5. Surah Al-Ma'idah, Kannada Translation

ಓ ಸತ್ಯವಿಶ್ವಾಸಿಗಳೇ, ಅಲ್ಲಾಹನ ಚಿಹ್ನೆಗಳನ್ನು ¹ ಅನಾದರಿಸಬೇಡಿರಿ. ಪವಿತ್ರ ಮಾಸವನ್ನೂ² ಹರಮಿನ ಭಾಗಕ್ಕೆ ಕೊಂಡುಹೋಗುವ ಬಲಿ ಪ್ರಾಣಿಗಳನ್ನೂ ³ ಹರಮಿನಲ್ಲಿ ಕಡಿಯುವ ಗುರು ತಿಗಾಗಿ ಕೊರಳಲ್ಲಿ ಪಟ್ಟಿಯಿರುವ ಪ್ರಾಣಿಗಳನ್ನೂ ತಮ್ಮ ಪ್ರಭುವಿನ ಅನುಗ್ರಹ ಹಾಗೂ ಅವನ ಸಂತೃಪ್ತಿಯನ್ನರಸುತ್ತ ಪವಿತ್ರಾಲಯದ ಕಡೆ ಹೋಗುತ್ತಿರುವವರನ್ನೂ ಅನಾದರಿಸಬಾರದು. ಆದರೆ ಇಹ್ರಾಮಿನ ಸ್ಥಿತಿಯಿಂದ ವಿರಮಿಸಿದರೆ ನೀವು ಬೇಟೆಯಾಡಿರಿ⁴. ಒಂದು ಕೂಟವು ನಿಮ್ಮನ್ನು ಮಸ್ಜಿದುಲ್ ಹರಾಮ್‍ನಿಂದ ತಡೆಯಿತು ಎಂಬ ಕಾರಣಕ್ಕೆ ನಿಮಗಿರುವ ಕೋಪವು ಅವರೊಂದಿಗೆ ಅತಿರೇಕವನ್ನೆಸಗಲು ನಿಮ್ಮನ್ನು ಉದ್ರೇಕಿಸದಿರಲಿ⁵. ಪುಣ್ಯ ಹಾಗೂ ದೇವ ಭಯದಲ್ಲಿ ನೀವು ಪರಸ್ಪರ ಸಹಾಯ ಮಾಡಿರಿ. ಪಾಪ ಹಾಗೂ ಅತಿರೇಕದಲ್ಲಿ ನೀವು ಪರಸ್ಪರ ಸಹಾಯ ಮಾಡ ಬೇಡಿರಿ. ಅಲ್ಲಾಹನನ್ನು ಭಯಪಡಿರಿ. ಖಂಡಿತ ಅಲ್ಲಾಹು ಕಠಿಣ ದಂಡಕನು.

ಶವ¹, ರಕ್ತ, ಹಂದಿ ಮಾಂಸ ಹಾಗೂ ಅಲ್ಲಾಹನ ಹೊರತು ಇತರರ ಹೆಸರಲ್ಲಿ ಚೂರಿ ಹಾಕಲಾದ ಪ್ರಾಣಿ ², ಉಸಿರುಗಟ್ಟಿ ಅಥವಾ ಪೆಟ್ಟುತಾಗಿ ಅಥವಾ ಎತ್ತರದಿಂದ ಬಿದ್ದು ಅಥವಾ ಘರ್ಷಿಸಲ್ಪಟ್ಟು ಅಥವಾ ಕ್ರೂರ ಮೃಗ ತಿಂದುಳಿದ ಸತ್ತ ಪ್ರಾಣಿ - ಆದರೆ ಪ್ರಾಣ ಹೋಗುವ ಮುನ್ನ ನೀವು ಚೂರಿ ಹಾಕಿದ ಪ್ರಾಣಿಯ ಹೊರತು - ಹಾಗೂ ವಿಗ್ರಹಗಳಿಗೆ ಬಲಿ ಕೊಡಲ್ಪಟ್ಟ ಪ್ರಾಣಿ ³, ಮತ್ತು ಬಾಣಗಳಿಂದ ಹಂಚಿ ಕೊಂಡದ್ದು⁴ ನಿಮಗೆ ನಿಷಿದ್ಧಗೊಳಿಸಲಾಗಿದೆ. ಇವೆಲ್ಲ⁵ ಅಧರ್ಮ ಕಾರ್ಯಗಳು. ಇಂದು ಸತ್ಯ ನಿಷೇಧಿಗಳು ನಿಮ್ಮ ಧರ್ಮದ ಬೆಳವಣಿಗೆಯಿಂದ ಸಂಪೂರ್ಣ ನಿರಾಶರಾಗಿದ್ದಾರೆ. ಆದುದರಿಂದ ನೀವು ಅವರನ್ನು ಭಯಪಡಬೇಡಿರಿ. ನನ್ನನ್ನು ಭಯಪಡಿರಿ. ಇಂದು ನಾನು ನಿಮ್ಮ ಧರ್ಮವನ್ನು ನಿಮಗಾಗಿ ಪರಿಪೂರ್ಣಗೊಳಿಸಿದ್ದೇನೆ. ನನ್ನ ಅನು ಗ್ರಹವನ್ನು ನಿಮ್ಮ ಮೇಲೆ ಸಂಪೂರ್ಣ ಗೊಳಿಸಿದ್ದೇನೆ ಮತ್ತು ಇಸ್ಲಾಮನ್ನು ನಿಮ್ಮ ಧರ್ಮವನ್ನಾಗಿ ಅಂಗೀಕರಿಸಿದ್ದೇನೆ. ಆದರೆ ಪಾಪದ ಕಡೆಗೆ ಮನಪೂರ್ವಕ ಒಲವಿಲ್ಲದೆ ಹಸಿವೆಯಿಂದ ನಿರ್ಬಂಧಿತ ನಾಗಿ ಯಾರಾದರೂ ಅವುಗಳನ್ನು ತಿಂದು ಬಿಟ್ಟರೆ, ಖಂಡಿತ ಅಲ್ಲಾಹು ಮಹಾಕ್ಷಮಾಶೀಲನೂ ದಯಾ ನಿಧಿಯೂ ಆಗಿರುತ್ತಾನೆ.

