದ ಮೂರನೆಯ ಎರಡು ಪಾಲು ಕೊಡಲಾಗುವುದು. ಮತ್ತು ಒಬ್ಬಳೇ ಮಗಳಿದ್ದರೆ ಅವಳಿಗೆ ಅರ್ಧಾಂಶ ಇದೆ. ಮೃತನು ಮಕ್ಕಳಿದ್ದವನಾಗಿದ್ದರೆ ಮಾತಾಪಿತರಲ್ಲಿ ಪ್ರತಿಯೊಬ್ಬರಿಗೂ ಸೊತ್ತಿನ ಆರನೆಯ ಒಂದಂಶ ಸಿಗಬೇಕು. ಅವನು ಮಕ್ಕಳಿಲ್ಲದವನಾಗಿದ್ದು ಮಾತಾಪಿತರೇ ಅವನ ವಾರೀಸುದಾರರಾಗಿದ್ದಲ್ಲಿ ತಾಯಿಗೆ ಮೂರನೆಯ ಒಂದಂಶ ಕೊಡಬೇಕು. ಮೂರನೆಯ ಒಂದಂಶ ಕೊಡಬೇಕು. (ಉಳಿದದ್ದು ತಂದೆಗೆ). ಮೃತನಿಗೆ ಒಂದಕ್ಕಿಂತ ಹೆಚ್ಚು ಸಹೋದರರಿದ್ದರೆ ತಾಯಿಗೆ ಆರರಲ್ಲೊಂದು. ಇವೆಲ್ಲವೂ ಉಯಿಲು ಅಥವಾ ಸಾಲ ತೀರಿಸಿದ ನಂತರ. ನಿಮ್ಮ ಹೆತ್ತವರು ಮತ್ತು ನಿಮ್ಮಮಕ್ಕಳ ಪೈಕಿ ನಿಮಗೆ ಹೆಚ್ಚು ಉಪಕಾರಿಗಳಾ ಗುವವರು ಯಾರು ಎಂಬುದನ್ನು ನೀವು ಅರಿಯಲಾರಿರಿ. ಆದ್ದರಿಂದ ಅಲ್ಲಾಹನ ಕಡೆಯಿಂದನಿಶ್ಚಯವಾದ ಈ ವಾರೀಸು ಹಿಸೆಯನ್ನುನಿಮಗೆ ಶಾಸನ ಗೊಳಿಸಲಾಗಿದೆ. ಅಲ್ಲಾಹನುಸರ್ವಜ್ಞನೂ ನಿಪುಣ ನಿಯಂತ್ರಕನೂ ಆಗಿರುವನು.

