22. Surah Al-Hajj, Kannada Translation

ನೀವು ಅದನ್ನು ಕಾಣುವ ದಿನ ಮೊಲೆ ಹಾಲುಣಿ ಸುವ ಎಲ್ಲ ಸ್ತ್ರೀಯೂ ಮೊಲೆ ಕುಡಿಯುವ ತನ್ನ ಶಿಶುವನ್ನು ಮರೆತು ಬಿಡುವಳು. ಗರ್ಭ ಹೊತ್ತಿರು ವುದೆಲ್ಲವೂ ತನ್ನ ಗರ್ಭವನ್ನು ಹೆತ್ತು ಬಿಡುವುದು. ಜನರನ್ನು ನೀವು ಉನ್ಮತ್ತರಾಗಿ ಕಾಣುವಿರಿ. ನಿಜವಾಗಿ ಅವರು ಉನ್ಮತ್ತರಲ್ಲ. ಆದರೆ ಅಲ್ಲಾಹನ ಶಿಕ್ಷೆಯು ಕಠಿಣವಾಗಿರುವುದು.

ಜನರಲ್ಲಿ ಕೆಲವರು ಸರಿಯಾದ ಜ್ಞಾನವಿಲ್ಲದೆ ಅಲ್ಲಾಹನ ಬಗ್ಗೆ ವಾದ-ವಿವಾದ ನಡೆಸುತ್ತಾರೆ. ಎಲ್ಲ ದಿಕ್ಕಾರಿ ಶೈತಾನರನ್ನು ಅನುಸರಿಸುತ್ತಾರೆ¹.

ಯಾರಾದರೂ ಅವನನ್ನು ತನ್ನ ಮಿತ್ರನಾಗಿ ಮಾಡಿ ಕೊಂಡರೆ ಅವನನ್ನು ಆತನು ದಾರಿ ತಪ್ಪಿಸಿ ಬಿಡುವನು ಮತ್ತು ಹೊತ್ತಿ ಉರಿಯುವ ನರಕದ ಶಿಕ್ಷೆಯತ್ತ ದಾರಿ ತೋರಿಸುವನು ಎಂದು ಶೈತಾನನ ವಿಧಿಯಲ್ಲಿ ಬರೆದಿದೆ ¹.

ಜನರೇ, ನಿಮಗೆ ಪುನರುತ್ಥಾನದ ಬಗ್ಗೆ ಸಂಶಯ ವಿದ್ದರೆ, ಇದೋ ನೋಡಿರಿ, ನಾವು ನಿಮ್ಮನ್ನು ಮಣ್ಣಿನಿಂದಲೂ, ಅನಂತರ ವೀರ್ಯದಿಂದಲೂ ಆ ಮೇಲೆ ರಕ್ತ ಪಿಂಡದಿಂದಲೂ, ಆ ಬಳಿಕ ಪೂರ್ಣ ಹಾಗೂ ಅಪೂರ್ಣ ಮಾಂಸ ಪಿಂಡದಿಂದಲೂ ಸೃಷ್ಟಿ ಸಿದ್ದೇವೆ. ನಿಮಗೆ ನಮ್ಮ ಸಾಮಥ್ರ್ಯದ ಸಂಪೂರ್ಣ ತೆಯನ್ನು ಸ್ಪಷ್ಟಪಡಿಸಿಕೊಡಲಿಕ್ಕಾಗಿ (ನಾವು ಇದನ್ನು ತಿಳಿಸುತ್ತಿದ್ದೇವೆ). ನಾವು ಉದ್ದೇಶಿಸು ವುದನ್ನು (ವೀರ್ಯವನ್ನು) ಒಂದು ನಿರ್ದಿಷ್ಟ ಅವಧಿ ಯ ತನಕ ಗರ್ಭಾಶಯದಲ್ಲಿ ತಡೆದಿರಿಸುತ್ತೇವೆ. ಅನಂತರ ನಿಮ್ಮನ್ನು ಒಂದು ಶಿಶುವಾಗಿ ಹೊರ ತರುತ್ತೇವೆ. (ನಂತರ) ನೀವು ಯೌವ್ವನದ ಪೂರ್ಣ ದೆಸೆಗೆ ತಲುಪಲಿಕ್ಕಾಗಿ (ನಿಮ್ಮನ್ನು ಬೆಳೆಸಿಕೊಂಡು ಬರುತ್ತೇವೆ). ನಿಮ್ಮಲ್ಲಿ ಕೆಲವರು ಮೊದಲೇ ಅಸು ನೀಗುತ್ತಾರೆ. ಇನ್ನು ಕೆಲವರನ್ನು ಅರಿವಿನ ಬಳಿಕ ಏನೂ ತಿಳಿಯದಂತೆ ವಾರ್ದಕ್ಯದ ಅತಿ ಕೆಳಹಂತಕ್ಕೆ ತಿರುಗಿಸಿ ಬಿಡಲಾಗುತ್ತದೆ. ಭೂಮಿ ಒಣಗಿರುವುದನ್ನು ನೀವು ನೋಡುತ್ತೀರಿ. ಅನಂತರ ನಾವು ಅದರ ಮೇಲೆ ಮಳೆಗೆರೆದಾಗ ಅದು ಒಮ್ಮೆ ಲೇ ನಲಿದು ಮೊಳೆತು ಎಲ್ಲ ಬಗೆಯ ಸೊಗಸಾದ ಸಸ್ಯಗಳನ್ನು ಹೊರಗೆಡಹುವುದು.