ಅವರಿಗೆ ಏನೇನೆಲ್ಲ ಅನುವದಿಸಲಾಗಿದೆ ಎಂದು ಅವರು ಕೇಳುತ್ತಾರೆ. ಹೇಳಿರಿ; ನಿಮಗೆ ಎಲ್ಲಾ ಉತ್ತಮ ವಸ್ತುಗಳನ್ನು ¹ ಧರ್ಮಸಮ್ಮತಗೊಳಿಸ ಲಾಗಿವೆ. ಅಲ್ಲಾಹು ನೀಡಿದ ಜ್ಞಾನದ ಆಧಾರದಲ್ಲಿ ನೀವು ಬೇಟೆಯಾಡಲು ಕಲಿಸಿಕೊಟ್ಟು ಪಳಗಿದ ಬೇಟೆ ಪ್ರಾಣಿಗಳು ನಿಮಗಾಗಿ ಬೇಟೆಯಾಡಿ ತಂದ ಪ್ರಾಣಿಗಳೂ ಧರ್ಮಸಮ್ಮತ. ಅವುಗಳನ್ನು ಭುಜಿಸಿರಿ. ಆದರೆ ಅದರ ಮೇಲೆ ಅಲ್ಲಾಹನ ನಾಮವನ್ನು ಉಚ್ಚರಿಸಿರಿ. ಅಲ್ಲಾಹನ ಕುರಿತು ಭಯಪಡಿರಿ. ಅಲ್ಲಾಹನು ವಿಚಾರಣೆಯಲ್ಲಿ ಅತಿ ಶೀಘ್ರನು.

ಈ ದಿನ ಉತ್ತಮ ವಸ್ತುಗಳನ್ನು ನಿಮಗೆ ಧರ್ಮ ಸಮ್ಮತಗೊಳಿಸಲಾಗಿದೆ. ಗ್ರಂಥದವರ ಆಹಾರ ನಿಮಗೂ -ನಿಮ್ಮ ಆಹಾರ ಅವರಿಗೂ ಸಮ್ಮತ ವಾಗಿದೆ. ಸತ್ಯವಿಶ್ವಾಸಿ ಸ್ವತಂತ್ರ ಸ್ತ್ರೀಯರೂ ನಿಮ ಗಿಂತ ಮುನ್ನ ವೇದ ಗ್ರಂಥ ನೀಡಲ್ಪಟ್ಟವರ ಸ್ವತಂತ್ರ ಸ್ತ್ರೀಯರೂ ನೀವು ಪರಸ್ಯ - ರಹಸ್ಯ ಅನೈತಿಕ ಸಂಬಂಧ ಹೊಂದದೆ ಮದುವೆ ಮಾಡಿಕೊಂಡು ಅವರಿಗೆ ಅವರ ವಿವಾಹ ಮೌಲ್ಯ ನೀಡುವುದಾದರೆ ನಿಮಗೆ ಸಮ್ಮತವಾಗುತ್ತಾರೆ¹. ಯಾವನು ಸತ್ಯ ವಿಶ್ವಾಸವನ್ನು ತಿರಸ್ಕರಿಸು ತ್ತಾನೋ ಅವನ ಸುಕೃತ ನಿಷ್ಪಲವಾಗುವುದು. ಪರ ಲೋಕದಲ್ಲಿ ಅವನು ನತದೃಷ್ಟರ ಕೂಟದಲ್ಲಾಗುವನು.

