12. Surah Yusuf, Kannada Translation

ನೀವು ಯೋಚಿಸಿ ಗ್ರಹಿಸುವಂತಾಗಲು ನಾವು ಇದನ್ನು ಅರಬಿ ಭಾಷೆಯಲ್ಲಿರುವ ಖುರ್‍ಆನನ್ನಾಗಿ ಅವತೀರ್ಣಗೊಳಿಸಿದೆವು.

ನಿಮಗೆ ನಮ್ಮ ಈ ಖುರ್‍ಆನ್ ಅವತರಣಿಕೆ ಯಿಂದ ಅತ್ಯಂತ ಸುಂದರವಾದ ಒಂದು ಚರಿತ್ರೆ ಯನ್ನು ಪ್ರಸ್ತುತಪಡಿಸುತ್ತಿದ್ದೇವೆ. ಇದಕ್ಕಿಂತ ಮುಂಚೆ ಈ ಚರಿತ್ರೆಯ ಬಗ್ಗೆ ನೀವು ಅಪ್ರಜ್ಞರಲ್ಲಾಗಿದ್ದಿರಿ¹.

ಯೂಸುಫರು ತಮ್ಮ ಪಿತರೊಡನೆ ಹೇಳಿದ ಸಂದರ್ಭ. `ಅಪ್ಪಾ, ಹನ್ನೊಂದು ನಕ್ಷತ್ರಗಳೂ ಸೂರ್ಯನೂ ಚಂದ್ರನೂ ನನಗೆ ಸಾಷ್ಟಾಂಗವೆರಗುತ್ತಿರುವುದಾಗಿ ನಾನು ಸ್ವಪ್ನದಲ್ಲಿ ಕಂಡಿರುತ್ತೇನೆ’ ¹.

ಆಗ ಅವರ ತಂದೆ ಇಂತೆಂದರು, ‘ನನ್ನ ಮುದ್ದು ಮಗನೇ, ನಿನ್ನ ಈ ಸ್ವಪ್ನವನ್ನು ನಿನ್ನ ಸಹೋದರರಿಗೆ ವಿವರಿಸಿ ಕೊಡಬೇಡ. ಅನ್ಯಥಾ ಅವರು ನಿನ್ನ ವಿರುದ್ಧ ಒಳಸಂಚು ನಡೆಸುವರು. ವಾಸ್ತವದಲ್ಲಿ ಶೈತಾನನು ಮಾನವನ ಪ್ರತ್ಯಕ್ಷ ಶತ್ರುವಾಗಿರುವನು¹.

ಅದೇ ಪ್ರಕಾರ (ಸ್ವಪ್ನದಲ್ಲಿ ಕಂಡಂತೆ) ನಿನ್ನ ಪ್ರಭುವು ನಿನ್ನನ್ನು ಆಯ್ದುಕೊಳ್ಳುವನು. ನಿನಗೆ ಸ್ವಪ್ನಗಳ ವ್ಯಾಖ್ಯಾನವನ್ನು ಕಲಿಸಿ ಕೊಡುವನು ಮತ್ತು ಇದಕ್ಕೆ ಮುಂಚೆ ನಿನ್ನ ಪೂರ್ವಜರಾಗಿದ್ದ ಇಬ್‍ರಾಹೀ ಮ್ ಮತ್ತು ಇಸ್‍ಹಾಖರ ಮೇಲೆ ಅವನು ತನ್ನ (ಪ್ರವಾದಿತ್ವದ) ಅನುಗ್ರಹವನ್ನು ಪೂರ್ಣಗೊಳಿಸಿ ದಂತೆ ನಿನ್ನ ಮೇಲೂ ಯಅïಖೂಬರ ವಂಶಜರ ಮೇಲೂ ಆ ಅನುಗ್ರಹವನ್ನು ಪೂರ್ಣಗೊಳಿಸುವನು. ನಿಶ್ಚಯವಾಗಿಯೂ ನಿನ್ನ ಪ್ರಭು ಸರ್ವಜ್ಞನೂ ಯುಕ್ತಿವಂತನೂ ಆಗಿರುತ್ತಾನೆ.

ಯೂಸುಫ್ ಮತ್ತು ಅವರ ಸಹೋದರರ ಚರಿತ್ರೆ ಯಲ್ಲಿ ಆ ಚರಿತ್ರೆಯ ಬಗ್ಗೆ ಪ್ರಶ್ನಿಸುವವರಿಗೆ ಖಂಡಿತ ನಿದರ್ಶನಗಳಿವೆ.

