6. Surah Al-An'am, Kannada Translation

ಅವನು ನಿಮ್ಮನ್ನು ಕೊಜೆಮಣ್ಣಿನಿಂದ ಸೃಷ್ಟಿಸಿದವನು ¹. ನಂತರ ನಿಮಗಾಗಿ ಜೀವನದ ಒಂದು ಕಾಲಾವಧಿಯನ್ನು ನಿರ್ಣಯಿಸಿದವನು. ಅವನ ಬಳಿ ನಿರ್ಣಯಿಸಲ್ಪಟ್ಟ ಇನ್ನೊಂದು ಕಾಲಾವಧಿಯೂ ಇದೆ ². ಆದರೆ ನೀವು ಸಂಶಯಗ್ರಸ್ತರಾಗಿದ್ದೀರಿ.

ಅವನೇ ಆಕಾಶಗಳಲ್ಲೂ ಭೂಮಿಯಲ್ಲೂ ಅಲ್ಲಾಹು. ನಿಮ್ಮ ರಹಸ್ಯವನ್ನೂ ಬಹಿರಂಗವನ್ನೂ ಬಲ್ಲವನು. ನೀವು ಸಂಪಾದಿಸುವ ಒಳಿತು - ಕೆಡುಕುಗಳನ್ನೂ ಚೆನ್ನಾಗಿ ತಿಳಿಯಬಲ್ಲನು.

ಅವರ ಪ್ರಭುವಿನ ನಿದರ್ಶನಗಳ ಪೈಕಿ ಯಾವುದೇ ನಿದರ್ಶನ ಅವರ ಬಳಿ ಬಂದರೂ ಅವರು ಅದರಿಂದ ವಿಮುಖರಾಗದಿರಲಿಲ್ಲ.

ಆಮೇಲೆ ಅವರ ಬಳಿಗೆ ಸತ್ಯಪೂರ್ಣ ಗ್ರಂಥ ಬಂದಾಗಲೂ ಅದನ್ನು ಅವರು ಸುಳ್ಳಾಗಿಸಿದರು. ಅವರು ಯಾವುದನ್ನು ಪರಿಹಾಸ್ಯ ಮಾಡಿ ಕೊಂಡಿದ್ದರೋ ಅದರ ಅಂತಿಮ ಸಮಾಚಾರಗಳು¹ ಸದ್ಯದಲ್ಲೇ ಅವರಿಗೆ ಸಿಗಲಿವೆ.

ಇವರಿಗಿಂತ ಮುಂಚೆ ಎಷ್ಟೋ ಜನಾಂಗಗಳನ್ನೂ ನಾವು ನಾಶಗೊಳಿಸಿದ್ದನ್ನು ಇವರು ಕಂಡಿಲ್ಲವೇ? ನಾವು ನಿಮಗೆ ಅಧೀನಗೊಳಿಸದ ಶಕ್ತಿ ಸವಲತ್ತುಗಳನ್ನು ಅವರಿಗೆ ಭೂಮಿಯಲ್ಲಿ ಅಧೀನಗೊಳಿಸಿ ಕೊಟ್ಟಿದ್ದೆವು. ಅವರ ಮೇಲೆ ಆಕಾಶದಿಂದ ಧಾರಾಳವಾಗಿ ಮಳೆ ಸುರಿಸಿದ್ದೆವು. ಅವರ ನಿವಾಸಗಳ ತಳಭಾಗದಲ್ಲಿ ನದಿಗಳನ್ನು ಹರಿಸಿದೆವು. ಕೊನೆಗೆ ನಾವು ಅವರ ಪಾಪಗಳ ಫಲವಾಗಿ ಅವರನ್ನು ನಾಶಪಡಿಸಿ ಅವರ ಸ್ಥಾನದಲ್ಲಿ ಹೊಸ ಜನಾಂಗಗಳನ್ನು ಎಬ್ಬಿಸಿದೆವು.

