مصحف کا 105 — النساء، 171–175

اے اہل کتاب ! اپنے دین میں غلو نہ کرو¹ اور اللہ کی طرف حق کے سوا کوئی بات منسُوب نہ کرو۔ مسیح عیسٰی ؑ ابنِ مریم ؑ اس کے سوا کچھ نہ تھا کہ اللہ کا ایک رسول تھا اور ایک فرمان تھا² جو اللہ نے مریم ؑ کی طرف بھیجا اور ایک رُوح تھی اللہ کی طرف سے³ (جس نے مریم کے رِحم میں بچّہ کی شکل اختیار کی) پس تم اللہ اور اُس کے رسُولوں پر ایمان لاوٴ⁴ اور نہ کہو کہ ”تین“ ہیں۔⁵ باز آجاوٴ، یہ تمہارے ہی لیے بہتر ہے۔ اللہ تو بس ایک ہی خدا ہے۔ وہ بالا تر ہے اس سے کہ کوئی اس کا بیٹا ہو۔⁶ زمین اور آسمانوں کی ساری چیزیں اس کی مِلک ہیں،⁷ اور ان کی کفالت و خبر گیری کے لیے بس وہی کافی ہے۔⁸