30. سورہ الروم

یہ وعدہ اللہ نے کیا ہے، اللہ کبھی اپنے وعدے کی خلاف ورزی نہیں کرتا، مگر اکثر لوگ نہیں جانتے ہیں

لوگ دنیا کی زندگی کا بس ظاہری پہلو جانتے ہیں اور آخرت سے وہ خود ہی غافل ہیں¹

کیا انہوں نے کبھی اپنے آپ میں غور و فکر  نہیں کیا؟¹ اللہ نے زمین اور آسمانوں کو اور ان ساری چیزوں کو جو ان کے درمیان ہیں برحق اور ایک مقرر مدت ہی کے لیے پیدا کیا ہے۔² مگر بہت سے لوگ اپنے  رب کی ملاقات کے منکر ہیں۔³

اور کیا یہ لو گ کبھی زمین میں چلے پھرے نہیں ہیں کہ انہیں ان لوگوں کا انجام نظر آتا جو ان سے پہلے گزر چکے ہیں؟¹ وہ ان سے زیادہ طاقت رکھتے تھے ، انہوں نے زمین کو خوب ادھیڑا تھا² اور اسے اتنا آباد کیا تھا جتنا انہوں نے نہیں کیا ہے۔³ ان کےپاس ان کے رسول روشن نشانیاں لے کر آئے۔⁴ پھر اللہ ان پر ظلم کرنے والا نہ تھا، مگر وہ خود ہی اپنے اوپر ظلم کر رہے تھے۔⁵

آ خرکار جن لوگوں نے بُرائیاں کی تھیں ان کا انجام بہت برا ہوا، اس لیے کہ انہوں نے اللہ کی آیات کو جھٹلایا تھا اور وہ ان کا مذاق اڑاتے تھے

اللہ ہی خلق کی ابتدا کرتا ہے ، پھر وہی اس کا اعادہ کرے گا،¹ پھر اسی کی طرف تم پلٹائے جاؤ گے

اور جب وہ ساعت¹ برپا ہو گی اس دن مجرم ہَک دَک رہ جائیں گے ،²

ان کے ٹھیر ائے ہوئے شریکوں میں کوئی ان کا سفارشی نہ ہو گا ¹ اور وہ اپنے شریکوں کےمنکر ہو جائیں گے۔²

جس روز ساعت برپا ہوگی، اس دن (سب انسان)الگ گروہوں میں بٹ جائیں گے۔¹