9. Surah At-Tawbah, Kannada Translation

(ಓ ಬಹುದೇವ ವಿಶ್ವಾಸಿಗಳೇ) ಆದ್ದರಿಂದ ಇನ್ನು ನಾಲ್ಕು ತಿಂಗಳು ಭೂಮಿಯಲ್ಲಿ ಸಂಚರಿಸಿಕೊಳ್ಳಿರಿ. ಖಂಡಿತವಾಗಿಯೂ ನೀವು ಅಲ್ಲಾಹನನ್ನು ಪರಾಜಿತಗೊಳಿಸಲಾರಿರೆಂಬುದನ್ನೂ ಅಲ್ಲಾಹನು ಸತ್ಯನಿಷೇಧಿಗಳನ್ನು ಅವಮಾನಗೊಳಿಸಲಿರುವನೆಂಬುದನ್ನೂ ಚೆನ್ನಾಗಿ ತಿಳಿದುಕೊಳ್ಳಿರಿ¹.

ಅಲ್ಲಾಹನೂ ಅವನ ಸಂದೇಶವಾಹಕರೂ ಬಹುದೇವ ವಿಶ್ವಾಸಿಗಳಿಂದ ಹೊಣೆ ಮುಕ್ತರಾಗಿರುವರೆಂದು ಅಲ್ಲಾಹು ಮತ್ತು ಅವನ ರಸೂಲರ ಕಡೆಯಿಂದ ಎಲ್ಲಾ ಜನರಿಗಾಗಿ ಈ ಮಹಾ ಹಜ್ಜ್‍ನ ದಿನದಂದು¹ ಮಾಡಲಾಗುತ್ತಿರುವ ಸಾರ್ವತ್ರಿಕ ಘೋಷಣೆಯಿದು. ಆದರೆ (ಬಹುದೇವ ವಿಶ್ವಾಸಿಗಳೇ) ನೀವು ಪಶ್ಚಾತ್ತಾಪಪಟ್ಟು ಮರಳುವುದಾದರೆ ಅದು ನಿಮಗೆ ಒಳಿತು. ಇನ್ನು ನೀವು ವಿಮುಖರಾಗುವುದಾದರೆ ಖಂಡಿತವಾಗಿಯೂ ನೀವು ಅಲ್ಲಾಹನನ್ನು ಪರಾಜಿತ ಗೊಳಿಸಲಾರಿರೆಂದು ಚೆನ್ನಾಗಿ ತಿಳಿದುಕೊಳ್ಳಿರಿ. (ಪ್ರವಾದಿಯವರೇ) ವೇದನಾಯುಕ್ತವಾದ ಶಿಕ್ಷೆಯ ಬಗ್ಗೆ ಸತ್ಯನಿಷೇಧಿಗಳಿಗೆ ನೀವು `ಸಂತೋಷ ವಾರ್ತೆ’ ತಿಳಿಸಿರಿ ².

ನಿಮ್ಮೊಂದಿಗೆ ಒಡಂಬಡಿಕೆ ಮಾಡಿಕೊಂಡು ನಂತರ ತಮ್ಮ ಒಪ್ಪಂದ ಪಾಲನೆಯಲ್ಲಿ ಯಾವುದೇ ಲೋಪ ವನ್ನು ಮಾಡದೆಯೂ ನಿಮ್ಮ ವಿರುದ್ಧ ಯಾರಿಗೂ ನೆರವಾಗದೆಯೂ ಇರುವ ಬಹುದೇವಾರಾಧಕರ ಹೊರತು. ಆದ್ದರಿಂದ ಅವರ ಒಪ್ಪಂದವನ್ನು ಅವಧಿಯವರೆಗೆ ಪಾಲಿಸಿರಿ. ನಿಜವಾಗಿಯೂ ಜಾಗ್ರತೆಯುಳ್ಳ ಧರ್ಮನಿಷ್ಠರನ್ನು ಅಲ್ಲಾಹನು ಮೆಚ್ಚುತ್ತಾನೆ¹.