ಓ ಸತ್ಯವಿಶ್ವಾಸಿಗಳೇ, ನೀವು ನಮಾಝಿಗೆಂದು ಹೊರಟಾಗ ನಿಮ್ಮ ಮುಖಗಳನ್ನು ಮತ್ತು ಕೈಗಳನ್ನು ಮೊಳಗಂಟಿನ ಸಮೇತ ತೊಳೆದು ಕೊಳ್ಳಿರಿ. ತಲೆಯನ್ನು ಸವರಿರಿ ಮತ್ತು ಪಾದ ಕಾಲು ಗಳನ್ನು ಮಣಿಗಂಟು ಸಮೇತ ತೊಳೆದುಕೊಳ್ಳಿರಿ¹. ನೀವು ಜನಾಬತ್ (ದೊಡ್ಡ ಅಶುದ್ಧಿ) ಸ್ಥಿತಿಯಲ್ಲಿದ್ದರೆ ಶುದ್ಧರಾಗಿಕೊಳ್ಳಿರಿ². ನೀವು ರೋಗಿಗಳಾಗಿದ್ದರೆ ಅಥವಾ ಪ್ರಯಾಣದಲ್ಲಿದ್ದರೆ ಅಥವಾ ನಿಮ್ಮಲ್ಲಾರಾದರೂ ಮಲಮೂತ್ರ ವಿಸರ್ಜನೆ ಮಾಡಿ ಬಂದರೆ ಅಥವಾ ನೀವು ಸ್ತ್ರೀಯರನ್ನು ಸ್ಪರ್ಶಿಸಿದ್ದರೆ³ ನೀರು ಸಿಗದ ಪರಿಸ್ಥಿತಿಯಲ್ಲಿ ಶುದ್ಧ ಮಣ್ಣನ್ನು ಬಯಸಿರಿ. (ಅದರ ಮೇಲೆ ಹಸ್ತಗಳನ್ನು ಬಡಿದು) ನಿಮ್ಮ ಮುಖ ಮತ್ತು ಕೈಗಳ ಮೇಲೆ ಸವರಿಕೊಳ್ಳಿರಿ⁴. ನಿಮಗೆ ಯಾವುದೇ ತೊಂದರೆ ನೀಡಲು ಅಲ್ಲಾಹು ಇಚ್ಛಿಸುವುದಿಲ್ಲ. ಬದಲಾಗಿ ಅವನು ನಿಮ್ಮನ್ನು ಪರಿಶುದ್ಧಗೊಳಿಸಲಿಕ್ಕೂ⁵ ನಿಮ್ಮ ಮೇಲೆ ತನ್ನ ಅನ ಗ್ರಹವನ್ನು ಪರಿಪೂರ್ಣಗೊಳಿಸಲಿಕ್ಕೂ ಇಚ್ಛಿಸುತ್ತಾನೆ. ನೀವು ಕೃತಜ್ಞರಾಗುವಿರೆಂದು.

ಅಲ್ಲಾಹನು ನಿಮಗೆ ದಯಪಾಲಿಸಿದ ಅನುಗ್ರಹವನ್ನು¹ ಸ್ಮರಿಸಿರಿ ಮತ್ತು `ನಾವು ಆಲಿಸಿದೆವು ಮತ್ತು ಅನುಸರಿಸಿದೆವು ಎಂದು ನೀವು ಹೇಳಿದ ಸಂದರ್ಭದಲ್ಲಿ ಅಲ್ಲಾಹನು ನಿಮ್ಮಿಂದ ಪಡೆದ ಬಲವಾದ ಕರಾರನ್ನು ನೆನಪಿಸಿಕೊಳ್ಳಿರಿ². ಅಲ್ಲಾಹನನ್ನು ಭಯಪಡಿರಿ. ಅಲ್ಲಾಹನು ಹೃದಯಗಳ ರಹಸ್ಯಗಳನ್ನು ತಿಳಿದಿರುತ್ತಾನೆ.