ನಿಮ್ಮ ಪತ್ನಿಯರು ಮಕ್ಕಳಿಲ್ಲದವರಾಗಿದ್ದರೆ ಅವರು ಬಿಟ್ಟುಹೋದುದರಲ್ಲಿ ನಿಮಗೆ ಅರ್ಧಪಾಲು ಇದೆ. ಇನ್ನು ಅವರಿಗೆ ಮಕ್ಕಳಿದ್ದಲ್ಲಿ ಅವರು ಬಿಟ್ಟು ಹೋದುದರಲ್ಲಿ ನಾಲ್ಕನೆಯ ಒಂದಂಶ ನಿಮಗಿದೆ. ಅವರು ಮಾಡಿದ್ದ ಉಯಿಲು ಅಥವಾ ಸಾಲವನ್ನು ತೀರಿಸಿದ ನಂತರದ ಸೊತ್ತಿನಿಂದ. ನಿಮಗೆ ಮಕ್ಕಳಿಲ್ಲದಿದ್ದಲ್ಲಿ ನೀವು ಬಿಟ್ಟು ಹೋದುದರಲ್ಲಿ ಅವರಿಗೆ (ಮಡದಿಯರಿಗೆ) ನಾಲ್ಕರಲ್ಲಿ ಒಂದಂಶವಿದೆ. ಇನ್ನು ನಿಮಗೆ ಮಕ್ಕಳಿದ್ದಲ್ಲಿ ನೀವು ಉಳಿಸಿ ಹೋದುದರಲ್ಲಿ ಅವರಿಗೆ ಎಂಟನೇ ಒಂದು ಪಾಲು ಇದೆ. ನೀವು ಮಾಡುವ ಉಯಿಲು ಮತ್ತು ಸಾಲವನ್ನು ಕಳೆದು. ಇನ್ನು ವಾರೀಸು ಬಿಟ್ಟು ಹೋದ ಪುರುಷ ಅಥವಾ ಸ್ತ್ರೀಯು ತಂದೆಯೂ ಮಕ್ಕಳೂ ಇಲ್ಲದವರಾಗಿದ್ದು ಆ ಮೃತರಿಗೆ (ತಾಯಿ ಕಡೆಯ) ಓರ್ವ ಸಹೋದರ ಯಾ ಓರ್ವ ಸಹೋದರಿ¹ ಇದ್ದಲ್ಲಿ ಅವರಿಬ್ಬರಿಗೂ ತಲಾ ಆರರಲ್ಲಿ ಒಂದಂಶ ಇದೆ. ಇನ್ನು ಅವರು ಒಂದಕ್ಕಿಂತ ಹೆಚ್ಚಾಗಿದ್ದಲ್ಲಿ ಅವರೆಲ್ಲರೂ ಸೊತ್ತಿನ ಮೂರನೇ ಒಂದು ಅಂಶಕ್ಕೆ ಸಮಾನ ಹಕ್ಕುದಾರರಾಗುತ್ತಾರೆ. ಇದು ಮೃತನು ವಾರೀ ಸುದಾರರಿಗೆ ದ್ರೋಹವೆಸಗುವ ಉದ್ದೇಶವಿಲ್ಲದೆ ಮಾಡಿದ ಉಯಿಲು ಮತ್ತು ಸಾಲವನ್ನು ಪೂರೈಸಿದ ನಂತರವಾಗಿದೆ. ಇದು ಅಲ್ಲಾಹನ ಉಪದೇಶಗಳಾಗಿವೆ. ಅಲ್ಲಾಹನು ಪರಮ ತಜ್ಞನೂ ಪರಮ ಸಹನೆಯುಳ್ಳವನೂ ಆಗಿರುತ್ತಾನೆ.

ಇವು ಅಲ್ಲಾಹನು ನಿಶ್ಚಯಿಸಿದ ಮೇರೆಗಳು. ಅಲ್ಲಾಹನ ಮತ್ತು ಅವನ ಸಂದೇಶವಾಹಕರ ಅನುಸರಣೆ ಮಾಡುವವನಿಗೆ ತಳಭಾಗದಲ್ಲಿ ಕಾಲುವೆಗಳು ಹರಿಯುತ್ತಿರುವ ಸ್ವರ್ಗೋದ್ಯಾನ ಗಳಲ್ಲಿ ಅಲ್ಲಾಹನು ಪ್ರವೇಶ ಕೊಡುವನು. ಅದರಲ್ಲಿ ಅವರು ಶಾಶ್ವತರು. ಅದು ಘನವೆತ್ತ ವಿಜಯವಾಗಿದೆ.

ಯಾರು ಅಲ್ಲಾಹು ಮತ್ತು ರಸೂಲರನ್ನು ಧಿಕ್ಕರಿಸಿ ಅವನ ಎಲ್ಲೆಗಳನ್ನು ಮೀರುತ್ತಾರೋ, ಅವರನ್ನು ಅವನು ನರಕಕ್ಕೆ ಪ್ರವೇಶಗೊಳಿಸುವನು. ಅದರಲ್ಲಿ ಅವರು ಶಾಶ್ವತರು. ಅವರಿಗೆ ನಿಂದನಾರ್ಹ ಶಿಕ್ಷೆಯಿದೆ.