ನಿಷಿದ್ಧ (ನಾಲ್ಕು) ಮಾಸಗಳು ಮುಗಿದರೆ (ಒಪ್ಪಂ ದವನ್ನು ಮುರಿದ) ಆ ಮುಶ್ರಿಕರನ್ನು ಕಂಡಲ್ಲಿ ವಧಿಸಿರಿ. ಅವರನ್ನು ಸೆರೆಹಿಡಿಯಿರಿ. ಅವರನ್ನು ಸುತ್ತುವರಿಯಿರಿ. ಎಲ್ಲ ಕಾವಲು ಸ್ಥಳಗಳಲ್ಲಿ ಅವರಿಗೆ ಹೊಂಚು ಹಾಕಿ ಕುಳಿತುಕೊಳ್ಳಿರಿ ¹. ಇನ್ನು ಅವರು ಪಶ್ಚಾತ್ತಾಪಪಟ್ಟು ಮರಳಿದರೆ, ನಮಾಜನ್ನು ನೆಲೆಗೊಳಿಸಿದರೆ, ಝಕಾತ್ ನೀಡಿದರೆ ಅವರನ್ನು ಅವರ ಪಾಡಿಗೆ ಬಿಟ್ಟು ಬಿಡಿರಿ. ಅಲ್ಲಾಹನು ಪರಮ ಕ್ಷಮಾಶೀಲನೂ ಪರಮ ದಯಾಳುವೂ ಆಗಿರುವನು².

ಮುಶ್ರಿಕರ ಪೈಕಿ ಯಾರಾದರೂ ನಿಮ್ಮೊಡನೆ ಅಭಯ ಕೇಳಿದರೆ ಅವನಿಗೆ ಅಭಯ ಕೊಡಿರಿ. ಅಲ್ಲಾಹನ ವಚನವನ್ನು ಅವನು ಕೇಳಿಸಿಕೊಳ್ಳುವ ಸಲುವಾಗಿ. ನಂತರ ಅವನನ್ನು ಅವನ ಅಭಯ ಸ್ಥಾನಕ್ಕೆ ತಲುಪಿಸಿರಿ. ಅವರು ತಿಳುವಳಿಕೆ ಯಿಲ್ಲದವರಾದುದರಿಂದ ಹೀಗೆ ಮಾಡಬೇಕಾಗಿದೆ.

ಮಸ್ಜಿದ್ ಹರಾಮ್‍ನ ಬಳಿ ನಿಮ್ಮೊಂದಿಗೆ ಒಪ್ಪಂದ ಮಾಡಿಕೊಂಡವರ ಹೊರತು¹ ಇತರ ಮುಶ್ರಿಕರಿಗೆ ಅಲ್ಲಾಹುವಿನ ಬಳಿ ಹಾಗೂ ಅವನ ರಸೂಲರ ಬಳಿ ಒಡಂಬಡಿಕೆ ನೆಲೆಗೊಳ್ಳುವುದು ಹೇಗೆ ? ಆದ್ದರಿಂದ ಅವರು ನಿಮ್ಮೊಂದಿಗೆ ನ್ಯಾಯ ಪಾಲಿಸಿದರೆ ನೀವೂ ಅವರೊಂದಿಗೆ ನ್ಯಾಯ ಪಾಲಿಸಿರಿ². ನಿಜವಾಗಿಯೂ ಅಲ್ಲಾಹನು ಜಾಗ್ರತೆಯುಳ್ಳವರನ್ನು ಪ್ರೀತಿಸುತ್ತಾನೆ.

ಅವರೊಂದಿಗೆ ಒಪ್ಪಂದವಿರುವುದಾದರೂ ಹೇಗೆ? ಅವರು ನಿಮ್ಮ ವಿರುದ್ಧ ಜಯ ಗಳಿಸಿದರೆ ನಿಮ್ಮೊಂದಿಗಿರುವ ರಕ್ತ ಸಂಬಂಧವನ್ನಾಗಲೀ, ಒಡಂಬಡಿಕೆಯನ್ನಾಗಲಿ ಅವರು ಪರಿಗಣಿಸುವವರಲ್ಲ! ಅವರು ಬರೇ ಬಾಯಿ ಮಾತುಗಳಿಂದ ನಿಮ್ಮನ್ನು ಮೆಚ್ಚಿಸಲು ಯತ್ನಿಸುತ್ತಾರೆ. ಅವರ ಮನಸ್ಸುಗಳು ಅದನ್ನು ನಿಷೇಧಿಸುತ್ತವೆ. ಅವರಲ್ಲಿ ಹೆಚ್ಚಿನವರು ಕರ್ಮಭ್ರಷ್ಟರಾಗಿರುವರು.