ಅವರ ಸಹೋದರರು ಪರಸ್ಪರ ಹೇಳಿದರು; ಯೂಸುಫ್ ಹಾಗೂ ಅವನ ಸಹೋದರನೇ ನಮ್ಮ ತಂದೆಗೆ ನಮ್ಮೆಲ್ಲರಿಗಿಂತ ಹೆಚ್ಚು ಪ್ರೀತಿ. ನಾವಂತೂ ಬಲ ಪ್ರಾಪ್ತಿಯುಳ್ಳ ಒಂದು ಕೂಟವಾಗಿರುತ್ತೇವೆ. ವಾಸ್ತವದಲ್ಲಿ ನಮ್ಮ ಪಿತೃವರ್ಯರು ಸ್ಪಷ್ಟ ಪ್ರಮಾದದಲ್ಲಿದ್ದಾರೆ¹.

ನೀವು ಯೂಸುಫನನ್ನು ಕೊಂದು ಹಾಕಿರಿ, ಇಲ್ಲವೆ ಎಲ್ಲಾದರೂ ದೂರ ಸ್ಥಳಕ್ಕೆ ಎಸೆದುಬಿಡಿರಿ. ಹಾಗಾದರೆ ನಿಮ್ಮ ತಂದೆಯ ಒಲವು ಕೇವಲ ನಿಮ್ಮ ಕಡೆಗೇ ಇರುವುದು. ಈ ಕಾರ್ಯವನ್ನು ಮಾಡಿಯಾದ ಬಳಿಕ ನಿಮಗೆ ಪಾಪ ಮುಕ್ತರಾಗಬಹುದು.

ಆಗ ಅವರಲ್ಲೊಬ್ಬನು ಹೇಳಿದನು `ಯೂಸುಫ ನನ್ನು ಕೊಲ್ಲಬೇಡಿರಿ. ತಂದೆಯವರಿಂದ ಅವನನ್ನು ಬೇರ್ಪಡಿಸಬೇಕೆಂದಿದ್ದರೆ ಯಾವುದಾದರೊಂದು ಆಳವಾದ ಬಾವಿಯಲ್ಲಿ ಹಾಕಿಬಿಡಿರಿ. ಯಾರಾದರೂ ಪ್ರಯಾಣಿಕರು ಅವನನ್ನು ಎತ್ತಿಕೊಂಡು ಹೋಗುತ್ತಾರೆ’ ¹.

ಬಳಿಕ ಅವರು ತಮ್ಮ ತಂದೆಯವರ ಬಳಿಸಾಗಿ ಹೀಗೆಂದರು; ನಮ್ಮ ಅಪ್ಪಾ, ನಿಮಗೇನಾಗಿದೆ? ನೀವು ಯೂಸುಫನ ಬಗೆಗೆ ನಮ್ಮನ್ನೇಕೆ ನಂಬುವುದಿಲ್ಲ? ವಸ್ತುತಃ ನಾವು ಅವನ ನೈಜ ಹಿತಾಕಾಂಕ್ಷಿಗಳಾಗಿರುತ್ತೇವೆ.

ನಾಳೆ ಅವನನ್ನು ನಮ್ಮ ಸಂಗಡ (ಮರುಭೂ ಮಿಗೆ) ಕಳುಹಿಸಿರಿ. ಅವನು ಹಣ್ಣುಗಳನ್ನು ತಿಂದು ಆನಂದಪಡಲಿ. ಹಾಗೂ ಆಟವಾಡಲಿ. ಖಂಡಿತ ವಾಗಿಯೂ ನಾವು ಅವನ ರಕ್ಷಕರಾಗಿದ್ದೇವೆ.

ಆಗ ತಂದೆ ಹೇಳಿದರು, ‘ನೀವು ಅವನನ್ನು ಕರೆದೊಯ್ಯುವುದು ನನಗೆ ಬಹಳ ಬೇಸರ ತರುತ್ತಿದೆ. ನೀವು ಅವನಿಂದ ಅಶ್ರದ್ಧೆಯಲ್ಲಿರುವಾಗ ಅವನ ನ್ನು ತೋಳ ಹಿಡಿದುತಿಂದೀತೆಂಬ ಭಯ ನನ್ನ ನ್ನು ಕಾಡುತ್ತಿದೆ’.