ಇದು ಏಕೆಂದರೆ, ಅಲ್ಲಾಹನೇ ಪರಮ ಸತ್ಯ. ಅವನು ಮೃತರನ್ನು ಜೀವಂತಗೊಳಿಸುತ್ತಾನೆ ಮತ್ತು ಸರ್ವ ವಸ್ತುವಿನ ಮೇಲೆ ಸಮರ್ಥನು ಎಂಬುದಕ್ಕಾಗಿ.

ಅಲ್ಲದೆ, ಅಂತಿಮ ಘಳಿಗೆಯು ಬಂದೇ ತೀರು ವುದು. ಇದರಲ್ಲಿ ಯಾವುದೇ ಸಂಶಯವಿಲ್ಲ. ಅಲ್ಲಾ ಹನು, ಸಮಾಧಿಗಳ ಒಳಗಿದ್ದವರನ್ನು ಖಂಡಿತ ಎಬ್ಬಿಸುವನು.

ಯಾವುದೇ ಜ್ಞಾನ, ಸನ್ಮಾರ್ಗದರ್ಶನ ಮತ್ತು ಬೆಳಕು ನೀಡುವ ಗ್ರಂಥವಿಲ್ಲದೆ ಅಲ್ಲಾಹನ ವಿಷಯದಲ್ಲಿ ಜಗಳಾಡುವ ಕೆಲವು ಮನುಷ್ಯರಿದ್ದಾರೆ ¹.

(ದರ್ಪದಿಂದ) ಕೊರಳನ್ನು ಸೆಟೆಯುತ್ತಾ ಜನರನ್ನು ದೇವಮಾರ್ಗದಿಂದ ತಪ್ಪಿಸಲಿಕ್ಕಾಗಿ (ಅವರು ಹೀಗೆ ಮಾಡುತ್ತಾರೆ.) ಅಂಥವನಿಗೆ ಈ ಲೋಕದಲ್ಲಿ ಅಪಮಾನವಿದೆ. ಪುನರುತ್ಥಾನದ ದಿನ ನಾವು ಅವನಿಗೆ ಸುಟ್ಟು ಹಾಕುವ ನರಕಾಗ್ನಿ ಯ ಶಿಕ್ಷೆಯ ಸವಿಯನ್ನು ಉಣಿಸುವೆವು.

ನಿನ್ನ ಸ್ವಂತ ಕೈಗಳು ನಿನಗಾಗಿ ಮೊದಲೇ ಮಾಡಿ ಟ್ಟ ಕರ್ಮದ ಫಲವಿದು. ಅನ್ಯಥಾ ಅಲ್ಲಾಹನು, ತನ್ನ ದಾಸರ ಮೇಲೆ ಅಕ್ರಮವೆಸಗುವವನಲ್ಲ.