ಓ ಪೈಗಂಬರರೇ, ನಾವು ನಿಮ್ಮ ಮೇಲೆ ಕಾಗದ ದಲ್ಲಿ ಬರೆದ ಒಂದು ಗ್ರಂಥವನ್ನು ಅವತೀರ್ಣಗೊಳಿಸುತ್ತಿದ್ದರೆ ಮತ್ತು ಜನರು ಅದನ್ನು ಕೈಗ ಳಿಂದ ಮುಟ್ಟಿಯೂ ನೋಡಿಕೊಳ್ಳುತ್ತಿದ್ದರೆ ಆಗಲೂ ಸತ್ಯನಿಷೇಧಿಗಳು ಇದು ವ್ಯಕ್ತವಾದ ಮಾಟ ವಲ್ಲದೆ ಇನ್ನೇನೂ ಅಲ್ಲವೆಂದೇ ಹೇಳುತ್ತಿದ್ದರು.

ಈ ಪ್ರವಾದಿಯ ಮೇಲೆ ಒಬ್ಬ ಮಲಕ್ ಏಕೆ ಇಳಿಸಲ್ಪಡಲಿಲ್ಲವೆಂದು ಇವರು ಕೇಳುತ್ತಾರೆ. ನಾವು ದೇವಚರರನ್ನು ಇಳಿಸುತ್ತಿದ್ದರೆ, ತಕ್ಷಣವೇ ಶಿಕ್ಷೆಯ ತೀರ್ಮಾನ ನಡೆಯುತ್ತಿತ್ತು. ಅನಂತರ ಇವರಿಗೆ ಅವಧಿ ಕೊಡಲಾಗುತ್ತಿರಲಿಲ್ಲ ¹.

ಒಂದು ವೇಳೆ ನಾವು ದೇವಚರನನ್ನು ಇಳಿಸುತ್ತಿ ದ್ದರೂ ಅವನನ್ನು ಮನುಷ್ಯನಾಗಿಯೇ ಇಳಿಸುತ್ತಿದ್ದೆವು. ಈಗ ಇವರು ಸಿಲುಕಿ ಬಿದ್ದಿರುವ ಸಂಶಯದಲ್ಲೇ ಆಗಲೂ ಅವರನ್ನು ನಾವು ಬೀಳಿ ಸುತ್ತಿದ್ದೆವು.

ನಿಮಗಿಂತ ಮುಂಚೆಯೂ ಅನೇಕ ಮಂದಿ ಸಂದೇಶವಾಹಕರು ಪರಿಹಾಸ್ಯಕ್ಕೊಳಗಾಗಿದ್ದಾರೆ. ಆದರೆ, ಕೊನೆಗೆ ಅವರು ಪರಿಹಾಸ್ಯ ಮಾಡುತ್ತಿದ್ದ ಶಿಕ್ಷೆಯೇ ಅವರ ಮೇಲೆ ಬಂದೆರಗಿತು.

ನೀವು ಭೂಮಿಯ ಮೇಲೆ ಸಂಚರಿಸಿರಿ. ಆಮೇಲೆ ಸತ್ಯನಿಷೇಧಿಗಳ ಪರ್ಯಾವಸಾನವೇನಾಯಿತೆಂಬುದನ್ನು ನೋಡಿರೆಂದು ಇವರೊಡನೆ ಹೇಳಿರಿ ¹.

ಭೂಮಿ-ಆಕಾಶಗಳಲ್ಲಿರುವುದೆಲ್ಲ ಯಾರದೆಂದು ಇವರೊಡನೆ ಕೇಳಿರಿ. ಎಲ್ಲವೂ ಅಲ್ಲಾಹನದೇ ಎಂದು ಹೇಳಿರಿ. ಕರುಣೆಯನ್ನು ಅವನು ತನ್ನ ಬಾಧ್ಯತೆಯಾಗಿ ಬರೆದಿದ್ದಾನೆ. ಅವನು ಪುನರು ತ್ಥಾನ ದಿನದಂದು ನಿಮ್ಮೆಲ್ಲರನ್ನೂ ಖಂಡಿತವಾಗಿ ಯೂ ಒಟ್ಟು ಗೂಡಿಸುವನು. ಇದರಲ್ಲಿ ಸಂದೇಹವೇ ಇಲ್ಲ. ಆದರೆ, ತಮ್ಮನ್ನು ತಾವೇ ನಷ್ಟಕ್ಕೊಡ್ಡಿದವರು ನಂಬುವುದಿಲ್ಲ.