ಆಗ ಅವರು, ‘ನಾವು ಒಂದು ಬಲಿಷ್ಟ ತಂಡವೇ ಆಗಿರುವಾಗ, ನಾವಿರುತ್ತ ಅವನನ್ನು ತೋಳ ಹಿಡಿದು ತಿಂದರೆ, ನಾವು ನಿಜಕ್ಕೂ ನಷ್ಟವಂತರಾಗುತ್ತೇವೆ’ ಎಂದರು.

ಕೊನೆಗೆ ಅವರು ಯೂಸುಫರನ್ನು ಕರೆದೊಯ್ದರು. ಒಂದು ಆಳವಾದ ಬಾವಿಗೆ ತಳ್ಳಿಬಿಡಬೇಕೆಂದು ಒಮ್ಮತದಿಂದ ನಿರ್ಧರಿಸಿದರು. ಆಗ ನಾವು ಯೂಸುಫರಿಗೆ; “ಇವರ ಈ ವರ್ತನೆಯ ಬಗ್ಗೆ ಇವರಿಗೆ ನೀನು ವಿವರಿಸಿ ಕೊಡುವ ಕಾಲ ಬರಲಿದೆ. ಆದರೆ ಈಗ ಇವರಿಗೆ ಅದೇನೂ ತಿಳಿದಿರು ವುದಿಲ್ಲ” ಎಂದು ಸಂದೇಶ ಕಳುಹಿಸಿದೆವು ¹.

ಸಂಜೆ ಹೊತ್ತಿಗೆ ಅವರು ಅಳುತ್ತ ತಮ್ಮ ತಂದೆಯ ಬಳಿಗೆ ಬಂದರು.

‘ಅಪ್ಪಾ, ನಾವು ಬಿಲ್ಲು ಪಂದ್ಯಾಟದಲ್ಲಿ ನಿರತರಾಗಿದ್ದೆವು. ಯೂಸುಫನನ್ನು ನಮ್ಮ ಸಾಮಾನುಗಳ ಹತ್ತಿರ ಬಿಟ್ಟಿದ್ದೆವು. ಅಷ್ಟರಲ್ಲಿ ತೋಳ ಬಂದು ಅವನನ್ನು ತಿಂದು ಹಾಕಿತು. ನಾವು ಸತ್ಯವಂತರಾಗಿದ್ದರೂ ತಾವು ನಮ್ಮ ಮಾತನ್ನು ನಂಬಲಾರಿರಿ’ ಎಂದರು.

ಅವರು ಯೂಸುಫರ ಅಂಗಿಗೆ ಸುಳ್ಳು ರಕ್ತ ಹಚ್ಚಿ ತಂದಿದ್ದರು. ಯಅïಖೂಬರು ಹೇಳಿದರು; `ಆದರೆ ಈ ಕೃತ್ಯವನ್ನು ನಿಮ್ಮ ದೇಹೇಚ್ಛೆಯು ಚಂದಗಾಣಿಸಿಬಿಟ್ಟಿತು. ಚಿಂತಿಲ್ಲ, ನಾನು ಚೆನ್ನಾಗಿ ಸಹಿಸಿಕೊಳ್ಳುವೆನು. ನಿಮ್ಮ ಮಾತುಗಳ ನಿಜಸ್ಥಿತಿಯ ಬಗ್ಗೆ ಸಹಾಯ ಬೇಡಲು ಅಲ್ಲಾಹನೇ ಅರ್ಹನು.

ಅತ್ತ ಪ್ರವಾಸಿಗರ ತಂಡವೊಂದು ಬಂದಿತು. ಅದು ನೀರು ಸೇದುವವನನ್ನು (ನೀರು ತರಲು) ಕಳುಹಿಸಿತು. ಅವನು ತೊಟ್ಟಿಯನ್ನು ಬಾವಿಗೆ ಇಳಿಸಿದಾಗ ‘ಶುಭವಾಗಲಿ! ಇದೋ ಇಲ್ಲೊಬ್ಬ ಬಾಲಕ ! ಎಂದು ಕೂಗಿದನು. (ಇದು ತಿಳಿದು ಸಹೋದರರು ಬಂದು) ಯೂಸುಫರ ನಿಜಸ್ಥಿತಿ ಬಚ್ಚಿಟ್ಟು ಅವರನ್ನು ಸರಕನ್ನಾಗಿ ಮಾಡಿಕೊಂ ಡರು. ಅವರು ಮಾಡುತ್ತಿದ್ದುದನ್ನು ಅಲ್ಲಾಹು ಬಲ್ಲವನಾಗಿದ್ದನು.