ಓ ಸತ್ಯವಿಶ್ವಾಸಿಗಳೇ, ನೀವು ಅಲ್ಲಾಹನಿಗಾಗಿ ಸತ್ಯದಲ್ಲೇ ನೆಲೆನಿಲ್ಲುವವರೂ ನ್ಯಾಯದ ಸಾಕ್ಷ್ಯ ವಹಿಸುವವರೂ ಆಗಿರಿ¹. ಒಂದು ವಿಭಾಗದವರ ಮೇಲಿನ ದ್ವೇಷವು ನಿಮ್ಮನ್ನು ನ್ಯಾಯ ಪಾಲಿಸದಂತೆ ರೇಗಿಸದಿರಲಿ. ನೀವು ನ್ಯಾಯಪಾಲಿಸಿರಿ, ಇದು ದೇವಭಯಕ್ಕೆ ಹೆಚ್ಚು ನಿಕಟವಾಗಿರುತ್ತದೆ. ಅಲ್ಲಾಹನನ್ನು ಭಯಪಡಿರಿ. ನೀವು ಮಾಡುತ್ತಿರುವುದನ್ನೆಲ್ಲ ಅಲ್ಲಾಹನು ಖಂಡಿತ ಅರಿಯುವವನಾಗಿದ್ದಾನೆ.

ಸತ್ಯವಿಶ್ವಾಸವನ್ನು ಸ್ವೀಕರಿಸಿ ಸತ್ಕರ್ಮ ಮಾಡುವವರಿಗೆ ಪಾಪ ಮುಕ್ತಿ ಹಾಗೂ ಮಹತ್ತಾದ ಪ್ರತಿಫಲವನ್ನು ಅಲ್ಲಾಹನು ವಾಗ್ದಾನ ಮಾಡಿರುತ್ತಾನೆ.

ಆದರೆ, ಯಾರು ಸತ್ಯವನ್ನು ನಿಷೇಧಿಸಿ ನಮ್ಮ ನಿದರ್ಶನಗಳನ್ನು ಸುಳ್ಳಾಗಿಸುವರೋ, ಅವರೇ ನರಕವಾಸಿಗಳು.

ಓ ಸತ್ಯವಿಶ್ವಾಸಿಗಳೇ, ಒಂದು ವಿಭಾಗವು ನಿಮ್ಮ ಮೇಲೆ ಕೈ ಮಾಡಲು ಯತ್ನಿಸಿದಾಗ ಅಲ್ಲಾ ಹನು ಅವರ ಕೈಗಳನ್ನು ನಿಮ್ಮಿಂದ ತಡೆಯುವ ಮೂಲಕ ನಿಮ್ಮ ಮೇಲೆ ಮಾಡಿದ ಅನುಗ್ರಹವನ್ನು ಸ್ಮರಿಸಿರಿ¹. ಅಲ್ಲಾಹನನ್ನು ಭಯಪಡಿರಿ. ಸತ್ಯವಿಶ್ವಾಸವುಳ್ಳವರು ಅಲ್ಲಾಹನ ಮೇಲೆಯೇ ಭರವಸೆಯನ್ನಿರಿಸಿಕೊಳ್ಳಲಿ.

ಅಲ್ಲಾಹನು ಇಸ್‍ರಾಈಲ ಸಂತತಿಗಳಿಂದ ಕರಾರನ್ನು ಪಡೆದನು¹. ನಾವು ಅವರಿಂದ ಹನ್ನೆರಡು ಮೇಲ್ವಿಚಾರಕರನ್ನು ನೇಮಕ ಮಾಡಿದೆವು. ಅಲ್ಲಾಹು ಅವರೊಡನೆ ಹೇಳಿದನು; ಖಂಡಿತ ನಾನು ನಿಮ್ಮೊಂದಿಗಿದ್ದೇನೆ. ನೀವು ನಮಾಝನ್ನು ನೆಲೆಗೊಳಿಸಿದರೆ, ಝಕಾತ್ ನೀಡಿದರೆ, ನನ್ನ ದೂತರ ಮೇಲೆ ವಿಶ್ವಾಸವಿರಿಸಿದರೆ, ಅವರಿಗೆ ಸಹಾಯ ಮಾಡಿದರೆ ಮತ್ತು ಅಲ್ಲಾಹನಿಗೆ ಉತ್ತಮ ಸಾಲವನ್ನು² ನೀಡುತ್ತಲಿದ್ದರೆ, ನಿಶ್ಚಯ ವಾಗಿಯೂ ನಾನು ನಿಮ್ಮ ಪಾಪಗಳನ್ನು ಕ್ಷಮಿ ಸುವೆನು. ಮಾತ್ರವಲ್ಲದೆ ತಳಭಾಗದಲ್ಲಿ ಕಾಲುವೆ ಗಳು ಹರಿಯುತ್ತಿರುವ ಸ್ವರ್ಗೋದ್ಯಾನಗಳಲ್ಲಿ ನಿಮಗೆ ಖಂಡಿತ ಪ್ರವೇಶ ಕೊಡುವೆನು. ಆದರೆ, ಅನಂತರ (ಈ ಕರಾರಿನ ಬಳಿಕ) ನಿಮ್ಮಲ್ಲಾ ರಾದರೂ ಧಿಕ್ಕರಿಸಿದರೆ ಖಂಡಿತವಾಗಿಯೂ ಅವನು ನೇರ ದಾರಿಯಿಂದ ತಪ್ಪಿ ಹೋದನು’’.

