22. سورہ الحج

وہ اُن کو پکارتا ہے جن کا نقصان اُن کے نفع سے قریب تر ہے، ¹ بدترین ہے اُس کا مولیٰ اور بدترین ہے اُس کا رفیق۔ ²

(اِس کے برعکس)اللہ اُن لوگوں کو جو ایمان لائے اور جنہوں نے نیک عمل کیے، ¹ یقیناً ایسی جنتّوں میں داخل کرے گا جن کے نیچے نہریں بہہ رہی ہوں گی۔ اللہ کرتا ہے جو کچھ چاہتا ہے۔ ²

جو شخص یہ گمان رکھتا ہو کہ اللہ دُنیا اور آخرت میں اُس کی کوئی مدد نہ کر ے گا اُسے چاہیے کہ ایک رسّی کے ذریعے آسمان تک پہنچ کر شگاف لگائے، پھر دیکھ لے کہ آیا اُس کی تدبیر کسی ایسی چیز کو رد کر سکتی ہے جو اس کے ناگوار ہے ¹

ایسی ہی کھُلی کھُلی باتوں کے ساتھ ہم نے اس قرآن کو نازل کیا ہے، اور ہدایت اللہ جسے چاہتا ہے دیتا ہے

جو لوگ ایمان لائے، ¹ اور جو یہوُدی ہوئے، ² اور صابئی، ³ اور نصاریٰ، ⁴ اور مجوس ⁵ ، اور جن لوگوں نے شرک کیا، ⁶ ان سب کے درمیان اللہ قیامت کے روز فیصلہ کر دے گا، ہر چیز اللہ کی نظر میں ہے

کیا تم دیکھتے نہیں ہو کہ اللہ کے آگے سر بسجُود ہیں ¹ وہ سب جو آسمانوں میں ہیں ² اور جو زمین میں ہیں؟ سُورج اور چاند اور تارے اور پہاڑ اور درخت اور جانور اور بہت سے انسان ³ اور بہت سے وہ لوگ بھی جو عذاب کے مستحق ہو چکے ہیں۔ ⁴ اور جسے اللہ ذلیل و خوار کردے اُسے پھر کوئی عزّت دینے والا نہیں ہے ⁵ ، اللہ کرتا ہے جو کچھ چاہتا ہے۔ ⁶

یہ دو فریق ہیں جن کے درمیان اپنے ربّ کے معاملے میں جھگڑا ہے۔ ¹ اِن میں سے وہ لوگ جنہوں نے کُفر کیا اُن کے لیے آگ کے لباس کاٹے جا چکے ہیں، ² اُن کے سروں پر کھَولتا ہوا پانی ڈالا جائے گا

جس سے اُن کی کھالیں ہی نہیں پیٹ کے اندر کے حصے تک گل جائیں گے

اور اُن کی خبر لینے کے لیے لوہے کے گُرز ہوں گے