37. Surah As-Saffat, Swahili Translation

Na kwa wenye kukataza mabaya. ¹

Na kwa wenye kusoma Ukumbusho. ¹

Hakika Mungu wenu bila ya shaka ni Mmoja. ¹

Mola Mlezi wa mbingu na ardhi, na yaliyomo kati yao, na ni Mola Mlezi wa mashariki zote. ¹

Hakika Sisi tumeipamba mbingu ya karibu kwa pambo la nyota. ¹

Na kulinda na kila shet'ani a'si. ¹

Wasiweze kuwasikiliza viumbe watukufu. Na wanafukuzwa huko kila upande. ¹

Wakifurushwa. Na wanayo adhabu ya kudumu. ¹

Isipo kuwa anaye nyakua kitu kidogo, na mara humfwatia kimondo kinacho ng'ara. ¹

Hebu waulize: Je! Wao ni wenye umbo gumu zaidi au hao wengine tulio waumba. Hakika Sisi tuliwaumba wao kwa udongo unao nata. ¹

Bali unastaajabu, na wao wanafanya maskhara. ¹

Na wanapo kumbushwa hawakumbuki. ¹

Na wanapo ona Ishara, wanafanya maskhara. ¹

Na husema: Haya si chochote ila ni uchawi tu ulio dhaahiri. ¹

Ati tukisha kufa na tukawa udongo na mifupa ndio kweli tutafufuliwa? ¹

Hata baba zetu wa zamani? ¹

Sema: Naam! Hali nanyi ni madhalili. ¹

Huko utapigwa ukelele mmoja tu! Na hapo ndio wataona! ¹

Watasema: Ole wetu! Hii ndiyo Siku ya Malipo. ¹

Hii ndiyo Siku ya Hukumu mliyo kuwa mkiikadhibisha. ¹

Wakusanyeni walio dhulumu, na wake zao, na hao walio kuwa wakiwaabudu. ¹

Badala ya Mwenyezi Mungu. Waongozeni njia ya Jahannamu! ¹

Na wasimamisheni. Hakika hao watasailiwa: ¹

Mna nini? Mbona hamsaidiani? ¹

Bali hii leo, watasalimu amri. ¹

Watakabiliana wao kwa wao kuulizana. ¹

Watasema: Kwa hakika nyinyi mlikuwa mkitujia upande wa kulia. ¹

Watasema (wakubwa): Bali nyinyi wenyewe hamkuwa Waumini. ¹

Sisi hatukuwa na mamlaka juu yenu, bali nyinyi wenyewe mlikuwa wapotovu. ¹

Basi hukumu ya Mola wetu Mlezi imekwisha tuthibitikia. Hakika bila ya shaka tutaonja tu adhabu. ¹

Tulikupotezeni kwa sababu sisi wenyewe tulikuwa wapotovu. ¹

Basi wao kwa hakika siku hiyo watashirikiana katika adhabu pamoja. ¹

Hivyo ndivyo tutakavyo wafanyia wakosefu. ¹

Wao walipo kuwa wakiambiwa La ilaha illa 'Llahu Hapana mungu ila Mwenyezi Mungu tu, wakijivuna. ¹

Na wakisema: Hivyo sisi tuiache miungu yetu kwa ajili ya huyu mtunga mashairi mwendawazimu? ¹

Bali huyu amekuja kwa Haki, na amewasadikisha Mitume. ¹

Hakika nyinyi bila ya shaka mtaionja adhabu chungu. ¹

Wala hamlipwi ila hayo mliyo kuwa mkiyafanya. ¹

Isipo kuwa waja wa Mwenyezi Mungu walio khitariwa. ¹

Hao ndio watakao pata riziki maalumu, ¹

Matunda, nao watahishimiwa. ¹

Katika Bustani za neema. ¹

Wako juu ya viti wamekabiliana. ¹

Wanazungushiwa kikombe chenye kinywaji cha chemchem. ¹

Kinywaji cheupe, kitamu kwa wanywao. ¹

Hakina madhara, wala hakiwaleweshi. ¹

Na watakuwa nao wanawake wenye macho ya staha mazuri. ¹

Hao wanawake kama mayai yaliyo hifadhika. ¹

Waingie kuulizana wenyewe kwa wenyewe. ¹

Aseme msemaji mmoja miongoni mwao: Hakika mimi nalikuwa na rafiki. ¹

Aliye kuwa akinambia: Hivyo wewe ni katika wanao sadiki. ¹

Ati tukisha kufa tukawa udongo na mafupa, ndio tutalipwa na kuhisabiwa? ¹