ಅನಂತರ ಅವರು ತಮ್ಮ ಕರಾರನ್ನು ಮುರಿದ ಕಾರಣಕ್ಕಾಗಿ ನಾವು ಅವರನ್ನು ಶಪಿಸಿದೆವು¹ ಮತ್ತು ಅವರ ಹೃದಯಗಳನ್ನು ಕಠಿಣಗೊಳಿಸಿದೆವು. ಅವರು ವಚನಗಳನ್ನು ಅವುಗಳ ಸ್ಥಾನದಿಂದ ಪಲ್ಲಟಗೊಳಿಸುತ್ತಾರೆ. ಆ ಗ್ರಂಥದಲ್ಲಿ ಅವರಿಗೆ ಆದೇಶಿಸಲಾಗಿದ್ದ ಜ್ಞಾನದ ಒಂದು ಹಿಸೆಯನ್ನು ಅವರು ಮರೆತು ಬಿಟ್ಟಿದ್ದಾರೆ. ಅವರು ಎಸಗುತ್ತಿರುವ ವಂಚನೆಯನ್ನು ನೀವು ಪ್ರತ್ಯಕ್ಷ ಕಾಣುತ್ತಲಿರುವಿರಿ. ಅವರ ಪೈಕಿ ಸ್ವಲ್ಪ ಜನರ ಹೊರತು². ಅವರನ್ನು ಕ್ಷಮಿಸಿರಿ ಮತ್ತು ಅವರನ್ನು ನಿರ್ಲಕ್ಷಿಸಿರಿ³. ಅಲ್ಲಾಹನು ಗುಣವಂತರನ್ನು ಪ್ರೀತಿಸುತ್ತಾನೆ.

ನಾವು ಕ್ರೈಸ್ತರು ಎಂದು ಹೇಳಿಕೊಂಡಿದ್ದವರಿಂದಲೂ ನಾವು ಕರಾರನ್ನು ಪಡೆದಿದ್ದೆವು. ಅವರೂ ಕೂಡಾ ಅವರಿಗೆ ನೀಡಲಾಗಿದ್ದ ಪಾಠದ ಒಂದು ಅಂಶವನ್ನು ಮರೆತುಬಿಟ್ಟರು. ತರುವಾಯ ನಾವು ಅವರ ನಡುವೆ ಅಂತ್ಯ ದಿನದ ತನಕವೂ ಹಗೆತನ ಮತ್ತು ದ್ವೇಷವನ್ನು ಬೆಸೆದೆವು¹. ಅವರಿಗೆ ಅವರು ಮಾಡುತ್ತಿದ್ದುದರ ಬಗ್ಗೆ ಅಲ್ಲಾಹನು ವಿವರ ನೀಡಲಿರುವನು.

ಓ ಗ್ರಂಥದವರೇ, ನೀವು ವೇದಗ್ರಂಥದಿಂದ ಮರೆಮಾಚಿದ್ದ ಅನೇಕ ವಿಷಯಗಳನ್ನು ಬಹಿರಂಗಗೊಳಿಸುತ್ತ ನಮ್ಮ ದೂತರು ನಿಮ್ಮ ಬಳಿಗೆ ಬಂದಿರುತ್ತಾರೆ ಮತ್ತು ಅವರು ಅನೇಕ ವಿಷಯಗಳನ್ನು ಮಾಪಿ ಮಾಡುತ್ತಾರೆ ¹. ಅಲ್ಲಾಹನ ಕಡೆಯಿಂದ ಒಂದು ಪ್ರಕಾಶ ಮತ್ತು ಒಂದು ಸುವ್ಯಕ್ತ ಗ್ರಂಥವು ನಿಮ್ಮ ಬಳಿಗೆ ಬಂದಿದೆ.

ಅದರ ಮೂಲಕ ಅಲ್ಲಾಹನು ತನ್ನ ಸಂತೃಪ್ತಿಯನ್ನು ಅನುಸರಿಸುವವರಿಗೆ ಶಾಂತಿಯ ಮಾರ್ಗಗಳಿಗೆ ಹಚ್ಚುತ್ತಾನೆ ¹. ಹಾಗೂ ತನ್ನ ಇಚ್ಛೆಯಿಂದ ಅವರನ್ನು ಕತ್ತಲುಗಳಿಂದ ಬೆಳಕಿನ ಕಡೆಗೆ ಒಯ್ಯುತ್ತಾನೆ ² . ಅವರನ್ನು ನೇರವಾದ ದಾರಿಗೆ ಮಾರ್ಗದರ್ಶನ ನೀಡುತ್ತಾನೆ.

