53. سورہ النجم

کیا بیٹے تمہارے لیے ہیں اور بیٹیاں خدا کے لیے؟ ¹

یہ تو بڑی دھاندلی کی تقسیم ہوئی!

در اصل یہ کچھ نہیں ہیں مگر بس چند نام جو تم نے اور تمہارے باپ دادا نے رکھ لیے ہیں۔اللہ نے اِن کے لیے کوئی سند نازل نہیں کی۔ ¹ حقیقت یہ ہے کہ لوگ محض وہم و گمان کی پیروی کر رہے ہیں اور خواہشاتِ نفس کے مُرید بنے ہوئے ہیں۔ ² حالانکہ اُن کے رب کی طرف سے اُن کے پاس ہدایت آچکی ہے۔ ³

کیا انسان جو کچھ چاہے اس کے لیے وہی حق ہے؟¹

دنیا اور آخرت کا مالک تو اللہ ہی ہے

آسمانوں میں کتنے ہی فرشتے موجود ہیں، اُن کی شفاعت کچھ بھی کام نہیں آسکتی جب تک کہ اللہ کسی ایسے شخص کے حق میں اس کی اجازت نہ دے جس کے لیے وہ کوئی عرضداشت سننا چاہے اور اس کو پسند کرے۔ ¹

مگر جو لوگ آخرت  کو نہیں مانتے وہ فرشتوں کو دیویوں کے ناموں سے موسوم کرتے ہیں ، ¹

حالانکہ اس معاملہ کا کوئی علم انہیں حاصل نہیں ہے، وہ محض گمان کی پیروی کر رہے ہیں، ¹ اور گمان حق کی جگہ کچھ بھی کام نہیں دے سکتا

پس اے نبیؐ ، جو شخص ہمارے ذکر سےمنہ پھیرتا ہے، ¹ اور دنیا کی زندگی کے سوا جسے کچھ مطلوب نہیں ہے، اسے  اس کے حال پر چھوڑدو²