ಕೊನೆಗೆ ಸಹೋದರರು ಕೆಲವೇ ದಿರ್‍ಹಮ್‍ಗಳ ತುಚ್ಛ ಬೆಲೆಗೆ ಯೂಸುಫರನ್ನು (ಯಾತ್ರಾ ತಂಡದ ವರಿಗೆ) ಮಾರಿಬಿಟ್ಟರು. ಅವರು ಯೂಸುಫರ ಬಗ್ಗೆ ನಿರ್ಲಕ್ಷಿತರಾಗಿದ್ದರು.

ಈಜಿಪ್ತಿನಿಂದ ಅವರನ್ನು ಖರೀದಿಸಿದ ವ್ಯಕ್ತಿ ಯು¹ ತನ್ನ ಪತ್ನಿಯೊಡನೆ, ‘ಇವನ ವಾಸವನ್ನು ಚೆನ್ನಾಗಿರಿಸು. ಇವನು ನಮಗೆ ಫಲಕಾರಿಯಾ ಗಲೂ ಬಹುದು ಅಥವಾ ನಾವು ಇವನನ್ನು ದತ್ತು ಪುತ್ರನನ್ನಾಗಿಯೂ ಮಾಡಿಕೊಳ್ಳಬಹುದು’ ಎಂದನು. ಈ ರೀತಿ ನಾವು ಯೂಸುಫರಿಗೆ ಭೂ ಭಾಗದಲ್ಲಿ ನೆಲೆಯೂರಲು ಅವಕಾಶ ಮಾಡಿ ಕೊಟ್ಟೆವು ಮತ್ತು ಅವರಿಗೆ ಸ್ವಪ್ನ ವ್ಯಾಖ್ಯಾನವನ್ನು ತಿಳಿಸಿಕೊಡುವ ವ್ಯವಸ್ಥೆ ಮಾಡಿದೆವು. ಅಲ್ಲಾಹು ತನ್ನ ಕಾರ್ಯವನ್ನು ಯಶಸ್ವಿಯಾಗಿ ಮಾಡಲು ಸುಶಕ್ತನು. ಆದರೆ ಹೆಚ್ಚಿನವರು ತಿಳಿಯುವುದಿಲ್ಲ.

ಯೂಸುಫರು ತಮ್ಮ ತುಂಬು ಯೌವನಕ್ಕೆ ತಲುಪಿದಾಗ ನಾವು ಅವರಿಗೆ ತತ್ವಜ್ಞಾನ ಮತ್ತು ಜ್ಞಾನವನ್ನು ನೀಡಿದೆವು. ಸಜ್ಜನರಿಗೆ ನಾವು ಈ ರೀತಿ ಪ್ರತಿಫಲ ನೀಡುತ್ತೇವೆ ¹.

ಯೂಸುಫರು ವಾಸಿಸುತ್ತಿದ್ದ ಮನೆಯೊಡತಿ ಯೂಸುಫರ ದೇಹವನ್ನು ಬಯಸಿದಳು. ಒಂದು ದಿನ ಕದಗಳನ್ನು ಮುಚ್ಚಿ, `ಇತ್ತ ಬಾ’ ಎಂದಳು. ಆಗ ಯೂಸುಫರು; ‘ಅಲ್ಲಾಹನಲ್ಲಿ ಶರಣು! ನನ್ನ ಪ್ರಭು ¹ ನನ್ನ ವಾಸವನ್ನು ಸುಸ್ಥಿತಿಯಲ್ಲಿಟ್ಟಿದ್ದಾನೆ. ಅಕ್ರಮಿಗಳು ಎಂದೂ ಯಶಸ್ವಿಯಾಗಲಾರರು’ ಎಂದರು.