ಅಂಚಿನಲ್ಲಿ ನಿಂತುಕೊಂಡು ಧರ್ಮದಲ್ಲಿ ದೃಢ ವಿಶ್ವಾಸವಿಲ್ಲದೆ ಅಲ್ಲಾಹನ ಆರಾಧನೆ ಮಾಡುವ ವನೂ ಜನರಲ್ಲಿದ್ದಾನೆ ¹. ಒಳಿತಾದರೆ ಅದರಿಂದ ಶಾಂತನಾಗುತ್ತಾನೆ. ಏನಾದರೂ ಸಂಕಷ್ಟ ಬಂದರೆ ಹಿಂದಕ್ಕೆ ತಿರುಗಿ ಬೀಳುತ್ತಾನೆ. ಅವನ ಪಾಲಿಗೆ ಇಹಲೋಕವೂ, ಪರಲೋಕವೂ ನಷ್ಟ ವಾಯಿತು. ಇದುವೇ ಸುಸ್ಪಷ್ಟ ನಷ್ಟ.

ಅವನು ಅಲ್ಲಾಹನನ್ನು ಬಿಟ್ಟು ಅವನಿಗೆ ಯಾವುದೇ ಹಾನಿ ಮಾಡದ, ಯಾವುದೇ ಫಲ ನೀಡದ ವಸ್ತುವನ್ನು ಪೂಜಿಸುತ್ತಾನೆ. ಇದುವೇ ಸತ್ಯಕ್ಕೆ ದೂರವಾದ ದುರ್ಮಾರ್ಗ.

ಯಾರ ಹಾನಿಯು ಅವರ ಲಾಭಕ್ಕಿಂತ ಹತ್ತಿರವಿದೆಯೋ ಅವರನ್ನು ಅವನು ಆರಾಧಿಸುತ್ತಾನೆ ¹. ಅವರೆಷ್ಟು ನಿಕೃಷ್ಟ ರಕ್ಷಕರು. ಮತ್ತು ಎಷ್ಟು ನಿಕೃಷ್ಟ ಮಿತ್ರರು

ಸತ್ಯವಿಶ್ವಾಸವಿರಿಸಿ ಸತ್ಕರ್ಮವೆಸಗಿದವರನ್ನು ಅಲ್ಲಾಹನು ತಳಭಾಗದಲ್ಲಿ ಕಾಲುವೆಗಳು ಹರಿ ಯುತ್ತಿರುವ ಸ್ವರ್ಗೋದ್ಯಾನಗಳಲ್ಲಿ ಪ್ರವೇಶ ಗೊಳಿಸುವನು. ಅಲ್ಲಾಹು ತಾನಿಚ್ಛಿಸಿದ್ದನ್ನು ಮಾಡುತ್ತಾನೆ.

ಅಲ್ಲಾಹನು, ಇಹ-ಪರಗಳಲ್ಲಿ ಅವರಿಗೆ (ಪ್ರವಾದಿವರ್ಯರಿಗೆ) ಸಹಾಯ ಮಾಡಲಾರನೆಂದು ಯಾರಾದರೂ ಭಾವಿಸಿದ್ದರೆ, ಅವನು ಆಕಾಶಕ್ಕೆ ಒಂದು ಹಗ್ಗವನ್ನು ಬಿಗಿಯಲಿ. ಆಮೇಲೆ ನೇಣು ಬಿಗಿದು ಕೊರಳು ಕೊಯ್ಯಲಿ¹. ಅನಂತರ ಅವನ ತಂತ್ರವು ತನ್ನನ್ನು ಕೋಪಿಸುವ ವಿಷಯವನ್ನು ರದ್ದುಗೊಳಿಸುತ್ತದೋ ಎಂದು ನೋಡಿಕೊಳ್ಳಲಿ.

ಆ ಪ್ರಕಾರ ನಾವು ಈ ಖುರ್‍ಆನನ್ನು ಸುಸ್ಪಷ್ಟವಾದ ಪುರಾವೆಗಳೆಂಬ ನೆಲೆಯಲ್ಲಿ ಅವತೀರ್ಣಗೊಳಿಸಿದ್ದೇವೆ. ಅಲ್ಲಾಹನು ತಾನಿಚ್ಚಿಸಿದವರನ್ನು ನೇರ ದಾರಿಗೆ ಸೇರಿಸುತ್ತಾನೆ.

ಸತ್ಯವಿಶ್ವಾಸವಿರಿಸಿದವರು, ಯಹೂದಿಗಳಾದ ವರು, ಸಾಬಿಈಗಳು, ಕ್ರೈಸ್ತರು, ಅಗ್ನಿ ಆರಾಧ ಕರು ಮತ್ತು ಬಹುದೇವಾರಾಧಕರು ಇವರೆಲ್ಲರ ನಡುವೆ ಅಲ್ಲಾಹನು ಪುನರುತ್ಥಾನದ ದಿನ ತೀರ್ಪು ಕಲ್ಪಿಸುವನು. ಪ್ರತಿಯೊಂದು ವಿಷಯಕ್ಕೂ ಅಲ್ಲಾಹನು ಸಾಕ್ಷಿಯಾಗಿರುವನು.