ಅವರು ಅಲ್ಲಾಹನ ಆಯತ್‍ಗಳ ಬದಲಿಗೆ ತುಚ್ಚ ಬೆಲೆಯನ್ನು ಪಡಕೊಂಡರು. ಅನಂತರ ಅಲ್ಲಾಹನ ಮಾರ್ಗದಿಂದ ಜನರನ್ನು ತಡೆದರು. ಅವರು ಮಾಡು ತ್ತಿರುವುದು ಅತ್ಯಂತ ನಿಕೃಷ್ಟ ಕಾರ್ಯವಾಗಿದೆ.

ಒಬ್ಬ ಸತ್ಯವಿಶ್ವಾಸಿಯ ವಿಷಯದಲ್ಲಿ ಅವರು ಬಾಂಧವ್ಯವನ್ನಾಗಲಿ ಒಪ್ಪಂದದ ಹೊಣೆಯನ್ನಾ ಗಲಿ ಪರಿಗಣಿಸುವುದಿಲ್ಲ. ಅವರೇ ಅತಿಕ್ರಮಿಗಳು.

ಆದರೂ ಅವರು ಪಶ್ಚಾತ್ತಾಪಪಟ್ಟು ನಮಾಜು ನೆಲೆಗೊಳಿಸಿದರೆ, ಝಕಾತ್ ನೀಡಿದರೆ ಅವರು ಧರ್ಮದಲ್ಲಿ ನಿಮ್ಮ ಸೋದರರು. ಗ್ರಹಿಸುವ ಜನರಿಗೆ ನಾವು ನಮ್ಮ ಪುರಾವೆಗಳನ್ನು ವಿವರಿಸುತ್ತಿದ್ದೇವೆ.

ಒಡಂಬಡಿಕೆ ಮಾಡಿಕೊಂಡ ಬಳಿಕ ಅವರು ಪುನಃ ತಮ್ಮ ಶಪಥಗಳನ್ನು ಮುರಿದು ನಿಮ್ಮ ಧರ್ಮವನ್ನು ಆಕ್ಷೇಪಿಸಿದರೆ ಆ ಸತ್ಯನಿಷೇಧಿಗಳ ಮುಂದಾಳುಗಳೊಂದಿಗೆ ಯುದ್ಧ ಮಾಡಿರಿ. ಏಕೆಂದರೆ, ನಿಜವಾಗಿಯೂ ಅವರಿಗೆ ಯಾವುದೇ ಒಪ್ಪಂದ ಅಸ್ತಿತ್ವದಲ್ಲಿಲ್ಲ. ಅವರು ಸತ್ಯನಿಷೇಧವನ್ನು ವರ್ಜಿಸಲೂಬಹುದು ¹.

ತಮ್ಮ ಒಪ್ಪಂದವನ್ನು ಉಲ್ಲಂಘಿಸಿದ ಹಾಗೂ ರಸೂಲರನ್ನು ನಾಡಿನಿಂದ ಹೊರ ಹಾಕಲು ಉದ್ದೇಶ ವಿಟ್ಟ ಜನತೆಯ ವಿರುದ್ಧ ನೀವು ಯುದ್ಧ ಮಾಡುವುದಿಲ್ಲವೇ? ಆರಂಭದಲ್ಲಿ ಯುದ್ಧವನ್ನು ಆರಂಭಿಸಿದವರು ಅವರೇ. ನೀವು ಅವರಿಗೆ ಹೆದರುತ್ತೀರಾ? ನೀವು ಸತ್ಯವಿಶ್ವಾಸಿಗಳಾಗಿದ್ದರೆ ಭಯ ಪಡಲು ಹೆಚ್ಚು ಹಕ್ಕುದಾರನು ಅಲ್ಲಾಹನಾ ಗಿರುವನು.

