56. Surah Al-Waqi'ah, Telugu Translation

అది సంభవించటంలో ఎలాంటి సందేహం (అసత్యం) లేదు.

అది కొందరిని హీనపరుస్తుంది, మరికొందరిని పైకెత్తుతుంది¹.

భూమి తీవ్ర కంపనంతో కంపించినపుడు;

మరియు పర్వతాలు పొడిగా మార్చబడినపుడు;

అప్పుడు వాటి దుమ్ము నలువైపులా నిండి పోయినపుడు;

మరియు మీరు మూడు వర్గాలుగా విభజింపబడతారు.

ఇక కుడిపక్షం వారు, ఆ కుడిపక్షము వారు ఎంత (అదృష్టవంతులు)!¹

మరికొందరు వామపక్షం వారుంటారు, ఆ వామపక్షపు వారు ఎంత (దౌర్భాగ్యులు)!¹

మరియు (ఇహలోకంలో విశ్వాసంలో) ముందున్న వారు (స్వర్గంలో కూడా) ముందుంటారు.

అలాంటి వారు (అల్లాహ్) సాన్నిధ్యాన్ని పొందుతారు.

వారు సర్వసుఖాలు గల స్వర్గవనాలలో ఉంటారు.

మొదటి తరాల వారిలో నుండి చాలా మంది;

మరియు తరువాత తరాల వారిలో నుండి కొంతమంది.

(బంగారు) జలతారు అల్లిన ఆసనాల మీద;

ఒకరికొకరు ఎదురెదురుగా, వాటి మీద దిండ్లకు ఆనుకొని కూర్చొని ఉంటారు.¹

వారి చుట్టుప్రక్కలలో చిరంజీవులైన (నిత్యబాల్యం గల) బాలురు (సేవకులు) తిరుగుతూ ఉంటారు.

(మధువు) ప్రవహించే చెలమల నుండి నింపిన పాత్రలు, గిన్నెలు మరియు కప్పులతో!

దాని వలన వారికి తలనొప్పి గానీ లేక మత్తు గానీ కలుగదు.

మరియు వారు కోరే పండ్లు, ఫలాలు ఉంటాయి.

మరియు వారు ఇష్టపడే పక్షుల మాంసం.¹

మరియు అందమైన కన్నులు గల సుందరాంగులు (హూరున్);

దాచబడిన ముత్యాల వలే!

ఇదంతా వారు చేస్తూ ఉండిన వాటికి (సత్కార్యాలకు) ప్రతిఫలంగా!

అందులో వారు వ్యర్థమైన మాటలు గానీ, పాప విషయాలు గానీ వినరు.¹

"శాంతి (సలాం) శాంతి (సలాం)!" అనే మాటలు తప్ప!¹

మరియు కుడి పక్షం వారు, ఆ కుడి పక్షం వారు ఎంత (అదృష్టవంతులు)!

వారు ముళ్ళు లేని సిదర్ వృక్షాల మధ్య !¹

మరియు పండ్ల గెలలతో నిండిన అరటి చెట్లు;

మరియు వ్యాపించి ఉన్న నీడలు,¹

మరియు ఎల్లప్పుడు ప్రవహించే నీరు;

మరియు సమృద్ధిగా ఉన్న పండ్లు, ఫలాలు;

ఎడతెగకుండా మరియు అంతం కాకుండా (ఉండే వనాలలో);

మరియు ఎత్తైన ఆసనాల మీద (కూర్చొని) ఉంటారు.¹

నిశ్చయంగా, మేము వారిని ప్రత్యేక సృష్టిగా సృష్టించాము;

మరియు వారిని (నిర్మలమైన) కన్యలుగా చేశాము;¹

వారు ప్రేమించేవారు గానూ, సమ వయస్సుగల వారు గానూ (ఉంటారు);¹

కుడిపక్షం వారి కొరకు.

అందులో చాలా మంది మొదటి తరాలకు చెందిన వారుంటారు;

మరియు తరువాత తరాల వారిలో నుండి చాలా మంది ఉంటారు.

ఇక వామ(ఎడమ) పక్షం వారు; ఆ వామపక్షం వారు ఎంత (దౌర్భాగ్యులు)?

వారు దహించే నరకాగ్నిలో మరియు సలసలకాగే నీటిలో;

మరియు నల్లటి పొగఛాయలో (ఉంటారు).

అది చల్లగానూ ఉండదు మరియు ఓదార్చేదిగానూ ఉండదు;

నిశ్చయంగా, వారు ఇంతకు ముందు చాలా భోగభాగ్యాలలో పడి ఉండిరి;

మరియు వారి మూర్ఖపు పట్టుతో ఘోరమైన పాపాలలో పడి ఉండిరి;

మరియు వారు ఇలా అనేవారు: "ఏమీ? మేము మరణించి, మట్టిగా మరియు ఎముకలుగా మారిపోయిన తరువాత కూడా మరల బ్రతికించి లేపబడతామా?

మరియు పూర్వీకులైన మా తాతముత్తాతలు కూడానా?

వారితో ఇలా అను: "నిశ్చయంగా, పూర్వీకులు మరియు తరువాత వారు కూడానూ!

వారందరూ ఆ నిర్ణీత రోజు, ఆ సమయమున సమావేశ పరచబడతారు.

ఇక నిశ్చయంగా, మార్గభ్రష్టులైన ఓ అసత్యవాదులారా!

మీరు జఖ్ఖూమ్ చెట్టు (ఫలాల) ను తింటారు.¹

దానితో కడుపులు నింపుకుంటారు.

తరువాత, దాని మీద సలసల కాగే నీరు త్రాగుతారు.

వాస్తవానికి మీరు దానిని దప్పిక గొన్న ఒంటెల వలే త్రాగుతారు.

తీర్పుదినం నాడు (ఈ వామపక్షం వారికి లభించే) ఆతిథ్యం ఇదే!