ನಿಮ್ಮ ಸ್ತ್ರೀಯರ ಪೈಕಿ ಯಾರಾದರೂ ನೀಚ ವೃತ್ತಿ (ವ್ಯಭಿಚಾರ) ಕೈಗೊಂಡಲ್ಲಿ ಅವರಿಗೆ ಪ್ರತಿಯಾಗಿ ನಿಮ್ಮಿಂದ ನಾಲ್ಕು ಸಾಕ್ಷಿಗಳನ್ನು ಹಾಜರುಗೊಳಿಸಿರಿ. ಅವರು ಸಾಕ್ಷಿ ನಿಂತರೆ ಆಸ್ತ್ರೀಯರನ್ನು ಅವರ ಮರಣವು ಅವರನ್ನು ಕೊನೆಗೊಳಿಸುವವರೆಗೆ ಅಥವಾ ಅವರ ಬಗ್ಗೆ ಅಲ್ಲಾಹು ಒಂದು ದಾರಿ ತೋರಿಸುವವರೆಗೆ ಮನೆಗಳಲ್ಲಿ ತಡೆದು ನಿಲ್ಲಿಸಿರಿ¹.

ನಿಮ್ಮ ಪೈಕಿ ಈ ಪಾಪಕಾರ್ಯವೆಸಗುವ ಈರ್ವರಿಗೂ ಕಿರುಕುಳ ಕೊಡಿರಿ. ಅವರು ಪಶ್ಚಾತ್ತಾಪಪಟ್ಟು ಸುಧಾರಿಸಿಕೊಂಡರೆ ಅವರನ್ನು ಬಿಟ್ಟು ಬಿಡಿರಿ. ಅಲ್ಲಾಹನು ಬಹಳ ಹೆಚ್ಚು ಪಶ್ಚಾತ್ತಾಪ ಸ್ವೀಕರಿಸುವವನೂ ಪರಮದಯಾಳುವೂ ಆಗಿರುತ್ತಾನೆ¹.

ಅಜ್ಞಾನದಿಂದ¹ ಕುಕರ್ಮಗಳನ್ನು ಮಾಡಿ ಅನಂತರ ಶೀಘ್ರವೇ ತೌಬಾ ಮಾಡುವವರ ತೌಬಾ ಮಾತ್ರ ಅಲ್ಲಾಹನಿಂದ ಸ್ವೀಕೃತ. ಅಲ್ಲಾಹನು ಇಂತಹವರಿಗೆ ಪಾಪಮುಕ್ತಿ ನೀಡುವನು. ಅಲ್ಲಾಹು ಸರ್ವಜ್ಞನೂ ಯುಕ್ತಿ ಪೂರ್ಣನೂ ಆಗಿರುತ್ತಾನೆ.

ಆದರೆ ಪಾಪಗಳನ್ನು ಮಾಡುತ್ತಲೇ ಇದ್ದು ಕೊನೆಗೆ ಅವರಿಗೆ ಮರಣ ಸಮೀಪಿಸಿದಾಗ `ಇದೋ ನಾನೀಗ ತೌಬಾ ಮಾಡಿದೆ’ ಎಂದು ಹೇಳುವವರಿಗೆ ದೋಷ ಮುಕ್ತಿ ಇರುವುದಿಲ್ಲ. ಅದೇ ರೀತಿಯಲ್ಲಿ ಕೊನೆ ಯುಸಿರಿನ ತನಕವೂ ಕಾಫಿರ್ ಆಗಿರುವವರಿಗೂ ತೌಬಾ ಇಲ್ಲ. ಅಂತಹವರಿಗೆ ವೇದನಾಜನಕ ಶಿಕ್ಷೆಯನ್ನು ನಾವು ಸಿದ್ಧಗೊಳಿಸಿರುತ್ತೇವೆ.