ನೀವು ಅವರ ವಿರುದ್ಧ ಯುದ್ಧ ಮಾಡಿರಿ. ನಿಮ್ಮ ಕೈಯ್ಯಾರೆ ಅಲ್ಲಾಹು ಅವರಿಗೆ ಶಿಕ್ಷೆ ಕೊಡಿಸುವನು, ಅವರನ್ನು ನಿಂದ್ಯಗೊಳಿಸುವನು. ಅವರ ವಿರುದ್ಧ ನಿಮಗೆ ನೆರವು ನೀಡುವನು. ಸತ್ಯ ವಿಶ್ವಾಸಿಗಳಾದ ಜನತೆಯ ಹೃದಯಗಳನ್ನು ತಣಿಸುವನು.

ಅವರ ಹೃದಯಗಳ ಬೇಗುದಿಯನ್ನು ಹೋಗಲಾಡಿಸುವನು ಮತ್ತು ತಾನಿಚ್ಛಿಸಿದವರ ಪಶ್ಚಾತ್ತಾಪವನ್ನು ಅಲ್ಲಾಹು ಸ್ವೀಕರಿಸುವನು. ಅಲ್ಲಾಹನು ಸರ್ವಜ್ಞನೂ ಪರಮ ಯುಕ್ತಿವಂತನೂ ಆಗಿರುವನು.

ವಸ್ತುತಃ ನಿಮ್ಮ ಪೈಕಿ ಅತಿಯಾಗಿ ಪರಿಶ್ರಮಿಸಿದ ವರು ಯಾರೆಂದೂ ಅಲ್ಲಾಹನನ್ನೂ ಸಂದೇಶವಾಹ ಕರನ್ನೂ ಸತ್ಯವಿಶ್ವಾಸಿಗಳನ್ನೂ ಹೊರತು ಅನ್ಯರೊಂದಿಗೆ ಒಳ ಸಂಬಂಧ ಮಾಡಿಕೊಳ್ಳದವರಾರೆಂದೂ ಅಲ್ಲಾಹು ಕಂಡರಿಯದೆ ನಿಮ್ಮನ್ನು ಸುಮ್ಮನೆ ಉಪೇಕ್ಷಿಸುವನೆಂದು ನೀವು ಭಾವಿಸಿ ಕೊಂಡಿದ್ದೀರಾ? ನಿಮ್ಮ ಪ್ರವೃತ್ತಿಗಳ ಬಗ್ಗೆ ಅಲ್ಲಾಹನು ಚೆನ್ನಾಗಿ ಬಲ್ಲವನಾಗಿರುವನು.

ಸತ್ಯನಿಷೇಧಕ್ಕೆ ಸ್ವಯಂ ಸಾಕ್ಷ್ಯವಹಿಸಿರುವ ಬಹುದೇವವಿಶ್ವಾಸಿಗಳಿಗೆ ಅಲ್ಲಾಹುವಿನ ಮಸೀದಿಗಳ ಪರಿಪಾಲನೆಗೆ ಅವಕಾಶ ಇರುವುದಿಲ್ಲ. ಅವರ ಸತ್ಕರ್ಮಗಳೆಲ್ಲ ವ್ಯರ್ಥವಾದುವು. ಅವರು ನರಕದಲ್ಲಿ ಶಾಶ್ವತರು.

ನಿಜವಾಗಿಯೂ ಅಲ್ಲಾಹು ಮತ್ತು ಪರಲೋಕದಲ್ಲಿ ವಿಶ್ವಾಸವಿರುವವರು ಹಾಗೂ ನಮಾಝ್ ಸ್ಥಿರಗೊಳಿಸುವವರು, ಝಕಾತ್ ಕೊಡುವವರು ಹಾಗೂ ಅಲ್ಲಾಹನ ಹೊರತು ಇನ್ನಾರನ್ನೂ ಭಯಪಡದವರು ಮಾತ್ರವೇ ಅಲ್ಲಾಹನ ಮಸ್ಜಿದ್‍ಗಳನ್ನು ಪರಿಪಾಲಿಸಬಲ್ಲರು. ಅಂತಹವರೇ ಸತ್ಪಥ ಪ್ರಾಪ್ತಿಗೆ ಸಾಧ್ಯತೆಯುಳ್ಳವರು ¹.