ಇರುಳಲ್ಲೂ ಹಗಲಲ್ಲೂ ಅಡಗಿದ ಎಲ್ಲವೂ ಅಲ್ಲಾಹ ನದ್ದು¹. ಅವನು ಸರ್ವಶ್ರುತನೂ ಸರ್ವಜ್ಞನೂ ಆಗಿರುತ್ತಾನೆ.

ನಾನು ಅಲ್ಲಾಹನನ್ನು ಬಿಟ್ಟು ಇನ್ನಾರನ್ನಾದರೂ ನನ್ನ ಸಂರಕ್ಷಕನಾಗಿ ಮಾಡಿಕೊಳ್ಳಬೇಕೆ? ಅವನಾ ದರೋ ಭೂಮಿ-ಆಕಾಶಗಳ ಕರ್ತೃ. ಅವನು ಉಣಿಸುವವನು, ಉಣಿಸಲ್ಪಡುವವನಲ್ಲ. ಹೇಳಿರಿ - ಮೊತ್ತ ಮೊದಲು ಅವನ ಮುಂದೆ ನಾನು ಶರಣಾಗತನಾಗಬೇಕೆಂದೂ ನಾನು ಬಹುದೇವಾ ರಾಧಕರ ಕೂಟಕ್ಕೆ ಸೇರಬಾರದೆಂದೂ ನನಗೆ ಆಜ್ಞಾಪಿಸಲಾಗಿದೆ.

ಹೇಳಿರಿ - ನಾನು ನನ್ನ ಪ್ರಭುವಿನ ಆಜ್ಞೋಲ್ಲಂ ಘನೆ ಮಾಡಿದರೆ ಒಂದು ಘೋರ ದಿನದ ಶಿಕ್ಷೆ ಯನ್ನು ಭಯಪಡುತ್ತೇನೆ.

ಅಂದು ಯಾವನ ಪಾಲಿಗೆ ಶಿಕ್ಷೆಯನ್ನು ತಡೆಯ ಲಾಗುವುದೋ ಅವನಿಗೆ ನಿಜಕ್ಕೂ ಅಲ್ಲಾಹು ದಯೆ ತೋರಿದನು¹. ಇದುವೇ ಪ್ರತ್ಯಕ್ಷವಾದ ವಿಜಯ ವಾಗಿರುತ್ತದೆ

ಅಲ್ಲಾಹನು ನಿಮಗೆ ಯಾವುದೇ ವಿಪತ್ತ (ಕೆಡು ಕು)ನ್ನು ಮುಟ್ಟಿಸಿದರೆ, ಅದನ್ನು ನಿವಾರಿಸಲು ಅವನ ಹೊರತು ಇನ್ನಾರೂ ಇಲ್ಲ. ಅವನು ನಿಮಗೆ ಒಳಿತನ್ನುಂಟು ಮಾಡಿದರೆ, ಅವನು ಸಕಲ ವಸ್ತುಗಳ ಮೇಲೆ ಸರ್ವ ಸಮರ್ಥನು ¹.

ಅವನು ತನ್ನ ದಾಸರ ಮೇಲೆ ಸಂಪೂರ್ಣ ಅಧಿಕಾರವುಳ್ಳವನು. ಅವನು ಧೀಮಂತನೂ ಸೂಕ್ಷ್ಮಜ್ಞನೂ ಆಗಿರುತ್ತಾನೆ.