ಓ ಸತ್ಯವಿಶ್ವಾಸಿಗಳೇ! ಸ್ತ್ರೀಯರನ್ನು ಉತ್ತರಾಧಿಕಾರ ಸೊತ್ತಿನಂತೆ ಕೈವಶ ಇರಿಸಿಕೊಳ್ಳುವುದು ನಿಮಗೆ ಸಮ್ಮತವಲ್ಲ. ನೀವು ಅವರಿಗೆ ಕೊಟ್ಟಿರು ವುದರಿಂದ ಮಹ್ರ್‍ನ ಒಂದಂಶವನ್ನಾದರೂ ಅಪಹರಿಸಲಿಕ್ಕಾಗಿ ನೀವು ಅವರನ್ನು ತಡೆದು ನಿಲ್ಲಿಸಬೇಡಿರಿ. ಅವರು ಸ್ಪಷ್ಟವಾದ ಏನಾದರೂ ಕುಕರ್ಮವನ್ನು ಮಾಡಿದರೆ ಹೊರತು. ಅವರೊಂದಿಗೆ ಉತ್ತಮ ರೀತಿಯಲ್ಲಿ ವರ್ತಿಸಿರಿ. ನಿಮಗೆ ಅವರು ಸಹ್ಯವಾಗದಿದ್ದರೆ (ಕ್ಷಮಿಸಿರಿ. ಯಾಕೆಂದರೆ) ನೀವು ಯಾವುದೇ ಒಂದು ವಸ್ತುವನ್ನು ಮೆಚ್ಚದಿರುವಾಗಲೂ ಆ ವಸ್ತುವಿನಲ್ಲಿ ಅಲ್ಲಾಹು ಧಾರಾಳ ಒಳಿತನ್ನು ಇಟ್ಟಿರಲೂಬಹುದು.

ಒಬ್ಬಳು ಸಂಗಾತಿಯ ಸ್ಥಾನದಲ್ಲಿ ಇನ್ನೊಬ್ಬಳು ಸಂಗಾತಿಯನ್ನು ಬದಲಾಯಿಸಲು ನೀವು ಇಚ್ಛಿಸುವಿರಾದರೆ ಅವರಲ್ಲೊಬ್ಬಳಿಗೆ ನೀವು ಧನದ ರಾಶಿಯನ್ನೇ ನೀಡಿದ್ದರೂ ಕೂಡಾ ಅದರಿಂದ ಏನನ್ನೂ ವಶಪಡಿಸಿಕೊಳ್ಳಬೇಡಿರಿ. ನೀವು ಅಕ್ರಮ ಹಾಗೂ ಸ್ಪಷ್ಟ ಅಪರಾಧದ ಮೂಲಕ ಅದನ್ನು ವಶಪಡಿಸಿ ಕೊಳ್ಳುತ್ತೀರೇನು?

ನೀವು ಪರಸ್ಪರ ರಸಾನಂದವನ್ನು ಸವಿದ ಹಾಗೂ ಅವರ ಪರವಾಗಿ ನಿಮ್ಮಿಂದ ಒಂದು ಪ್ರಬಲ ಕರಾರನ್ನು ಪಡೆದುಕೊಂಡಿರುವ ನೀವು ಅದನ್ನು ಹೇಗೆ ಮರಳಿ ಪಡೆಯುತ್ತೀರಿ? (ಅದು ಯಾವತ್ತೂ ನ್ಯಾಯವಲ್ಲ) ¹

ನಿಮ್ಮ ಪಿತರು ವಿವಾಹ ಮಾಡಿಕೊಂಡಿದ್ದ ಸ್ತ್ರೀಯರನ್ನು ನೀವು ವಿವಾಹವಾಗಬೇಡಿರಿ. ಆದರೆ ಈ ಹಿಂದೆ ಕಳೆದುದು ಹೊರತು (ಅದನ್ನು ಕ್ಷಮಿಸಲಾಗಿದೆ) ವಾಸ್ತವದಲ್ಲಿ ಇದೊಂದು ಅಶ್ಲೀಲ ಕಾರ್ಯವೂ ಕೋಪ ಹೇತುವೂ ಕೆಟ್ಟ ಮಾರ್ಗವೂ ಆಗಿರುತ್ತದೆ.