ಹಜ್ಜ್ ಯಾತ್ರಿಕರಿಗೆ ಜಲಪಾನ ಮಾಡಿಸುವುದನ್ನು ಮತ್ತು ಮಸ್ಜಿದುಲ್ ಹರಾಮ್‍ನ ಸೇವೆಯನ್ನು ನೀವು ಅಲ್ಲಾಹು ಮತ್ತು ಪರಲೋಕದಲ್ಲಿ ವಿಶ್ವಾಸವಿಟ್ಟು ಅಲ್ಲಾಹನ ಮಾರ್ಗದಲ್ಲಿ ಹೋರಾಟ ನಡೆಸಿದವನ ಕರ್ಮಕ್ಕೆ ಸರಿಸಮಾನವೆಂದು ಪರಿಗಣಿಸಿದಿರಾ? ಅವರು ಅಲ್ಲಾಹುವಿನ ಬಳಿ ಸಮಾನರಾಗುವುದಿಲ್ಲ. ಅಧರ್ಮಿಗಳಾದ ಜನರನ್ನು ಅಲ್ಲಾಹನು ಸನ್ಮಾರ್ಗಕ್ಕೆ ತರುವುದಿಲ್ಲ.

ಸತ್ಯವಿಶ್ವಾಸವನ್ನು ಕೈಕೊಂಡ, ಅಲ್ಲಾಹನ ಮಾರ್ಗದಲ್ಲಿ ಮನೆ ಮಾರುಗಳನ್ನು ಬಿಟ್ಟ ಮತ್ತು ತನುಧನಗಳಿಂದ ಧರ್ಮಯುದ್ಧ ಮಾಡಿದವರು ಅಲ್ಲಾಹುವಿನ ಬಳಿ ಅತಿ ಮಹತ್ವವಾದ ಪದವಿಯು ಳ್ಳವರಾಗಿರುವರು. ಅವರೇ ವಿಜಯಿಗಳು¹.

ಅವರ ಪ್ರಭು ಅವರಿಗೆ ತನ್ನ ಕೃಪೆ, ಸಂಪ್ರೀತಿ ಮತ್ತು ಸ್ವರ್ಗಗಳ ಸುವಾರ್ತೆ ನೀಡುತ್ತಾನೆ. ಆ ಸ್ವರ್ಗದಲ್ಲಿ ಅವರಿಗೆ ಚಿರ ಸೌಭಾಗ್ಯವಿದೆ.

ಅದರಲ್ಲಿ ಅವರು ಎಂದೆಂದಿಗೂ ಚಿರವಾಸಿಗಳು. ನಿಶ್ಚಯವಾಗಿಯೂ ಅಲ್ಲಾಹುವಿನ ಬಳಿ ಮಹತ್ತರ ವಾದ ಪ್ರತಿಫಲವಿದೆ.

ಓ ಸತ್ಯವಿಶ್ವಾಸಿಗಳೇ! ನಿಮ್ಮ ತಾಯಿ ತಂದೆ ಯರು ಹಾಗೂ ನಿಮ್ಮ ಸಹೋದರರು ಸತ್ಯ ವಿಶ್ವಾಸದ ಬದಲಿಗೆ ಸತ್ಯನಿಷೇಧವನ್ನು ಇಷ್ಟ ಪಟ್ಟರೆ ಅವರನ್ನು ನೀವು ಬಂಧುಗಳೆಂದು ಪರಿಗಣಿಸಬೇಡಿರಿ. ನಿಮ್ಮ ಪೈಕಿ ಯಾರಾದರೂ ಅವರನ್ನು ಬಂಧುಗಳನ್ನಾಗಿ ಮಾಡಿಕೊಂಡರೆ ಅವರು ಖಂಡಿತ ಅಕ್ರಮಿಗಳು.