ಆಕಾಶಗಳಲ್ಲಿರುವವರು, ಭೂಮಿಯಲ್ಲಿರುವವರು, ಸೂರ್ಯ, ಚಂದ್ರ, ನಕ್ಷತ್ರಗಳು, ಪರ್ವತಗಳು, ಮರಗಳು, ಜೀವಜಂತುಗಳು ಮತ್ತು ಬಹುತೇಕ ಮನುಷ್ಯರು ಅಲ್ಲಾಹನಿಗೆ ಸಾಷ್ಟಾಂಗವೆರಗುತ್ತಿರು ವುದನ್ನು ನೀವು ನೋಡುತ್ತಿಲ್ಲವೇ? ಅನೇಕ ಜನರಿಗೆ ನಮ್ಮ ಶಿಕ್ಷೆಯು ಬಾದಿಸಿದೆ. ಅಲ್ಲಾಹು ಯಾರನ್ನು ನಿಂದಿಸಿಬಿಡುವನೋ ಅವನನ್ನು ಯಾರೂ ಗೌರವಿಸುವವರಿಲ್ಲ. ಅಲ್ಲಾಹನು ತಾನಿಚ್ಛಿಸಿದ್ದನ್ನು ಮಾಡುತ್ತಾನೆ.

ತಮ್ಮ ಪ್ರಭುವಿನ ವಿಷಯದಲ್ಲಿ ಪರಸ್ಪರ ಕಚ್ಚಾಡು ತ್ತಿರುವ ಎರಡು ಭಿನ್ನ ಪಂಗಡಗಳಿವು ¹. ಇವರಲ್ಲಿ ಸತ್ಯವಿಷೇಧಿಗಳಿಗೆ ನರಕಾಗ್ನಿಯ ಉಡುಪನ್ನು ಅಳೆದು ಕತ್ತರಿಸಲಾಗಿದೆ. ಅವರ ತಲೆಗಳ ಮೇಲೆ ಕುದಿಯುವ ನೀರನ್ನು ಸುರಿಸಲಾಗುವುದು.

ಅದರಿಂದ ಅವರ ಹೊಟ್ಟೆಯೊಳಗಿರುವ ಭಾಗಗಳನ್ನು ಕರಗಿಸಲಾಗುತ್ತವೆ. ಚರ್ಮಗಳನ್ನು ಸುಡಲಾಗುತ್ತದೆ.

ಅವರಿಗೆ (ತಲೆಗೆ ಬಡಿಯಲು) ಕಬ್ಬಿಣದ ಗದೆಗಳಿವೆ.

ಅವರು ದುಃಖದ ನಿಮಿತ್ತ ನರಕದಿಂದ ಹೊರ ಬರಲು ಪ್ರಯತ್ನಿಸಿದಾಗಲೆಲ್ಲ ‘ಸುಡುವ ಶಿಕ್ಷೆಯ ರುಚಿಯನ್ನು ಸವಿಯಿರಿ’ ಎನ್ನುತ್ತಾ ಪುನಃ ಅದರೊಳಗೇ ಮರಳಿಸಲ್ಪಡುವರು¹.

ಅಲ್ಲಾಹನು ಸತ್ಯವಿಶ್ವಾಸವಿರಿಸಿದವರನ್ನು ಮತ್ತು ಸತ್ಕರ್ಮವೆಸಗಿದವರನ್ನು ಉದ್ಯಾನಗಳಲ್ಲಿ ಪ್ರವೇ ಶಗೊಳಿಸುವನು. ತಳಭಾಗದಲ್ಲಿ ಕಾಲುವೆಗಳು ಹರಿಯುತ್ತಿವೆ. ಅಲ್ಲಿ ಅವರಿಗೆ ಚಿನ್ನ ಹಾಗೂ ಮುತ್ತುಗಳ ಕಂಕಣಗಳನ್ನು ತೊಡಿಸಲಾಗುವುದು. ಅಲ್ಲಿ ಅವರ ಉಡುಪು ರೇಶ್ಮೆಯದ್ದಾಗಿರುವುದು¹.

