70. Surah Al-Ma'arij, Swahili Translation

Kwa makafiri - ambayo hapana awezaye kuizuia . ¹

Kutoka kwa Mwenyezi Mungu Mwenye mbingu za daraja. ¹

Malaika na Roho hupanda kwendea kwake katika siku ambayo kadiri yake ni miaka khamsini elfu! ¹

Basi subiri kwa subira njema.Hakika wao wanaiona iko mbali! ¹

Hakika wao wanaiona iko mbali! ¹

Na Sisi tunaiona iko karibu. ¹

Siku ambayo mbingu zitakapo kuwa kama maadeni iliyo yayushwa. ¹

Na milima itakuwa kama sufi. ¹

Wala jamaa hatamuuliza jamaa yake. ¹

Ijapo kuwa wataonyeshwa waonane. Atatamani mkosefu lau ajikomboe na adhabu ya siku hiyo kwa kuwatoa fidia wanawe, ¹

Na mkewe, na nduguye, ¹

Na jamaa zake walio kuwa wakimkimu, ¹

Na wote waliomo duniani, kisha aokoke yeye. ¹

La, hasha! Kwa hakika huo ni Moto mkali kabisa, ¹

Unao babua ngozi ya kichwa! ¹

Utamwita kila aliye geuza mgongo na akageuka. ¹

Na akakusanya mali, kisha akayahifadhi. ¹

Hakika mtu ameumbwa na papara. ¹

Inapo mgusa shari hupapatika. ¹

Na inapo mgusa kheri huizuilia. ¹

Isipo kuwa wanao swali, ¹

Ambao wanadumisha Sala zao, ¹

Na ambao katika mali yao iko haki maalumu ¹

Kwa mwenye kuomba na anaye jizuilia kuomba; ¹

Na ambao wanaisadiki Siku ya Malipo, ¹

Na ambao wanaiogopa adhabu itokayo kwa Mola wao Mlezi. ¹

Hakika adhabu ya Mola wao Mlezi si ya kuaminika nayo. ¹

Na ambao wanahifadhi tupu zao. ¹

Isipo kuwa kwa wake zao, au iliyo wamiliki mikono yao ya kuume, basi hao hawalaumiwi ¹

Lakini wanao taka kinyume ya haya, basi hao ndio wanao ruka mipaka. ¹

Na ambao wanazichunga amana zao na ahadi zao, ¹

Na ambao wanasimama imara katika ushahidi wao, ¹

Na ambao wanazihifadhi Sala zao. ¹

Hao ndio watakao hishimiwa Peponi. ¹

Wana nini wale walio kufuru wanakutumbulia macho tu? ¹

Makundi kwa makundi upande wa kulia na upande wa kushoto! ¹

Kwani kila mmoja wao anatumai kuingizwa katika Pepo ya neema? ¹

La, hasha! Hakika Sisi tumewaumba kutokana na wanacho kijua. ¹

Basi naapa kwa Mola Mlezi wa mashariki zote na magharibi zote kwamba Sisi tunaweza ¹

Kuwabadili kwa walio bora kuliko wao; na Sisi hatushindwi. ¹

Basi waache wapige porojo na wacheze, mpaka wakutane na siku yao wanayo ahidiwa, ¹

Siku watakapotoka makaburini kwa upesi kama kwamba wanakimbilia mfundo, ¹

Macho yao yatainama, fedheha itawafunika. Hiyo ndiyo Siku waliyo kuwa wakiahidiwa. ¹