(ಓ ಪೈಗಂಬರರೇ,) ಹೇಳಿರಿ - ನಿಮ್ಮ ತಾಯಿ ತಂದೆಯರು, ನಿಮ್ಮ ಮಕ್ಕಳು, ನಿಮ್ಮ ಸಹೋ ದರರು, ನಿಮ್ಮ ಸಂಗಾತಿಗಳು, ನಿಮ್ಮ ಇತರ ಬಂಧುಗಳು, ನೀವು ಸಂಪಾದಿಸಿದ ಸೊತ್ತುಗಳು ಬಿಕರಿಯಾಗದೆ ಉಳಿಯುವುದೆಂದು ನೀವು ಹೆದರುತ್ತಿರುವ ನಿಮ್ಮ ವ್ಯಾಪಾರ ಸರಕುಗಳು, ನೀವು ತೃಪ್ತಿಪಡುತ್ತಿರುವ ಮನೆಗಳು ನಿಮ್ಮ ಪಾಲಿಗೆ ಅಲ್ಲಾಹನಿಗಿಂತ, ಅವನ ರಸೂಲ್ ಹಾಗೂ ಅಲ್ಲಾಹನ ಮಾರ್ಗದಲ್ಲಿ ಧರ್ಮಯುದ್ಧಕ್ಕಿಂತ ನಿಮಗೆ ಹೆಚ್ಚು ಪ್ರಿಯವಾಗಿದ್ದಲ್ಲಿ ಅಲ್ಲಾಹನು ತನ್ನ ನಿರ್ಣಯವನ್ನು ಜಾರಿಗೆ ತರುವವರೆಗೂ ನೀವು ಕಾದುಕೊಳ್ಳಿರಿ. ಅಧರ್ಮಿಗಳಾದ ಜನತೆಯನ್ನು ಅಲ್ಲಾಹನು ಸನ್ಮಾರ್ಗಕ್ಕೆ ಸೇರಿಸುವುದಿಲ್ಲ¹.

ಅಲ್ಲಾಹನು ನಿಮಗೆ ಅನೇಕ ಕಡೆಗಳಲ್ಲಿ ಖಂಡಿತ ನೆರವಾಗಿರುತ್ತಾನೆ. ಹುನೈನ್ ಯುದ್ಧದ ದಿನ ಅಂ ದರೆ ನಿಮ್ಮ ಸಂಖ್ಯಾಬಲವು ನಿಮ್ಮನ್ನು ಹೆಮ್ಮೆ ಗೀಡು ಮಾಡಿದ ಸಂದರ್ಭ(ವನ್ನು ಜ್ಞಾಪಿಸಿ ಕೊಳ್ಳಿ). ಆದರೆ ಆ ಸಂಖ್ಯಾಬಲವು ನಿಮಗೆ ಯಾವ ಪ್ರಯೋಜನಕ್ಕೂ ಬರಲಿಲ್ಲ. ಭೂಮಿ ವಿಶಾ ಲವಾಗಿದ್ದು ಕೂಡ ನಿಮಗದು ಇಕ್ಕಟ್ಟಾಗಿ ಅನು ಭವಕ್ಕೆ ಬಂದಿತು. ತರುವಾಯ ನೀವು ಹಿಂಜರಿದು ಪಲಾಯನ ಮಾಡಿದಿರಿ ¹.

ಅನಂತರ ಅಲ್ಲಾಹನು ತನ್ನ ರಸೂಲ್ ಹಾಗೂ ಸತ್ಯವಿಶ್ವಾಸಿಗಳಿಗೆ ಶಾಂತಿಯನ್ನು ಇಳಿಸಿದನು. ನೀವು ಕಂಡಿರದ ಒಂದು ಸೈನ್ಯವನ್ನು ಇಳಿಸಿದನು. ಸತ್ಯನಿಷೇಧಿಗಳನ್ನು ಶಿಕ್ಷಿಸಿದನು ¹. ಸತ್ಯವನ್ನು ನಿಷೇಧಿಸುವವರಿಗೆ ಇದೇ ಪ್ರತಿಫಲ.