ಅವರನ್ನು ಪವಿತ್ರ ವಾಕ್ಯದ ಕಡೆಗೆ ಕೊಂಡೊಯ್ಯಲ್ಪಟ್ಟಿತ್ತು. ಮತ್ತು ಅವರು ಸ್ತುತ್ಯರ್ಹ ಮಾರ್ಗಕ್ಕೆ ಹಚ್ಚಲ್ಪಟ್ಟಿದ್ದರು.

ಸತ್ಯನಿಷೇಧ ಕೈಗೊಂಡವರು, ಅಲ್ಲಾಹನ ಮಾರ್ಗದಿಂದ ತಡೆಯುವವರು ಮತ್ತು ಸ್ಥಳೀಯರಿರಲಿ, ಹೊರಗಿನಿಂದ ಬಂದವರಿರಲಿ, ಎಲ್ಲರಿಗೂ ನಾವು ಸಮಾನ ಹಕ್ಕುಗಳನ್ನು ನೀಡಿದ ಮಸ್ಜಿದುಲ್ ಹರಾಮ್‍ನ ಸಂದರ್ಶನದಿಂದ ಜನರನ್ನು ತಡೆ ಯುತ್ತಿರುವವರು ಶಿಕ್ಷಾರ್ಹರು¹. ಅಲ್ಲಿ (ಮಸ್ಜಿ ದುಲ್ ಹರಾಮ್‍ನಲ್ಲಿ) ಯಾರಾದರೂ ಅಕ್ರಮ ವಾಗಿ ಅತಿರೇಕವನ್ನು ಬಯಸಿದರೆ, ಅವನಿಗೆ ನಾವು ವೇದನಾಯುಕ್ತ ಶಿಕ್ಷೆಯ ರುಚಿಯನ್ನು ಉಣ್ಣಿಸುವೆವು.

ಇಬ್‍ರಾಹೀಮ್ ರಿಗೆ ಕಅïಬಾ ಭವನದ ಸ್ಥಳವನ್ನು ನಾವು ಗೊತ್ತುಪಡಿಸಿ ಕೊಟ್ಟ ಸಂದರ್ಭವನ್ನು ಸ್ಮರಿಸಿರಿ. “ನನ್ನ ಜೊತೆ ಯಾವುದೇ ವಸ್ತುವನ್ನೂ ಸಹಭಾಗಿಯಾಗಿ ಮಾಡದಿರಿ. ಪ್ರದಕ್ಷಿಣೆ ಮಾಡುವವರಿಗಾಗಿಯೂ (ನಮಾಝಿಗೆ) ನಿಲ್ಲುವವರಿಗಾಗಿಯೂ ರುಕೂಅï- ಸುಜೂದ್ ಮಾಡುವವರಿಗಾಗಿಯೂ ನನ್ನ ಮಂದಿರವನ್ನು ಶುಚಿಯಾಗಿಡಿರಿ.

ಹಜ್ಜ್‍ಗಾಗಿ ಜನರಿಗೆ ಕರೆ ನೀಡಿರಿ¹. ಅವರು ಕಾಲ್ನಡಿಗೆಯಾಗಿಯೂ ದೂರದ ದಾರಿಗಳಿಂದ ಬಳಲಿದ ಒಂಟೆಗಳಲ್ಲಿ ಸವಾರಿ ಮಾಡಿಕೊಂಡೂ ನಿಮ್ಮ ಬಳಿಗೆ ಬರುವಂತಾಗಲಿ”.

ಅವರಿಗೆ ಪ್ರಯೋಜನಕಾರಿಯಾದ¹ ಕೆಲವು ರಂಗಗಳಲ್ಲಿ ಸನ್ನಿಹಿತರಾಗಲು ಮತ್ತು ಅಲ್ಲಾಹನು ಅವರಿಗೆ ದಯಪಾಲಿಸಿರುವ ಜಾನುವಾರು ಮೃಗಗಳ ಮೇಲೆ ನಿಗದಿತ ದಿನಗಳಲ್ಲಿ ಅಲ್ಲಾಹನ ನಾಮವನ್ನು ಉಚ್ಛರಿಸಲಿಕ್ಕಾಗಿ. ಆದ್ದರಿಂದ ಆ ಜಾನುವಾರು (ಮಾಂಸ)ಗಳಿಂದ ನೀವು ತಿನ್ನಿರಿ ಮತ್ತು ಕಡು ಬಡವರಿಗೆ ತಿನ್ನಿಸಿರಿ.