ಕೇಳಿರಿ, ಅತ್ಯಂತ ಹಿರಿಯ ಸಾಕ್ಷಿ ಯಾವುದು? ಹೇಳಿರಿ, ನನ್ನ ಮತ್ತು ನಿಮ್ಮ ನಡುವೆ ಅಲ್ಲಾಹನು ಸಾಕ್ಷಿಯಾಗಿದ್ದಾನೆ. ಮತ್ತು ಖುರ್‍ಆನ್ ನಿಮಗೂ ಇನ್ನು ಇದು ಯಾರಿಗೆಲ್ಲ ತಲುಪುವುದೋ ಅವರೆಲ್ಲರಿಗೂ ಎಚ್ಚರಿಕೆ ನೀಡಲಿಕ್ಕಾಗಿ ನನ್ನ ಕಡೆಗೆ ದಿವ್ಯ ಸಂದೇಶವಾಗಿ ನೀಡಲಾಗಿದೆ ಎಂದು ಹೇಳಿರಿ. ಅಲ್ಲಾಹನೊಂದಿಗೆ ಇತರ ಆರಾಧ್ಯರೂ ಇರುವರೆಂದು ನಿಜಕ್ಕೂ ನೀವು ಸಾಕ್ಷ್ಯ ನೀಡ ಬಲ್ಲಿರಾ ? ಅವರಿಗೆ ಹೇಳಿರಿ, ನಾನು ಎಷ್ಟು ಮಾತ್ರ ಕ್ಕೂ ಅದಕ್ಕೆ ಸಾಕ್ಷ್ಯ ಹೇಳಲಾರೆ. ಹೇಳಿರಿ, ನಿಶ್ಚ ಯವಾಗಿಯೂ ಅವನು ಏಕಮಾತ್ರ ಆರಾಧ್ಯನು ಮತ್ತು ನೀವು ಅಲ್ಲಾಹನಿಗೆ ಪಾಲುಗಾರಿಕೆ ಮಾಡು ವುದರಿಂದ ನಾನು ತೀರಾ ಮುಕ್ತನಾ ಗಿದ್ದೇನೆ.

ನಾವು ಯಾರಿಗೆ ಗ್ರಂಥ ನೀಡಿದ್ದೇವೆಯೋ ಅವರು ತಮ್ಮ ಮಕ್ಕಳನ್ನು ಅರಿಯುವಂತೆ ಪ್ರವಾದಿಯರನ್ನು ಅರಿತ್ತಿದ್ದಾರೆ ¹. ಆದರೆ ಸ್ವಯಂನಷ್ಟ ಮಾಡಿಕೊಂಡವರು ಯಾವತ್ತೂ ವಿಶ್ವಾಸ ತಾಳಲಾರರು.

ಅಲ್ಲಾಹನ ಮೇಲೆ ಸುಳ್ಳಾರೋಪ ಹೊರಿಸುವವನಿಗಿಂತ ಅಥವಾ ಅಲ್ಲಾಹನ ನಿದರ್ಶನಗಳನ್ನು ಸುಳ್ಳಾಗಿಸುವವನಿಗಿಂತ ದೊಡ್ಡ ಅನ್ಯಾಯಗಾರ ಯಾರಿದ್ದಾನೆ? ಅನ್ಯಾಯಗಾರರು ಖಂಡಿತ ಜಯಗಳಿಸರು.

ನಾವು ಇವರನ್ನೆಲ್ಲ ಒಟ್ಟುಗೂಡಿಸುವ ಮತ್ತು ಮುಶ್ರಿಕರೊಡನೆ, ನೀವು ನಿಮ್ಮ ದೇವರೆಂದು ವಾದಿಸುತ್ತಿದ್ದ ನಿಮ್ಮ ಸಹಭಾಗಿಗಳು ಈಗ ಎಲ್ಲಿದ್ದಾರೆ? ಎಂದು ಪ್ರಶ್ನಿಸುವ ದಿನವನ್ನು ಸ್ಮರಿಸಿರಿ.

ಅನಂತರ ಅವರಿಗೆ, `ಓ ನಮ್ಮ ಪ್ರಭೂ, ಅಲ್ಲಾಹ ನಾಣೆ, ನಾವು ಮುಶ್ರಿಕರಾಗಿರಲಿಲ್ಲ, ಎನ್ನುವ ಉಪಾಯವಲ್ಲದೆ ಇನ್ನೇನೂ ಇರುವುದಿಲ್ಲ.

ನೋಡಿರಿ, ಅವರು ತಾವೇ ತಮ್ಮ ಮೇಲೆ ಹೇಗೆ ಸುಳ್ಳನ್ನು ಸೃಷ್ಟಿಸಿಕೊಂಡರು, ಅವರು ನಿರ್ಮಿಸಿದ ದೇವರುಗಳೆಲ್ಲ ಅವರನ್ನು ಬಿಟ್ಟು ಹೇಗೆ ಕಣ್ಮರೆ ಯಾದರು!