ತರುವಾಯ ಅಲ್ಲಾಹನು ತಾನಿಚ್ಛಿಸಿದವರ ಪಶ್ಚಾತ್ತಾಪವನ್ನು ಸ್ವೀಕರಿಸುವನು. ಅಲ್ಲಾಹನು ಬಹಳ ಹೆಚ್ಚು ಕ್ಷಮಾದಾನಿಯೂ ಪರಮದಯಾಳುವೂ ಆಗಿರುವನು¹.

ಓ ಸತ್ಯವಿಶ್ವಾಸಿಗಳೇ! ಮುಶ್ರಿಕರು ನಿಜವಾಗಿಯೂ ಅಶುದ್ಧರು¹. ಆದ್ದರಿಂದ ಈ ವರ್ಷದ ಬಳಿಕ ಅವರು ಮಸ್ಜಿದುಲ್ ಹರಾಮಿನತ್ತ ಸುಳಿಯಬಾರದು². ನಿಮಗೆ ದಾರಿದ್ರ್ಯದ ಭಯವಿದ್ದರೆ ಅಲ್ಲಾಹ ನಿಚ್ಛಿಸಿದರೆ ಮುಂದೆ ಅಲ್ಲಾಹನು ತನ್ನ ಔದಾರ್ಯದಿಂದ ನಿಮ್ಮನ್ನು ಅನುಕೂಲಸ್ಥರನ್ನಾಗಿ ಮಾಡುವನು. ನಿಜವಾಗಿಯೂ ಅಲ್ಲಾಹನು ಸರ್ವಜ್ಞನೂ ಪರಮ ತಂತ್ರಜ್ಞನೂ ಆಗಿರುವನು.

ವೇದ ನೀಡಲ್ಪಟ್ಟವರ ಪೈಕಿ ಅಲ್ಲಾಹು ಹಾಗೂ ಪರಲೋಕದಲ್ಲಿ ವಿಶ್ವಾಸವಿರಿಸದ, ¹ ಅಲ್ಲಾಹು ಹಾಗೂ ಅವನ ರಸೂಲರು ನಿಷೇಧಿಸಿದ್ದನ್ನು ನಿಷಿದ್ಧಗೊಳಿಸದ ಮತ್ತು ಸತ್ಯಧರ್ಮವನ್ನು ತಮ್ಮ ಧರ್ಮವನ್ನಾಗಿ ಮಾಡಿಕೊಳ್ಳದ ಜನರು ಯಾರೋ ಅವರು ಇಸ್ಲಾಮೀ ಆಡಳಿತಕ್ಕೆ ಬದ್ಧರಾಗಿ ತಮ್ಮ ಕೈಯಿಂದಲೇ ತಲೆಗಂದಾಯ ಕೊಡುವವರೆಗೂ ಯುದ್ಧ ಮಾಡಿರಿ.

ಉಝೈರ್ ಅಲ್ಲಾಹನ ಪುತ್ರ ಎಂದು ಯಹೂದಿ ಗಳು ಹೇಳಿದರು. ಅಲ್-ಮಸೀಹ್ (ಯೇಸು) ಅಲ್ಲಾಹುವಿನ ಪುತ್ರ ಎಂದು ಕ್ರೈಸ್ತರೂ ಹೇಳಿದರು. ಹಿಂದಿನ ಸತ್ಯನಿಷೇಧಿಗಳ ಮಾತನ್ನು ಅನುಕರಿಸಿ ತಮ್ಮ ಬಾಯಿಗಳಿಂದ ಹೇಳುತ್ತಿರುವ ಮಾತುಗಳಿವು¹ . ಅಲ್ಲಾಹು ಅವರನ್ನು ಶಪಿಸಿರುತ್ತಾನೆ. (ಸತ್ಯವನ್ನು ಬಿಟ್ಟು) ಅವರು ಹೇಗೆ ತಿರುಗಿಸಲ್ಪಡುತ್ತಿದ್ದಾರೆ ?