ಮರ್ಯಮರ ಪುತ್ರ `ಮಸೀಹರೇ `ಅಲ್ಲಾಹು’ ಎಂದು ಹೇಳಿದವರು ಖಂಡಿತವಾಗಿಯೂ ಕಾಫಿರ್ ಆದರು ¹. ಓ ಪೈಗಂಬರರೇ, ನೀವು ಅವರೊಡನೆ ಕೇಳಿರಿ ‘ಅಲ್ಲಾಹನು ಮರ್ಯಮರ ಪುತ್ರ ಮಸೀಹರನ್ನು, ಅವರ ಮಾತೆಯನ್ನು ಮತ್ತು ಭೂಮಿಯಲ್ಲಿರುವ ಸರ್ವರನ್ನು ನಾಶ ಮಾಡಲಿಚ್ಛಿಸಿದರೆ ಅವನನ್ನು ತಡೆಯುವ ಶಕ್ತಿ ಯಾರಿಗಿದೆ? ಭೂಮಿ-ಆಕಾಶಗಳ ಮತ್ತು ಅವುಗಳ ನಡುವಿನ ಎಲ್ಲದರ ಅಧಿಪತ್ಯ ಅಲ್ಲಾಹನದ್ದಾಗಿದೆ. ಅವನು ತಾನಿಚ್ಛಿಸಿದುದನ್ನು ಸೃಷ್ಟಿಸುತ್ತಾನೆ. ಅಲ್ಲಾಹನು ಎಲ್ಲ ವಸ್ತುಗಳ ಮೇಲೆ ಸರ್ವ ಸಮರ್ಥನು.

ನಾವು ಅಲ್ಲಾಹನ ಪುತ್ರರೂ ಪ್ರೀತಿ ಪಾತ್ರರೂ ಆಗಿರುತ್ತೇವೆ ಎಂದು ಜೂದರೂ ಕ್ರೈಸ್ತರೂ ಹೇಳುತ್ತಾರೆ. ನೀವು ಕೇಳಿರಿ; ಹಾಗಾದರೆ ಅವನು ನಿಮ್ಮನ್ನು ನಿಮ್ಮ ಪಾಪಗಳಿಗಾಗಿ ಶಿಕ್ಷಿಸುವುದೇಕೆ? ಹಾಗಲ್ಲ; ನೀವು ಅಲ್ಲಾಹನ ಸೃಷ್ಟಿಗಳಿಗೆ ಸೇರಿದ ಮನುಷ್ಯರು. ಅವನು ತಾನಿಚ್ಛಿಸಿದ ವರನ್ನು ಕ್ಷಮಿಸುತ್ತಾನೆ ಮತ್ತು ತಾನಿಚ್ಛಿಸಿದವರನ್ನು ಶಿಕ್ಷಿಸುತ್ತಾನೆ. ಭೂಮಿ-ಆಕಾಶಗಳು ಹಾಗೂ ಅವುಗಳ ನಡುವೆ ಇರುವ ಎಲ್ಲವೂ ಅಲ್ಲಾಹನ ಆಧಿಪತ್ಯದಲ್ಲಿದ್ದು ಆತನೆಡೆಗೇ ಮರಳ ಬೇಕಾಗಿದೆ.

ಓ ಗ್ರಂಥದವರೇ, ಪ್ರವಾದಿಗಳ ಆಗಮನ ನಿಲುಗಡೆಯಾಗಿದ್ದ ಬಳಿಕ ಇದೀಗ ನಮ್ಮ ಸಂದೇಶವಾಹಕರು ನಿಮ್ಮ ಬಳಿಗೆ ಸ್ಪಷ್ಟ ಮಾಹಿತಿ ಖಂಡಿತ ಕೊಡಲು ಬಂದಿರುತ್ತಾರೆ¹. ಯಾವುದೇ ಸುವಾರ್ತೆಗಾರನೂ ಮುನ್ನೆಚ್ಚರಿಕೆದಾರನೂ ನೀಡುವವರು ನಮಗೆ ಬಂದಿಲ್ಲ ಎಂದು ನೀವು ಹೇಳದಿರಲೆಂದು. ಈಗ ಸುವಾರ್ತೆ ಮತ್ತು ಮುನ್ನೆಚ್ಚರಿಕೆ ಕೊಡುವವರು ನಿಮ್ಮ ಬಳಿಗೆ ಬಂದಿದ್ದಾರೆ. ಅಲ್ಲಾಹು ಸಕಲ ಕಾರ್ಯಗಳಿಗೆ ಸರ್ವ ಸಮರ್ಥನಾಗಿರುವನು.