ಅವರಲ್ಲಿ ಕೆಲವರು ನಿಮ್ಮ ಮಾತನ್ನು ಕಿವಿಗೊಟ್ಟು ಕೇಳುತ್ತಾರೆ. ಆದರೆ, ನಾವು ಅವರ ಹೃದಯಗಳ ಮೇಲೆ ಮರೆ ಹಾಕಿರುತ್ತೇವೆ. ಇದರಿಂದಾಗಿ ಅವರು ಅದನ್ನು ಸ್ವಲ್ಪವೂ ಗ್ರಹಿಸುವುದಿಲ್ಲ ಮತ್ತು ಅವರ ಕಿವಿಗಳಲ್ಲಿ ತಡೆ ಇಟ್ಟಿದ್ದೇವೆ. ಆದ್ದರಿಂದ ಅವರು ಎಲ್ಲ ನಿದರ್ಶನವನ್ನು ಕಂಡರೂ ಅದರ ಮೇಲೆ ವಿಶ್ವಾಸವಿಡಲಾರರು. ಆ ಸತ್ಯನಿಷೇಧಿಗಳು ನಿಮ್ಮ ಬಳಿಗೆ ಬಂದು ನಿಮ್ಮೊಡನೆ ತರ್ಕಿಸುತ್ತ ಇವೆಲ್ಲ ಪೂರ್ವಿಕರ ಕಾಡು ಹರಟೆಗಳೇ ವಿನಾ ಇನ್ನೇನೂ ಅಲ್ಲ ಎಂದು ಹೇಳುತ್ತಾರೆ.

ಅವರು ಅದರಿಂದ ಜನರನ್ನು ತಡೆಯುತ್ತಾರೆ ಸ್ವತಃ ತಾವೂ ಅದರಿಂದ ದೂರ ನಿಲ್ಲುತ್ತಾರೆ. ಈ ಮೂಲಕ ಅವರು ಸ್ವಂತವನ್ನಲ್ಲದೆ ಬೇರೇನನ್ನೂ ನಾಶ ಮಾಡುವುದಿಲ್ಲ. ಆದರೆ ಅವರಿಗೆ ಅದರ ಪ್ರಜ್ಞೆ ಇಲ್ಲ.

ಅವರು ನರಕಾಗ್ನಿಯ ಕಿನಾರೆಯಲ್ಲಿ ನಿಲ್ಲಿಸಲಾ ಗುವುದನ್ನು ನೀವು ಕಂಡರೆ, ಆಗ ಅವರು, ಭೂಲೋಕಕ್ಕೆ ನಮ್ಮನ್ನು ವಾಪಾಸು ಕಳಿಸಲಾದರೆ ನಾವು ನಮ್ಮ ಪ್ರಭುವಿನ ನಿದರ್ಶನಗಳನ್ನು ಸುಳ್ಳಾಗಿಸದೆ, ವಿಶ್ವಾಸವಿಟ್ಟವರ ಕೂಟದಲ್ಲಿ ಸೇರಬಹುದಿತ್ತು ಎಂದು ಹೇಳುವರು.

ಹಾಗಲ್ಲ, ವಾಸ್ತವದಲ್ಲಿ ಅವರು ಮರೆಮಾಚಿದ್ದು ಆಗ ಅವರ ಮುಂದೆ ಪ್ರತ್ಯಕ್ಷವಾಯಿತೆಂದು ಮಾತ್ರ. ಅನ್ಯಥಾ ಅವರನ್ನು ಗತ ಜೀವನದ ಕಡೆಗೆ ಹಿಂದಿರುಗಿಸಿದರೆ ಅವರಿಗೆ ಯಾವುದನ್ನು ನಿಷೇಧಿಸಲಾಗಿತ್ತೋ ಅದಕ್ಕೇ ಮರಳುವರು. ನಿಜವಾಗಿಯೂ ಅವರು ಸುಳ್ಳರು.

ನಮ್ಮ ಈ ಇಹಲೋಕದ ಜೀವನವಲ್ಲದೆ ಬೇರೇನೂ ಇಲ್ಲ. ನಾವು ಸತ್ತ ಮೇಲೆ ಪುನರ್ಜೀವಗೊ ಳಿಸಲಾಗುವುದಿಲ್ಲ ಎಂದು ಇವರು ಹೇಳುತ್ತಾರೆ.