ಆಕೆ ಅವರಿಂದ ದೇಹ ಸುಖಕ್ಕೆ ನಿಶ್ಚಯ ಮಾಡಿ ಬಿಟ್ಟಿದ್ದಳು. ಆದರೆ ತಮ್ಮ ಪ್ರಭುವಿನ ದೃಷ್ಟಾಂತವನ್ನು ಯೂಸುಫರು ಕಾಣದಿರುತ್ತಿದ್ದರೆ ಅವರೂ ಅವಳನ್ನು ಬಯಸುತ್ತಿದ್ದರು¹. ಹೀಗಾದುದು ನಾವು ಅವರಿಂದ ಅನೈತಿಕತೆಯ ವಾಂಛೆಯನ್ನು ನಿವಾರಿಸುವ ಸಲುವಾಗಿ. ಅವರು ನಮ್ಮ ನಿರ್ಮಲ ದಾಸರಲ್ಲೊಬ್ಬರಾಗಿದ್ದರು².

ಅವರಿಬ್ಬರೂ ಬಾಗಿಲಿನತ್ತ ಓಡಿದರು. ಅವಳು ಹಿಂದಿನಿಂದ ಯೂಸುಫರ ಅಂಗಿಯನ್ನು ಹರಿದಳು. ಅವರಿಬ್ಬರೂ ಬಾಗಿಲ ಬಳಿ ಅವಳ ಪತಿ ಉಪಸ್ಥಿತನಿದ್ದುದನ್ನು ಕಂಡರು. ಆಕೆ ಹೇಳಿದಳು, `ನಿಮ್ಮ ಮನೆಯಾಕೆಯ ಮೇಲೆ ಕೇಡು ಬಗೆಯಲು ಬಂದ ಇವನಿಗೆ ತಕ್ಕ ಶಿಕ್ಷೆ ಸೆರೆಮನೆಯಲ್ಲಿ ಬಂದಿಸಿಡುವುದು ಅಥವಾ ಕಠಿಣ ಸಜೆ’.

ಯೂಸುಫರು, ‘ಇವಳೇ ನನ್ನನ್ನು ಸೆಳೆಯಲು ಯತ್ನಿಸಿದ್ದು’ ಎಂದರು. ಅವಳ ಬಂಧುವೊಬ್ಬನು ಸಾಕ್ಷ್ಯ ಪ್ರಸ್ತುತಪಡಿಸಿದನು¹. ‘ಇವನ ಅಂಗಿ ಎದುರಿನಿಂದ ಹರಿದಿದ್ದರೆ ಇವಳದ್ದು ಸತ್ಯ. ಈತ ಸುಳ್ಳುಗಾರ.

ಇವನ ಅಂಗಿ ಹಿಂಭಾಗದಿಂದ ಹರಿದಿದ್ದರೆ ಸ್ತ್ರಿಯು ಸುಳ್ಳುಗಾರ್ತಿ ಮತ್ತು ಇವನು ಸತ್ಯವಂತ’ ¹.

ಆಕೆಯ ಪತಿಯು ಯೂಸುಫರ ಅಂಗಿಯು ಹಿಂಭಾಗದಿಂದ ಹರಿದಿದ್ದುದನ್ನು ಕಂಡಾಗ ಇಂತೆಂದನು; ‘ಇದು ಸ್ತ್ರೀಯರಾದ ನಿಮ್ಮ ಕುತಂತ್ರ. ನಿಜಕ್ಕೂ ನಿಮ್ಮ ಕುತಂತ್ರ ಬಹಳ ಗಂಭೀರವಾಗಿದೆ ¹.

ಯೂಸುಫ್ ! ಈ ವಿಷಯವನ್ನು ಕಡೆಗಣಿಸು. (ಓ ಸ್ತ್ರೀಯೇ) ನೀನು ನಿನ್ನ ತಪ್ಪಿಗಾಗಿ ಕ್ಷಮೆ ಯಾಚಿಸು. ವಾಸ್ತವದಲ್ಲಿ ನೀನೇ ತಪ್ಪು ಗಾರ್ತಿಯಾಗಿದ್ದಿ’.

ನಗರದ ಕೆಲವು ಮಹಿಳೆಯರು ಹೇಳಿದರು. ‘ರಾಜನ ಪತ್ನಿ ತನ್ನ ತರುಣ ಗುಲಾಮನಲ್ಲಿ ಅನುರಕ್ತಳಾಗಿದ್ದಾಳೆ. ಅವಳಿಗೆ ಪ್ರೇಮಾಂಧತೆ ಬಾಧಿಸಿದೆ. ಆಕೆ ತಪ್ಪು ದಾರಿ ಹಿಡಿದಿದ್ದಾಳೆಂದೇ ನಮ್ಮ ಭಾವನೆ’.