ನಿಮ್ಮ ಮಾತೆಯರು, ನಿಮ್ಮ ಪುತ್ರಿಯರು, ನಿಮ್ಮ ಸಹೋದರಿಯರು, ನಿಮ್ಮ ಪಿತೃ ಸಹೋದರಿಯರು, ನಿಮ್ಮ ಮಾತೃ ಸಹೋದರಿಯರು, ಸಹೋದರ ಪುತ್ರಿಯರು, ಸಹೋದರಿ ಪುತ್ರಿಯರು, ನಿಮಗೆ ಎದೆ ಹಾಲುಣಿಸಿದ ಸಾಕು ತಾಯಂದಿರು, ಸ್ತನಪಾನ ಸಂಬಂಧದ ನಿಮ್ಮ ಸಹೋದರಿಯರು,¹ ನಿಮ್ಮ ಪತ್ನಿಯರ ಮಾತೆಯರು, ನೀವು (ದೈಹಿಕ) ಸಂಬಂಧ ಹೊಂದಿದ ನಿಮ್ಮ ಪತ್ನಿಯರಲ್ಲಿ ಉಂಟಾಗಿದ್ದ ನಿಮ್ಮ ಸಂರಕ್ಷಣೆಯಲ್ಲಿರುವ ನಿಮ್ಮ ಸಾಕು ಪುತ್ರಿಯರು ನಿಮಗೆ (ವಿವಾಹ) ನಿಷಿದ್ಧಗೊಳಿ ಸಲಾಗಿದೆ. ಆದರೆ ಅವರೊಂದಿಗೆ (ಮಡದಿಯ ರೊಂದಿಗೆ) ²ಂ ನೀವು ದೇಹ ಸಂಪರ್ಕ ನಡೆಸಿಲ್ಲದಿದ್ದರೆ ಅವರ ಪುತ್ರಿಯರು ನಿಮಗೆ ನಿಷಿದ್ಧವಲ್ಲ. (ಮಡದಿಯನ್ನು ತೊರೆದರೆ ಅವಳ ಪುತ್ರಿ ಸಮ್ಮತ). ನಿಮ್ಮ ಸ್ವಂತ ಪುತ್ರರ ಮಡದಿಯರೂ, ಇಬ್ಬರು ಸಹೋದರಿಯರನ್ನು ನೀವು ಏಕಕಾಲಕ್ಕೆ ಮಡದಿಯರನ್ನಾಗಿ ಇಟ್ಟುಕೊಳ್ಳುವುದೂ (ನಿಮಗೆ ನಿಷಿದ್ಧಗೊಳಿಸಲಾಗಿದೆ). ಹಿಂದೆ ಆಗಿ ಹೋದು ದರ ಹೊರತು. ಖಂಡಿತವಾಗಿಯೂ ಅಲ್ಲಾಹನು ಬಹಳ ಕ್ಷಮಿಸುವವನೂ, ಪರಮ ದಯಾಳುವೂ ಆಗಿರುತ್ತಾನೆ.

ಇತರರ ವಿವಾಹ ಬಂಧನದಲ್ಲಿರುವ ಸ್ತ್ರೀಯರೂ ನಿಮಗೆ ನಿಷಿದ್ಧರಾಗಿದ್ದಾರೆ. ಆದರೆ ಗುಲಾಮ ಸ್ತ್ರೀಯರು ಇದಕ್ಕೆ ಹೊರತಾಗಿರುತ್ತಾರೆ. ಇದು ನಿಮ್ಮ ಮೇಲೆ ಅಲ್ಲಾಹು ನಿರ್ಬಂಧಗೊಳಿಸಿರುವ ಕಾನೂನು. ಇವರ ಹೊರತಾಗಿರುವ ಸ್ತ್ರೀಯರನ್ನು ನೀವು ನಿಮ್ಮ ಸಂಪತ್ತಿನ ಮೂಲಕ ಲಗ್ನವಾಗ ಬಯಸುವುದು ಧರ್ಮಬದ್ಧಗೊಳಿಸಲಾಗಿದೆ. ಸ್ವಚ್ಛಂದ ಲೈಂಗಿಕತೆ ಸಲ್ಲದು. ನೀವು ಅವರೊಂದಿಗೆ ದಾಂಪತ್ಯ ಜೀವನದ ಸುಖ ವುಣ್ಣುವುದರ ಪ್ರತಿಫಲವಾಗಿ ಅವರ ಮಹ್ರ್‍ನ್ನು ಕಡ್ಡಾಯವಾಗಿ ಅವರಿಗೆ ಕೊಡಿರಿ. ವಿವಾಹಧನ ನಿಶ್ಚಯಿಸಿಕೊಂಡ ಅನಂತರ ಪರಸ್ಪರ ತೃಪ್ತಿಪಟ್ಟು ಕೊಂಡು ವಿನಾಯಿತಿ ತೋರುವುದರಲ್ಲಿ ದೋಷವಿಲ್ಲ. ನಿಶ್ಚಯವಾಗಿಯೂ ಅಲ್ಲಾಹು ಸರ್ವಜ್ಞನೂ ಮಹಾ ಧೀಮಂತನೂ ಆಗಿರುತ್ತಾನೆ.