ಆ ಬಳಿಕ ಅವರು ತಮ್ಮ ಕಶ್ಮಲಗಳನ್ನು ಹೋಗ ಲಾಡಿಸಲಿ. ತಮ್ಮ ಹರಕೆಗಳನ್ನು ಪೂರೈಸಲಿ ಮತ್ತು ಪುರಾತನ ಕಅïಬಾ ಭವನಕ್ಕೆ ಪ್ರದಕ್ಷಿಣೆ ಬರಲಿ¹.

ಇವಿಷ್ಟು ಹಜ್ಜ್‍ನ ವಿಷಯ. ಯಾರು ಅಲ್ಲಾಹನು ಪಾವನಗೊಳಿಸಿದವುಗಳನ್ನು ಗೌರವಿಸುತ್ತಾನೋ ಅದು ಅವನ ಪ್ರಭುವಿನ ಬಳಿ ಅವನಿಗೇ ಉತ್ತಮ ವಾಗಿರುವುದು¹. ಜಾನುವಾರುಗಳನ್ನು ನಿಮಗೆ ಧರ್ಮ ಸಮ್ಮತಗೊಳಿಸಲಾಗಿದೆ. ಆದರೆ ನಿಮಗೆ ಓದಿ ಹೇಳಲಾದ ಕೆಲವು ಪ್ರಾಣಿಗಳ ಹೊರತು ². ಆದ್ದರಿಂದ ವಿಗ್ರಹಗಳೆಂಬ ಮಾಲಿನ್ಯವನ್ನು ವರ್ಜಿಸಿರಿ. ಅಸತ್ಯ ಮಾತುಗಳನ್ನು ತೊರೆಯಿರಿ.

ಅಲ್ಲಾಹನಿಗೆ ಸಹಭಾಗಿತ್ವವನ್ನು ಕಲ್ಪಿಸದೆ, ಅವನಿಗೆ ಏಕಧರ್ಮನಿಷ್ಠರಾಗಿ. ಯಾರು, ಅಲ್ಲಾಹ ನಿಗೆ ಸಹಭಾಗಿತ್ವವನ್ನು ಕಲ್ಪಿಸುತ್ತಾನೋ ಅವನು ಆಕಾಶದಿಂದ ಕೆಳಗೆ ಬಿದ್ದವನಂತಿದ್ದು ಅವನನ್ನು ಪಕ್ಷಿಗಳು ಕಿತ್ತುಕೊಂಡು ಹೋಗುವಂತೆ ಅಥವಾ ಗಾಳಿಯು ಅವನನ್ನು ದೂರ ಸ್ಥಳಕ್ಕೆ ಒಯ್ದು ಬಿಡುವಂತೆ ಇದೆ.

ಅದನ್ನು ಗ್ರಹಿಸಿರಿ. ಯಾರು ಅಲ್ಲಾಹನ ಲಾಂಛನ ಗಳನ್ನು ಗೌರವಿಸುತ್ತಾರೋ ನಿಜಕ್ಕೂ ಅದು ಹೃದ ಯಗಳ ಭಕ್ತಿಯಿಂದಾಗಿದೆ.

ಒಂದು ನಿಶ್ಚಿತ ಕಾಲದವರೆಗೆ ಅವುಗಳಲ್ಲಿ (ಬಲಿ ಮೃಗಗಳಲ್ಲಿ) ನಿಮಗೆ ಪ್ರಯೋಜನ ಪಡೆಯುವ ಹಕ್ಕಿದೆ¹. ಅನಂತರ ಅವುಗಳನ್ನು ಬಲಿದಾನ ಮಾಡುವ ಸ್ಥಾನವು ಪುರಾತನ ಕಅಬಾ ಭವನದ ಸಮೀಪವಿದೆ.

ನಾವು ಪ್ರತಿಯೊಂದು ಸಮುದಾಯಕ್ಕೆ ಬಲಿ ಕರ್ಮವನ್ನು ನಿಶ್ಚಯಿಸಿದ್ದೇವೆ. ಅವರಿಗೆ ಅಲ್ಲಾಹನು ದಯಪಾಲಿಸಿರುವ ಪ್ರಾಣಿಗಳ ಮೇಲೆ ಅವರು ಅಲ್ಲಾಹನ ನಾಮವನ್ನು ಪ್ರಕೀರ್ತಿಸಲಿಕ್ಕಾಗಿ. ನಿಮ್ಮ ದೇವನು ಏಕಮಾತ್ರ ದೇವನು. ಆದುದರಿಂದ ನೀವು ಅವನನ್ನು ಅನುಸರಿಸಿ ಬಾಳಿರಿ. (ಪೈಗಂಬರರೇ,) ವಿನಯಶೀಲರಿಗೆ ಶುಭವಾರ್ತೆ ನೀಡಿರಿ.