ಅವಳು ಅವರ ಈ ನಿಂದನೆಯ ಮಾತುಗಳನ್ನು ಕೇಳಿದಾಗ ಅವರಿಗೆ ಆಹ್ವಾನ ನೀಡಿದಳು. ಅವರಿ ಗಾಗಿ ಒಂದು ಔತಣವೇರ್ಪಡಿಸಿದಳು. ಔತಣ ದಲ್ಲಿ ಪ್ರತಿಯೊಬ್ಬರಿಗೂ ಹಣ್ಣು ಕೊಯ್ಯಲು ಒಂದೊಂದು ಚಾಕುವನ್ನು ಕೊಟ್ಟಳು. ಅವಳು ಯೂಸುಫರಿಗೆ ‘ನೀನು ಅವರ ಮುಂದೆ ಹೊರಟು ಬಾ’ ಎಂದಳು. ಆ ಸ್ತ್ರೀಯರು ಯೂಸುಫರನ್ನು ಕಂಡಾಗ ದಂಗಾದರು. ಮತ್ತು ತಮ್ಮ ಕೈಗಳನ್ನೇ ಕೊಯ್ದುಕೊಂಡರು. ‘ಅಲ್ಲಾಹು ಎಷ್ಟು ಪರಿಶುದ್ಧನು! ಈತನು ಮನುಷ್ಯ ಖಂಡಿತ ಅಲ್ಲ. ಇದಾರೋ ಸನ್ಮಾನ್ಯ ದೇವಚರನೇ ಇರಬೇಕು’ ಎಂದರವರು.

ಆಕೆ ಹೇಳಿದಳು, ‘ಯಾರ ವಿಷಯವಾಗಿ ನೀವು ನನ್ನ ಕುರಿತು ಆಕ್ಷೇಪದ ಮಾತುಗಳನ್ನೆತ್ತಿದ್ದೀರೋ ಆ ವ್ಯಕ್ತಿ ಇವನೇ. ನಿಜಕ್ಕೂ ನಾನು ಇವನನ್ನು ವಶೀಕರಿಸಲು ಪ್ರಯತ್ನಿಸಿದ್ದೆ. ಆದರೆ ಇವನು ತಪ್ಪಿಸಿಕೊಂಡನು. ಇನ್ನು ಇವನು ನನ್ನ ಅಪ್ಪಣೆ ಯಂತೆ ನಡೆಯದಿದ್ದರೆ, ಸೆರೆಮನೆ ಸೇರುವನು ಮತ್ತು ನಿಂದ್ಯರಲ್ಲಾಗುವನು’ ¹.

ಯೂಸುಫ್ ಹೇಳಿದರು, ‘ಓ ನನ್ನ ಪ್ರಭೂ, ಇವರು ನನ್ನನ್ನು ಕರೆಯುವ ಕಾರ್ಯಕ್ಕಿಂತ ನನಗೆ ಕಾರಾಗೃಹವೇ ವಾಸಿ. ನೀನು ಇವರ ಕುತಂತ್ರಗಳಿಂದ ನನ್ನನ್ನು ಪಾರು ಮಾಡದೇ ಹೋದರೆ ನಾನು ಅವರ ಬಲೆಯಲ್ಲಿ ಸಿಕ್ಕಿ ಬೀಳುವೆನು ಮತ್ತು ಅಜ್ಞಾನಿಗಳಲ್ಲಿ ಸೇರಿಹೋಗುವೆನು’¹.

ಆಗ ಅವರ ಪ್ರಭು ಅವರ ಪ್ರಾರ್ಥನೆಯನ್ನು ಸ್ವೀಕರಿಸಿದನು ಮತ್ತು ಆ ಸ್ತ್ರೀಯರ ಕುತಂತ್ರಗಳನ್ನು ಅವರಿಂದ ನೀಗಿಸಿದನು. ಅವನು ಪರಮಶ್ರೋತೃನೂ ಪರಮ ತಜ್ಞನೂ ಆಗಿರುವನು.