ಮೂಸಾರವರು ತಮ್ಮ ಜನಾಂಗದವರಿಗೆ ಹೇಳಿದ ಸಂದರ್ಭ. ಓ ನನ್ನ ಜನಾಂಗದವರೇ, ಅಲ್ಲಾಹನು ನಿಮಗೆ ದಯಪಾಲಿಸಿದ ಅನುಗ್ರಹಗಳನ್ನು ಸ್ಮರಿಸಿರಿ. ಅವನು ನಿಮ್ಮಲ್ಲಿ ಪ್ರವಾದಿಗಳನ್ನು ನಿಯೋಜಿಸಿದನು. ನಿಮ್ಮನ್ನು ರಾಜರನ್ನಾಗಿ ಮಾಡಿದನು¹. ಜಗತ್ತಿನಲ್ಲಿ ಯಾರಿಗೂ ಕೊಟ್ಟಿ ರದ ಉಪಕಾರವನ್ನು ನಿಮಗೆ ನೀಡಿದನು.

ಓ ನನ್ನ ಜನಾಂಗವೇ, ಅಲ್ಲಾಹನು ನಿಮಗೆ ದಾಖಲು ಮಾಡಿದ (ವಾಗ್ದಾನ ಮಾಡಿರುವ) ಪವಿತ್ರ ಭೂಮಿಗೆ ನೀವು ಪ್ರವೇಶಿಸಿರಿ. ಹಿಂಜರಿಯಬೇಡಿರಿ. ಅನ್ಯಥಾ ನೀವು ನಷ್ಟಗಾರರಾಗಿ ಮರಳುವಿರಿ.

ಅವರು ಹೇಳಿದರು; ಓ ಮೂಸಾ, ಅಲ್ಲಿ ಮಹಾ ಬಲಾಢ್ಯ ಜನರಿದ್ದಾರೆ. ಅವರು ಅಲ್ಲಿಂದ ಹೊರಟು ಹೋಗುವವರೆಗೂ ನಾವು ಅಲ್ಲಿಗೆ ಪ್ರವೇಶಿಸುವ ಪ್ರಶ್ನೆಯೇ ಇಲ್ಲ. ಅವರು ಅಲ್ಲಿಂದ ಹೊರಟು ಹೋದರೆ ನಾವು ಖಂಡಿತ ಪ್ರವೇಶಿಸಲು ಸಿದ್ಧರಿದ್ದೇವೆ’’.

ಆಗ ಅಲ್ಲಾಹನ ಭಕ್ತದಾಸರಿಗೆ ಸೇರಿದ ಹಾಗೂ ಅಲ್ಲಾಹನ ಅನುಗ್ರಹಗಳು ಸಿದ್ಧಿಸಿದ ಇಬ್ಬರು ಪುರುಷರು ಹೇಳಿದರು;¹ ‘ನೀವು ದೇಶದ ಹೆಬ್ಬಾಗಿಲ ಮೂಲಕ ಪ್ರವೇಶಿಸಿರಿ. ನೀವು ಒಳ ಪ್ರವೇಶ ಮಾಡಿದರೆ, ನೀವೇ ವಿಜಯಿಗಳಾಗು ವಿರಿ. ನೀವು ಸತ್ಯವಿಶ್ವಾಸಿಗಳಾಗಿದ್ದರೆ ಅಲ್ಲಾಹನ ಮೇಲೆ ಭರವಸೆ ಇಡಿರಿ’.

ಆದರೆ, ಅವರು ಹೇಳಿದರು; ಓ ಮೂಸಾ, ಅವರು ಅಲ್ಲಿರುವ ತನಕ ನಾವು ಎಂದಿಗೂ ಅಲ್ಲಿಗೆ ಪ್ರವೇ ಶಿಸಲಾರೆವು. ಆದ್ದರಿಂದ ನೀವೂ ನಿಮ್ಮ ಪ್ರಭೂ ಹೋಗಿ ಅಲ್ಲಿ ಯುದ್ಧ ಮಾಡಿರಿ, ನಾವಿಲ್ಲಿ ಕುಳಿತಿರುತ್ತೇವೆ.

ಆಗ ಮೂಸಾ, ಹೇಳಿದರು; ‘ಓ ನನ್ನ ಪ್ರಭೂ, ನನ್ನನ್ನು ಮತ್ತು ನನ್ನ ಸಹೋದರನನ್ನು ಹೊರತು ಇನ್ಯಾರನ್ನೂ ನನಗೆ ನಿಯಂತ್ರಿಸಲು ಸಾಧ್ಯವಾಗುತ್ತಿಲ್ಲ. ಆದುದರಿಂದ ನೀನು ನಮ್ಮ ಮತ್ತು ಈ ಧರ್ಮ ಧಿಕ್ಕಾರಿಗಳ ನಡುವೆ ತೀರ್ಪು ನೀಡು’.