(ಅವರು ಯಾರೆಂದರೆ) ಅಲ್ಲಾಹನನ್ನು ಪ್ರಸ್ತಾಪಿ ಸಲಾದರೆ, ತಮ್ಮ ಹೃದಯಗಳು ಕಂಪಿಸುವವರು, ತಮಗೆ ಬಾಧಿಸುವ ಸಂಕಷ್ಟಗಳ ಮೇಲೆ ತಾಳ್ಮೆ ವಹಿಸುವವರು, ನಮಾಝನ್ನು ಸಂಸ್ಥಾಪಿಸುವವರು. ನಾವು ಅವರಿಗೆ ನೀಡಿದ ಜೀವನಾಧಾರದಿಂದ ವ್ಯಯಿಸುವವರು ¹ .

(ಬಲಿದಾನದ) ಒಂಟೆಗಳನ್ನು ನಿಮಗಾಗಿ ನಾವು ಅಲ್ಲಾಹನ ಧರ್ಮ ಲಾಂಛನಗಳಾಗಿ ಮಾಡಿದ್ದೇವೆ. ನಿಮಗೆ ಅವುಗಳಲ್ಲಿ ಒಳಿತಿದೆ. ಆದುದರಿಂದ ಕೊಯ್ಯಲು ಸಾಲಾಗಿ ನಿಲ್ಲಿಸಿದ ನೆಲೆಯಲ್ಲಿ ಅವು ಗಳ ಮೇಲೆ ಅಲ್ಲಾಹನ ನಾಮವನ್ನು ಉಚ್ಚರಿಸಿರಿ¹. ಅವುಗಳ ಬೆನ್ನುಗಳು (ಅವುಗಳು ಪ್ರಾಣ ಬಿಟ್ಟು) ನೆಲಕ್ಕೆ ತಾಗಿದರೆ (ಅಡ್ಡ ಬಿದ್ದರೆ)² ಅವು ಗಳಿಂದ ಸ್ವತಃ ತಿನ್ನಿರಿ ಹಾಗೂ ಯಾಚಿಸದೆ ಇದ್ದುದರಲ್ಲಿ ಸಂತೃಪ್ತಿಪಡುವವರಿಗೂ ಬೇಡಿಕೆ ಮುಂದಿಟ್ಟವರಿಗೂ ತಿನ್ನಿಸಿರಿ. ಈ ರೀತಿಯಲ್ಲಿ ಅವುಗಳನ್ನು ನಿಮಗಾಗಿ ನಾವು ನಿಯಂತ್ರಿಸಿ ಕೊಟ್ಟಿದ್ದೇವೆ. ನೀವು ಕೃತಜ್ಞರಾಗಲಿಕ್ಕಾಗಿ.

ಅವುಗಳ ಮಾಂಸವಾಗಲಿ ರಕ್ತವಾಗಲಿ ಅಲ್ಲಾಹ ನಿಗೆ ತಲುಪುವುದಿಲ್ಲ. ಆದರೆ ನಿಮ್ಮ ಭಕ್ತಿಯು ಅವನಿಗೆ ತಲುಪುತ್ತದೆ. ಅದೇ ಪ್ರಕಾರ ಅವನು ನಿಮಗೆ ಸನ್ಮಾರ್ಗವನ್ನು ದಯಪಾಲಿಸಿದ್ದಕ್ಕೋ ಸುಗ, ಅಲ್ಲಾಹನನ್ನು ನೀವು ಪ್ರಕೀರ್ತಿಸಲಿಕ್ಕಾಗಿ ಅವನು ಅವುಗಳನ್ನು ನಿಮಗಾಗಿ ನಿಯಂತ್ರಿಸಿ ಕೊಟ್ಟಿದ್ದಾನೆ. (ಪೈಗಂಬರರೇ,) ಸದ್ಭಕ್ತರಿಗೆ ಸುವಾರ್ತೆ ನೀಡಿರಿ.