ಅವರು ಅಲ್ಲಾಹನನ್ನು ಹೊರತು ತಮ್ಮ ವಿದ್ವಾಂಸರನ್ನೂ ಸನ್ಯಾಸಿಗಳನ್ನೂ ಹಾಗೂ ಮರ್ಯಮಳ ಪುತ್ರ ಅಲ್-ಮಸೀಹರನ್ನೂ ಪ್ರಭುಗಳನ್ನಾಗಿ ಮಾಡಿಕೊಂಡಿದ್ದಾರೆ ¹. ಒಬ್ಬನೇ ಒಬ್ಬ ದೇವನಿಗೆ ಆರಾಧಿಸಲು ಮಾತ್ರವೇ ಅವರ ಮೇಲೆ ಆದೇಶಿಸಲಾಗಿತ್ತು. ಅವನಲ್ಲದೆ ಬೇರೆ ಆರಾಧ್ಯನಿಲ್ಲ. ಅವರು ಮಾಡುತ್ತಿರುವ ದೇವ ಸಹಭಾಗಿತ್ವದಿಂದ ಅಲ್ಲಾಹು ಪರಮ ಪರಿಶುದ್ಧ ನಾಗಿರುವನು.

ಅವರು ಅಲ್ಲಾಹನ ಪ್ರಕಾಶವನ್ನು ಬಾಯಲ್ಲಿ ಊದಿ ನಂದಿಸಲು ಇಚ್ಛಿಸುತ್ತಾರೆ. ಆದರೆ ಅಲ್ಲಾ ಹನು ತನ್ನ ಪ್ರಕಾಶವನ್ನು ಪರಿಪೂರ್ಣಗೊಳಿಸದೆ ಬಿಡುವವನಲ್ಲ. ಸತ್ಯನಿಷೇಧಿಗಳಿಗೆ ಅಸಹನೀಯವಾದರೂ ಸರಿ ¹.

ಸನ್ಮಾರ್ಗ ಹಾಗೂ ಸತ್ಯಧರ್ಮದೊಂದಿಗೆ ¹ ತನ್ನ ದೂತನನ್ನು ಕಳುಹಿಸಿದ್ದು ಅವನೇ ಆಗಿರುವನು. ಅದನ್ನು ಸಕಲ ಧರ್ಮಗಳ ಮೇಲೆ ಉತ್ಥಾನ ಗೊಳಿಸಲಿಕ್ಕಾಗಿ. ಬಹುದೇವಾರಾಧಕರು ಅನಿಷ್ಟಪಟ್ಟರೂ ಸರಿ.

ಓ ಸತ್ಯವಿಶ್ವಾಸಿಗಳೇ, ಗ್ರಂಥದವರ ಅಧಿಕಾಂಶ ವಿದ್ವಾಂಸರೂ ಪುರೋಹಿತರೂ ಜನರ ಸಂಪತ್ತನ್ನು ಅನುಚಿತ ವಿಧಾನಗಳಿಂದ ಕಬಳಿಸುತ್ತಾರೆ ¹ ಮತ್ತು ಅವರನ್ನು ಅಲ್ಲಾಹನ ಮಾರ್ಗದಿಂದ ತಡೆಯುತ್ತಾರೆ. ಚಿನ್ನವನ್ನೂ ಬೆಳ್ಳಿಯನ್ನೂ ನಿಧಿಯಾಗಿ ಸಂಗ್ರಹಿಸಿಟ್ಟು ಅವುಗಳನ್ನು ದೇವಮಾರ್ಗದಲ್ಲಿ ಖರ್ಚು ಮಾಡದವರಿಗೆ ಯಾತನಾಮಯ ಶಿಕ್ಷೆಯ ಸುವಾರ್ತೆ ಕೊಡಿರಿ.

ಅಂದು ಅದನ್ನು ನರಕದಲ್ಲಿ ಕಾಯಿಸಿ ಅವರ ಹಣೆಗಳು ಹಾಗೂ ಪಾಶ್ರ್ವಗಳಿಗೆ ಮತ್ತು ಅವರ ಬೆನ್ನುಗಳಿಗೆ ಬರೆಹಾಕಲಾಗುವುದು. ‘ನೀವು ನಿಮಗಾಗಿ ಕೂಡಿಟ್ಟ ಸಂಪತ್ತು ಇದುವೇ, ನೀವು ಕೂಡಿಹಾಕಿದ್ದ ಸಂಪತ್ತನ್ನು ಈಗ ಸವಿಯಿರಿ' ಎನ್ನಲಾಗುವುದು.