82. Surah Al-Infitar, Swahili Translation

Na nyota zitapo tawanyika! ¹

Na bahari zitakapo pasuliwa! ¹

Na makaburi yatapo fukuliwa! ¹

Hapo kila nafsi itajua ilicho tanguliza, na ilicho bakisha nyuma. ¹

Ewe mwanaadamu! Nini kilicho kughuri ukamwacha Mola wako Mlezi Mtukufu? ¹

Aliye kuumba, akakuweka sawa, akakunyoosha! ¹

Katika sura yoyote aliyo ipenda akakujenga. ¹

Sivyo hivyo! Bali nyinyi mnaikanusha Siku ya Malipo. ¹

Na hakika bila ya shaka wapo walinzi juu yenu, ¹

Waandishi wenye hishima, ¹

Wanayajua mnayo yatenda. ¹

Hakika wema bila ya shaka watakuwa katika neema, ¹

Na hakika waovu bila ya shaka watakuwa Motoni; ¹

Wataingia humo Siku ya Malipo. ¹

Na hawatoacha kuwamo humo. ¹

Na nini kitakacho kujuulisha Siku ya Malipo ni siku gani? ¹

Tena nini kitakacho kujuulisha Siku ya Malipo ni siku gani? ¹

Siku ambayo nafsi haitakuwa na madaraka yoyote juu ya nafsi; na amri yote siku hiyo ni ya Mwenyezi Mungu tu. ¹