ನಿಮ್ಮಲ್ಲಾರಾದರೂ ಸತ್ಯವಿಶ್ವಾಸಿನಿಯರಾದ ಸ್ವತಂತ್ರ ಸ್ತ್ರೀಯರನ್ನು ವಿವಾಹ ಮಾಡಿಕೊಳ್ಳುವಷ್ಟು ಸ್ಥಿತಿವಂತನಲ್ಲದಿದ್ದರೆ, ನಿಮ್ಮ ಸ್ವಾಧೀನದಲ್ಲಿರುವ ವಿಶ್ವಾಸಿನಿಯರಾದ ದಾಸಿಯರ ಪೈಕಿ ಯಾರ ನ್ನಾದರೂ ವಿವಾಹ ಮಾಡಿಕೊಳ್ಳಲಿ. ಅಲ್ಲಾಹು ನಿಮ್ಮ ವಿಶ್ವಾಸಗಳನ್ನು ಚೆನ್ನಾಗಿ ಬಲ್ಲವನಾಗಿ ರುತ್ತಾನೆ. ನೀವು ಪರಸ್ಪರ ಒಂದೇ ವರ್ಗಕ್ಕೆ ಸೇರಿದವರು. ಆದುದರಿಂದ ನೀವು ಬಹಿರಂಗ ವಾಗಿಯೂ ಗುಪ್ತವಾಗಿಯೂ ವ್ಯಭಿಚಾರ ಮಾಡದ, ಸನ್ನಡತೆಯುಳ್ಳ ದಾಸಿಯರನ್ನು ಅವರ ಪಾಲಕರ ಅನುಮತಿಯಿಂದ ವಿವಾಹ ಮಾಡಿಕೊಳ್ಳಿರಿ. ಮತ್ತು ಉತ್ತಮ ರೀತಿಯಲ್ಲಿ ಅವರ ವಿವಾಹ ಮೌಲ್ಯವನ್ನು ಅವರಿಗೆ ಸಲ್ಲಿಸಿರಿ. ವಿವಾಹದ ನಂತರ ಅವರು ವ್ಯಭಿಚಾರಕ್ಕಿಳಿದರೆ, ಅವರಿಗೆ ಸ್ವತಂತ್ರ ಸ್ತ್ರೀಯರಿಗೆ ನಿಶ್ಚಯಿಸಲ್ಪ ಟ್ಟಿರುವ ಶಿಕ್ಷೆಯ ಅರ್ಧಾಂಶ ಶಿಕ್ಷೆಯ ವಿಧಿ ಇದೆ. ಇದು (ಗುಲಾಮಳ ವಿವಾಹಕ್ಕೆ ಅನುಮತಿಯು) ನಿಮ್ಮ ಪೈಕಿ, ವಿವಾಹವಾಗದಿರುವ ಕಾರಣದಿಂದ ಅನೈತಿಕಕ್ಕಿಳಿಯುವ ಭಯ ಇರುವವರಿಗಾಗಿದೆ. ಆದರೆ ನೀವು ತಾಳ್ಮೆ ವಹಿಸಿದರೆ ನಿಮಗೆ ಇನ್ನಷ್ಟು ಉತ್ತಮ. ಅಲ್ಲಾಹ್ ಕ್ಷಮಿಸುವಾತನೂ ದಯಾ ನಿಧಿಯೂ ಆಗಿರುತ್ತಾನೆ.