ಅಲ್ಲಾಹನು ಹೇಳಿದನು; ಹಾಗಾದರೆ ಆ ಭೂಮಿ ಯನ್ನು ಅವರ ಮೇಲೆ ನಲ್ವತ್ತು ವರುಷಗಳವರೆಗೆ ನಿಷಿದ್ಧಗೊಳಿಸಲಾಗಿದೆ. ಅವರು ಆ ಭೂಮಿಯಲ್ಲಿ ಅಂಡಲೆಯುತ್ತಿರಲಿ. ಧಿಕ್ಕಾರಿಗಳಾದ ಆ ಜನರ ಬಗ್ಗೆ ನೀವು ಕಳವಳಗೊಳ್ಳದಿರಿ’’.

(ಓ ಪೈಗಂಬರರೇ,) ಆದಮರ ಈರ್ವರು ಪುತ್ರರ¹ ವೃತ್ತಾಂತವನ್ನು ಇವರಿಗೆ ಸತ್ಯಸಮೇತ ಓದಿ ಹೇಳಿರಿ. ಅವರಿಬ್ಬರೂ ಬಲಿಯರ್ಪಿಸಿದರು. ಅವರಿ ಬ್ಬರ ಪೈಕಿ ಒಬ್ಬನ ಬಲಿದಾನವು ² ಸ್ವೀಕೃತವಾಯಿತು ಮತ್ತು ಇನ್ನೊಬ್ಬನಿಂದ ಸ್ವೀಕೃತವಾಗಲಿಲ್ಲ. ಅವ ನು, (ಸ್ವೀಕೃತವಾಗದವನು) ‘ಖಂಡಿತವಾಗಿಯೂ ನಾನು ನಿನ್ನನ್ನು ವಧಿಸುವೆನು’ ಎಂದನು. ಆಗ ಇವನು ಹೇಳಿದನು; ಅಲ್ಲಾಹು ಭಯಭಕ್ತಿಯುಳ್ಳ ವರ ಬಲಿದಾನವನ್ನು ಮಾತ್ರ ಸ್ವೀಕರಿಸುತ್ತಾನೆ.

ನೀನು ನನ್ನನ್ನು ವಧಿಸಲು ಕೈಯೆತ್ತಿದರೂ ನಿನ್ನನ್ನು ವಧಿಸುವುದಕ್ಕಾಗಿ ನಿನ್ನ ವಿರುದ್ಧ ನಾನೆಂದೂ ಕೈ ಎತ್ತಲಾರೆ. ನಾನು ಲೋಕಪಾಲಕನಾದ ಅಲ್ಲಾಹನನ್ನು ಭಯಪಡುತ್ತೇನೆ.

ನನ್ನ ವಧೆಯ ಪಾಪಕ್ಕೂ ನಿನ್ನ ಬೇರೆ ಪಾಪಕ್ಕೂ ನೀನೇ ಹೊಣೆಗಾರನಾಗಬೇಕೆಂದೂ ನೀನು ನರಕ ವಾಸಿಯಾಗಬೇಕೆಂದೂ ನಾನು ಬಯಸುತ್ತೇನೆ. ಅಕ್ರಮಿಗಳ ಪ್ರತಿಫಲ ಅದುವೇ ಆಗಿದೆ’.

ಕೊನೆಗೆ ತನ್ನ ಸಹೋದರನ ಹತ್ಯೆಗೆ ಆತನ ಮನಸ್ಸು ಒಪ್ಪಿತು. ಮತ್ತು ಅವನು ಇವನನ್ನು ವಧಿಸಿ ನಷ್ಟವಂತರ ಕೂಟಕ್ಕೆ ಸೇರಿ ಹೋದನು¹.

ಅನಂತರ ಅಲ್ಲಾಹನು ಒಂದು ಕಾಗೆಯನ್ನು ಕಳುಹಿಸಿದನು ¹. ಅದು ಅವನ ಸಹೋದರನ ಮೃತ ದೇಹವನ್ನು ಹೇಗೆ ಮರೆ ಮಾಡಬೇಕೆಂದು ತೋರಿಸಿ ಕೊಡಲಿಕ್ಕಾಗಿ ನೆಲವನ್ನು ಅಗೆಯ ತೊಡ ಗಿತು. ಇದನ್ನು ಕಂಡು ಅವನು, ‘ಓ ನನ್ನ ಕಷ್ಟವೇ! ನನ್ನ ಸಹೋದರನ ಕಳೇಬರವನ್ನು ಮರೆ ಮಾಚಲು ಈ ಕಾಗೆಯಂತೆಯೂ ನಾನು ಆಗದಾ ದೆನಲ್ಲ !’ ಎಂದನು. ಅನಂತರ ಅವನು ತುಂಬ ಖೇದಗೊಂಡವನಾದನು ².