ತರುವಾಯ (ಯೂಸುಫರ ನಿರ್ದೋಷಿತ್ವದ ಬಗ್ಗೆ) ಅವರಿಗೆ ಪುರಾವೆ ದೊರೆತ ನಂತರವೂ ಒಂದು ಕಾಲಾವಧಿಯವರೆಗೆ ಇವರನ್ನು ಸೆರೆಯಲ್ಲಿಡಬೇಕೆಂದು ಅವರಿಗೆ ತೋರಿತು ¹.

ಕಾರಾಗೃಹದೊಳಗೆ ಇನ್ನಿಬ್ಬರು ಗುಲಾಮರೂ ಬಂದು ಸೇರಿದರು. ಒಂದು ದಿನ ಅವರಲ್ಲೊಬ್ಬನು ‘ನಾನು ದ್ರಾಕ್ಷ ಮದ್ಯ ಹಿಂಡುತ್ತಿರುವುದಾಗಿ ಕನಸು ಕಂಡೆನು’ ಎಂದನು. ಇನ್ನೊಬ್ಬನು, ‘ನನ್ನ ತಲೆಯ ಮೇಲೆ ರೊಟ್ಟಿಯನ್ನು ಹೊತ್ತುಕೊಂಡಿದ್ದೆ. ಪಕ್ಷಿಗಳು ಅದನ್ನು ಕುಕ್ಕಿ ತಿನ್ನುತ್ತಿರುವುದಾಗಿ ಕನಸು ಕಂಡೆನು’ ಎಂದನು. ಅವರಿಬ್ಬರೂ ‘ನಮಗೆ ಇದರ ವ್ಯಾಖ್ಯಾನ ತಿಳಿಸಿಕೊಡಿರಿ. ನೀವೊಬ್ಬ ಸಜ್ಜನರಾಗಿರುವುದನ್ನು ನಾವು ಕಾಣುತ್ತೇವೆ’ ಎಂದರು.

ಯೂಸುಫ್ ಹೇಳಿದರು; ‘ನಿಮಗಿಬ್ಬರಿಗೂ (ಕನಸಿನಲ್ಲಿ) ನೀಡಲಾದ ಆಹಾರದ ವ್ಯಾಖ್ಯಾನ ವನ್ನು ಅದು ನಿಮಗೆ ಬಂದು ತಲುಪುವ ಮುಂಚೆಯೇ ನಿಮಗೆ ನಾನು ಹೇಳಬಲ್ಲೆ. ಇದು ನನ್ನ ಪ್ರಭು ನನಗೆ ಕೊಟ್ಟಿರುವ ಜ್ಞಾನಗಳಲ್ಲೊಂದು ¹. ನಾನು ಅಲ್ಲಾಹನ ಮೇಲೆ ವಿಶ್ವಾಸವಿಡದವರ ಮತ್ತು ಪರಲೋಕವನ್ನು ನಿರಾಕರಿಸುವವರ ಮಾರ್ಗವನ್ನು ತ್ಯಜಿಸಿರುವೆನು.

ನನ್ನ ಪೂರ್ವಜರಾಗಿರುವ ಇಬ್‍ರಾಹೀಮ್, ಇಸ್‍ಹಾಖ್ ಮತ್ತು ಯಅïಖೂಬರ ಮಾರ್ಗ ವನ್ನು ನಾನು ಅವಲಂಬಿಸಿದ್ದೇನೆ ¹. ಅಲ್ಲಾಹ ನೊಂದಿಗೆ ಇತರರನ್ನು ಸಹಭಾಗಿಗಳನ್ನಾಗಿಸುವುದು ನಮಗೆ ಸಲ್ಲದು. ಇದು (ಸನ್ಮಾರ್ಗ) ನಮ್ಮ ಮೇಲೆ ಮತ್ತು ಮಾನವರ ಮೇಲೆ ಅಲ್ಲಾಹನ ಅನುಗ್ರಹವಾಗಿದೆ. ಆದರೆ ಜನರಲ್ಲಿ ಹೆಚ್ಚಿನವರು ಕೃತಜ್ಞತೆ ಸಲ್ಲಿಸುವುದಿಲ್ಲ.

ಓ ಸೆರೆಮನೆಯ ನನ್ನ ಸಂಗಾತಿಗಳೇ, ಬೇರೆ ಬೇರೆ ವಿಧದ ದೇವರುಗಳು ಲೇಸೋ ಅಥವಾ ಸರ್ವಾಧಿಕಾರಿಯಾದ ಏಕ ಅಲ್ಲಾಹನೋ?