ಇವರು ತಮ್ಮ ಪ್ರಭುವಿನ ಮುಂದೆ ನಿಲ್ಲಿಸ ಲಾಗುವುದನ್ನು ನೀವು ಕಂಡಿದ್ದರೆ! ಆಗ ಇವರ ಪ್ರಭು ಇವರೊಡನೆ, ‘ಇದು ಸತ್ಯವಲ್ಲವೇ?’ ಎಂದು ಕೇಳುವನು, ‘ಹೌದು ನಮ್ಮ ಪ್ರಭುವಿನಾಣೆ ಸತ್ಯ’ ಎಂದು ಇವರು ಹೇಳುವರು. ಅವನು, ಹಾಗಾದರೆ ನೀವು ಅವಿಶ್ವಾಸ ತಾಳಿದ ಕಾರಣಕ್ಕಾಗಿ ಯಾತನೆಯ ಸವಿಯನ್ನುಣ್ಣಿರಿ ಎನ್ನುವನು.

ಅಲ್ಲಾಹನನ್ನು ಬೇಟಿಯಾಗಲಿಕ್ಕಿರುವುದನ್ನು ಸುಳ್ಳಾಗಿಸುವವರು ನಷ್ಟ ಹೊಂದಿದರು. ಆ ಘಳಿಗೆಯು ಹಠಾತ್ತನೆ ಬಂದು ಬಿಡುವಾಗ, ಅಯ್ಯೋ, ನಮ್ಮ ಕಷ್ಟವೇ, ಇಹದಲ್ಲಿ ನಾವು ಅಸಡ್ಡೆ ತೋರಿದೆವಲ್ಲಾ ಎಂದು ಗೋಳಿಡುವರು. ಇವರು ತಮ್ಮ ಬೆನ್ನ ಮೇಲೆ ಪಾಪಗಳ ಮೂಟೆಯನ್ನು ಹೊತ್ತುಕೊಳ್ಳುವರು¹. ತಿಳಿಯಿರಿ, ಎಷ್ಟು ನಿಕೃಷ್ಟ ಹೊರೆಯನ್ನು ಇವರು ಹೊತ್ತಿರುವರು!

ಇಹಲೋಕದ ಜೀವನವು ಒಂದು ಆಟ ಮತ್ತು ವಿನೋದ ಮಾತ್ರವಾಗಿದೆ. ವಾಸ್ತವದಲ್ಲಿ ಧರ್ಮ ನಿಷ್ಟರಿಗೆ ಪರಲೋಕದ ನಿವಾಸವೇ ಶ್ರೇಷ್ಟ. ನೀವು ವಿಚಾರ ಮಾಡುವುದಿಲ್ಲವೇ?¹

(ಓ ಪೈಗಂಬರರೇ,) ಇವರು ಸೃಷ್ಟಿಸಿ ಹೇಳುತ್ತಿರುವ ಮಾತುಗಳಿಂದ ನಿಮಗೆ ತುಂಬ ನೋವಾಗಿದೆಯೆಂದು ನಮಗೆ ಗೊತ್ತಿದೆ. ಆದರೆ ಇವರು ನಿರಾಕರಿಸುತ್ತಿರುವುದು ನಿಮ್ಮನ್ನಲ್ಲ. ಅಕ್ರಮಿಗಳು ವಾಸ್ತವದಲ್ಲಿ ಅಲ್ಲಾಹನ ನಿದರ್ಶನಗಳನ್ನು ನಿರಾಕರಿಸುತ್ತಿದ್ದಾರೆ ¹.

ನಿಮಗಿಂತ ಹಿಂದಿನ ಅನೇಕ ಸಂದೇಶವಾಹಕರನ್ನು ಖಂಡಿತ ಸುಳ್ಳಾಗಿಸಲಾಗಿದೆ. ಆದರೆ ಅವರು ತಮ್ಮನ್ನು ಸುಳ್ಳಾಗಿಸಿದ್ದನ್ನೂ ಉಪದ್ರವಿಸಿದ್ದನ್ನೂ ಸಹಿಸಿಕೊಂಡರು. ಕೊನೆಗೆ ಅವರಿಗೆ ನಮ್ಮ ಸಹಾಯ ಒದಗಿತು. ಅಲ್ಲಾಹನ ವಚನಗಳನ್ನು ಬದಲಾಯಿಸುವವನು ಯಾರೂ ಇಲ್ಲ. (ಪ್ರವಾದಿಗಳ ವೃತ್ತಾಂತಗಳಿಂದ) ಮನ ತಣಿಸುವ ಕೆಲವು ವಿಚಾರಗಳು ಖಂಡಿತ ನಿಮಗೆ ತಲುಪಿರುತ್ತವೆ.