ಅಲ್ಲಾಹ್ ನಿಮಗಿಂತ ಮುಂಚಿನವರ ಉತ್ತಮ ಸಂಪ್ರದಾಯಗಳನ್ನು ನಿಮಗೆ ವಿವರಿಸಿ ಕೊಡಲಿಕ್ಕೂ ಅವುಗಳಂತೆ ನಿಮ್ಮನ್ನು ನಡೆಸಲಿಕ್ಕೂ ನಿಮ್ಮ ಪಶ್ಚಾತ್ತಾಪವನ್ನು ಸ್ವೀಕರಿಸಲಿಕ್ಕೂ ಉದ್ದೇ ಶಿಸುತ್ತಾನೆ. ಅಲ್ಲಾಹ್ ಸರ್ವಜ್ಞನೂ ಮಹಾಧೀ ಮಂತನೂ ಆಗಿರುತ್ತಾನೆ.

ಅಲ್ಲಾಹನು ನಿಮ್ಮ ಪಶ್ಚಾತ್ತಾಪವನ್ನು ಸ್ವೀಕರಿಸಲು ಉದ್ದೇಶಿಸುತ್ತಾನೆ. ಆದರೆ ತನ್ನ ದೇಹೇಚ್ಛೆಗಳನ್ನು ಹಿಂಬಾಲಿಸುವವರು, ನೀವು ಸನ್ಮಾರ್ಗವನ್ನು ಬಿಟ್ಟು ಬಹುದೂರ ತೊಲಗಬೇಕೆಂದು ಇಚ್ಚಿಸುತ್ತಾರೆ.

ಅಲ್ಲಾಹ್ ನಿಮಗೆ ನಿಯಮಗಳನ್ನು ಹಗುರ ಗೊಳಿಸ ಬೇಕೆಂದು ಉದ್ದೇಶಿಸುತ್ತಾನೆ. ಏಕೆಂದರೆ ಮನುಷ್ಯ ನನ್ನು ದುರ್ಬಲನಾಗಿ ಸೃಷ್ಟಿಸಲಾಗಿದೆ.

ಓ ಸತ್ಯವಿಶ್ವಾಸಿಗಳೇ, ನೀವು ಪರಸ್ಪರ ಸಂತೃ ಪ್ತಿಯೊಂದಿಗೆ ನಡೆಸುವ ವ್ಯಾಪಾರ ಮೂಲಕ ವಲ್ಲದೆ ನಿಮ್ಮ ಸ್ವತ್ತುಗಳನ್ನು ಅನ್ಯಾಯವಾಗಿ ನೀವು ಪರಸ್ಪರ ತಿನ್ನದಿರಿ. ನಿಮ್ಮನ್ನು ನೀವೇ ವಧಿಸಿಕೊಳ್ಳಬೇಡಿರಿ. ಅಲ್ಲಾಹು ನಿಮ್ಮ ಮೇಲೆ ಕೃಪೆಯುಳ್ಳವನಾಗಿರುವನು.

ಯಾರಾದರೂ ಅಕ್ರಮ, ಅತಿರೇಕದಿಂದ ಹಾಗೆ ಮಾಡಿದರೆ ಅವನನ್ನು ನಾವು ಖಂಡಿತ ನರಕಾ ಗ್ನಿಗೆ ತಳ್ಳಿ ಬಿಡುವೆವು. ಇದು ಅಲ್ಲಾಹನ ಮೇಲೆ ಸುಲಭವಾಗಿರುವುದು.

ನಿಮಗೆ ನಿಷೇಧಿಸಲಾದ ಘೋರ ಪಾಪಗಳನ್ನು ನೀವು ವರ್ಜಿಸುತ್ತಲಿದ್ದರೆ, ನಿಮ್ಮ ಚಿಕ್ಕ ಪುಟ್ಟ ಅಪರಾಧಗಳನ್ನು ನಾವು ಅಳಿಸಿ ಹಾಕುವೆವು ¹. ಮತ್ತು ನಿಮ್ಮನ್ನು ಗೌರವಪೂರ್ಣ ಸ್ಥಾನಕ್ಕೆ ಪ್ರವೇಶಗೊಳಿಸುವೆವು.