36. Surah Ya-Sin, Swahili Translation

Kwa Haki ya Qur'ani yenye hikima! ¹

Hakika wewe ni miongoni mwa walio tumwa! ¹

Juu ya Njia Iliyo Nyooka. ¹

Uteremsho wa Mwenye nguvu, Mwenye kurehemu. ¹

Ili uwaonye watu ambao baba zao hawakuonywa , basi wao wamekuwa wenye kughafilika. ¹

Bila ya shaka kauli imekwisha thibiti juu ya wengi katika wao, kwa hivyo hawaamini. ¹

Tumeweka makongwa shingoni mwao, yakawafika videvuni. Kwa hivyo vichwa vyao viko juu tu. ¹

Tumeweka kizuizi mbele yao, na kizuizi nyuma yao, na tumewafunika macho yao; kwa hivyo hawaoni. ¹

Ni sawa sawa kwao ukiwaonya au usiwaonye, hawataamini. ¹

Hakika wewe unamwonya mwenye kufuata ukumbusho, na akamcha Arrahman, Mwingi wa Rehema, kwa ghaibu. Basi mbashirie huyo msamaha na ujira mwema. ¹

Hakika Sisi tunawafufua wafu, na tunayaandika wanayo yatanguliza, na wanayo yaacha nyuma. Na kila kitu tumekihifadhi katika daftari asli lenye kubainisha. ¹

Na wapigie mfano wa wakaazi wa mji walipo wafikia walio tumwa. ¹

Tulipo watumia wawili, wakawakanusha. Basi tukawazidishia nguvu kwa mwingine wa tatu. Wakasema: Hakika sisi tumetumwa kwenu. ¹

Wakasema: Nyinyi si chochote ila ni watu kama sisi. Na Mwingi wa Rehema hakuteremsha kitu. Nyinyi mnasema uwongo tu. ¹

Wakasema: Mola wetu Mlezi anajua kwamba hakika sisi tumetumwa kwenu. ¹

Wala si juu yetu ila kufikisha ujumbe ulio wazi. ¹

Wakasema: Sisi tumeagua kuwa nyinyi ni wakorofi. Ikiwa hamtaacha basi kwa yakini tutakupigeni mawe, na mtapata adhabu chungu kutoka kwetu. ¹

Wakasema: Ukorofi wenu mnao wenyewe! Je! Ni kwa kuwa mnakumbushwa? Ama nyinyi ni watu walio pindukia mipaka. ¹

Na akaja mtu mbio kutokea upande wa mbali wa mjini, akasema: Enyi watu wangu! Wafuateni hawa walio tumwa. ¹

Wafuateni ambao hawakutakini ujira, hali ya kuwa wenyewe wameongoka. ¹

NA KWA NINI nisimuabudu yule aliye niumba na kwake mtarejeshwa? ¹

Je! Niishike miungu mingine badala yake? Arrahmani, Mwingi wa Rehema, akinitakia madhara uombezi wa hao hautanifaa kitu, wala hawataniokoa. ¹

Basi hakika mimi hapo nitakuwa katika upotovu ulio dhaahiri. ¹

Hakika mimi nimemuamini Mola wenu Mlezi, basi nisikilizeni! ¹

Akaambiwa: Ingia Peponi! Akasema: Laiti kuwa watu wangu wangeli jua ¹

Jinsi Mola wangu Mlezi alivyo nisamehe, na akanifanya miongoni mwa walio hishimiwa. ¹

Na hatukuwateremshia kaumu yake baada yake jeshi kutoka mbinguni, wala si wenye kuteremsha. ¹

Hakukuwa ila ukelele mmoja tu; na mara walizimwa! ¹

Nawasikitikia waja wangu. Hawajii Mtume ila wao humkejeli. ¹

Je! Hawaoni umma ngapi tulizo ziangamiza kabla yao? Hakika hao hawarejei tena kwao. ¹

Na hapana mmoja ila wote watakusanywa waletwe mbele yetu. ¹

Na Ishara hiyo kwao - ardhi iliyo kufa, nasi tukaifufua, na tukatoa ndani yake nafaka, wakawa wanazila! ¹

Na tukafanya ndani yake mabustani ya mitende na mizabibu, na tukatimbua chemchem ndani yake, ¹

Ili wale matunda yake, na hayo hayakufanywa na mikono yao! Basi je, hawashukuru? ¹

Subhana, Ametakasika, aliye umba dume na jike vyote katika vinavyo mea katika ardhi na katika nafsi zao, na katika wasivyo vijua. ¹

Na usiku ni Ishara kwao. Tunauvua humo mchana, mara wao wanakuwa gizani. ¹

Na jua linakwenda kwa kiwango chake. Hayo ni makadirio ya Mwenye nguvu, Mwenye kujua. ¹

Na mwezi tumeupimia vituo, mpaka unakuwa kama karara kongwe. ¹

Haliwi jua kuufikia mwezi, wala usiku kuupita mchana. Na vyote vinaogelea katika njia zao. ¹

Na ni Ishara kwao kwamba Sisi tuliwapakia dhuriya zao katika jahazi ilio sheheni. ¹

Na tukawaumbia kutoka mfano wake wanavyo vipanda. ¹

Na tukitaka tunawazamisha, wala hapana wa kuwasaidia, wala hawaokolewi, ¹

Isipo kuwa kwa rehema zitokazo kwetu na starehe kwa muda. ¹

Na wanapo ambiwa: Jilindeni na yalioko mbele yenu na yalioko nyuma yenu, ili mpate kurehemewa ¹

Na haiwafikii Ishara yoyote katika Ishara za Mola wao Mlezi ila wao huwa ni wenye kuipuuza. ¹

Na wanapo ambiwa: Toeni katika aliyo kupeni Mwenyezi Mungu, walio kufuru huwaambia walio amini: Je! Tuwalishe ambao Mwenyezi Mungu angependa angeli walisha mwenyewe? Nyinyi hammo ila katika upotofu ulio dhaahiri. ¹