ಇವರ ಅಶ್ರದ್ಧೆಯು ನಿಮಗೆ ಅಸಹನೀಯವಾಗಿ ದ್ದಲ್ಲಿ ಸಾಧ್ಯವಿದ್ದರೆ ನೆಲದಲ್ಲೊಂದು ಸುರಂಗವನ್ನು ತೋಡಿರಿ ಅಥವಾ ಆಕಾಶಕ್ಕೆ ಏಣಿಯಿಡಿರಿ ಮತ್ತು ಇವರ ಬಳಿಗೆ ದೃಷ್ಟಾಂತವೇನಾದರೂ ತಂದು ಕೊಡಲು ಪ್ರಯತ್ನಿಸಿರಿ ¹. (ನಿಮಗದು ಸಾಧ್ಯವಿಲ್ಲ. ಆದ್ದರಿಂದ ಸಹನೆಯೇ ಸಂಗತ) ಅಲ್ಲಾಹು ಇಚ್ಚಿಸುತ್ತಿದ್ದರೆ ಇವರೆಲ್ಲರನ್ನೂ ಸನ್ಮಾರ್ಗದಲ್ಲಿ ಒಟ್ಟುಗೂಡಿಸಲು ಶಕ್ತನಾಗಿದ್ದನು. ಆದುದರಿಂದ ನೀವು ಖಂಡಿತ ಅಜ್ಞಾನಿಗಳ ಕೂಟಕ್ಕೆ ಸೇರಬಾರದು².

ಮನಸಾರೆ ಕೇಳಿಸಿಕೊಳ್ಳುವವರು ಮಾತ್ರ ತಮ್ಮ ಕರೆಗೆ ಓಗೊಡುತ್ತಾರೆ. ಸತ್ತವರನ್ನು ಅಲ್ಲಾಹು ಸಮಾಧಿಗಳಿಂದ ಜೀವ ಕೊಟ್ಟು ಎಬ್ಬಿಸುವನು. ತರುವಾಯ ಆತನ ಕಡೆಗೆ ಅವರನ್ನು ಮರಳಿ ತರಲಾಗುವುದು ¹.

ಈ ಪ್ರವಾದಿಗೆ ಅವನ ಪ್ರಭುವಿನ ಕಡೆಯಿಂದ ಒಂದು ದೃಷ್ಟಾಂತವೇಕೆ ಇಳಿಸಲಾಗಿಲ್ಲ ಎಂದು ಇವರು ಕೇಳುತ್ತಾರೆ. ಹೇಳಿರಿ, ದೃಷ್ಟಾಂತವನ್ನಿಳಿಸಲು ಅಲ್ಲಾಹನು ಸಂಪೂರ್ಣ ಶಕ್ತನಾಗಿದ್ದಾನೆ. ಆದರೆ ಇವರಲ್ಲಿ ಹೆಚ್ಚಿನವರು ತಿಳಿಗೇಡಿಗಳಾಗಿದ್ದಾರೆ¹.

ಭೂಮಿಯ ಮೇಲೆ ಚಲಿಸುವ ಪ್ರಾಣಿಗಳೂ, ಎರಡು ರೆಕ್ಕೆಗಳಲ್ಲಿ ಹಾರುವ ಪಕ್ಷಿಗಳೂ ಖಂಡಿತ ನಿಮ್ಮಂತೆಯೇ ಇರುವ ವರ್ಗಗಳು. (ಕರ್ಮ) ಗ್ರಂಥದಲ್ಲಿ ¹ ಯಾವುದೇ ಲೋಪವನ್ನು ನಾವು ಮಾಡಿಲ್ಲ. ಅನಂತರ ಇವೆಲ್ಲ ತಮ್ಮ ಪ್ರಭುವಿನ ಕಡೆಗೆ ಒಟ್ಟುಗೂಡಿಸಲ್ಪಡುತ್ತವೆ.