90. Surah Al-Balad, Kannada Translation

ತಾವು ಈ ಊರಲ್ಲಿ ಮುಕ್ತರಾಗಿದ್ದೀರಿ¹.

ಜನಕ ಹಾಗೂ ಜಾತರ ಆಣೆ,

ಮನುಷ್ಯರನ್ನು ನಾವು ಕಷ್ಟ ಅನುಭವಿಸುವ ರೀತಿಯಲ್ಲಿ ಸೃಷ್ಟಿಸಿದ್ದೇವೆ.

ಅವನನ್ನು ಪರಾಭವಗೊಳಿಸಲು ಯಾರಿಂದಲೂ ಸಾಧ್ಯವಿಲ್ಲವೆಂದು ಅವನು ಭಾವಿಸುತ್ತಾನೆಯೇ?

ನಾನು ಅಡಿಗಡಿಗೆ ಧಾರಾಳ ಖರ್ಚು ಮಾಡಿದ್ದೇನೆ ಎನ್ನುತ್ತಿದ್ದಾನೆ.

ಅವನನ್ನು ಯಾರೂ ಕಾಣುತ್ತಿಲ್ಲವೆಂದು ಅವನು ಭಾವಿಸುತ್ತಾನೆಯೇ?

ಅವನಿಗೆ ನಾವು ಎರಡು ಕಣ್ಣುಗಳನ್ನು ನೀಡಿಲ್ಲವೇ?

ಅವನಿಗೆ ನಾವು ಒಂದು ನಾಲಗೆಯನ್ನೂ ಎರಡು ತುಟಿಗಳನ್ನೂ ನೀಡಿಲ್ಲವೇ?¹

ಅವನಿಗೆ ನಾವು ಎರಡು ಮಾರ್ಗಗಳನ್ನು ತೋರಿಸಿ ಕೊಡಲಿಲ್ಲವೇ?

ಅವನಿಗೆ ಬೆಟ್ಟದ ಕಡಿದಾದ ದಾರಿಯಲ್ಲಿ ಹಾದು ಹೋಗಬಾರದಿತ್ತೆ?

ಬೆಟ್ಟದ ಕಡಿದಾದ ದಾರಿ ಯಾವುದೆಂದು ನಿಮಗೆ ಗೊತ್ತೆ ?

ದಾಸ್ಯ ಮುಕ್ತಿ.

ಅಥವಾ ಹಸಿದ ದಿನದಲ್ಲಿ ಉಣಬಡಿಸುವುದು.

ಸಂಬಂಧಿಕರಾದ ಅನಾಥ ಮಕ್ಕಳಿಗೆ.

ಅಥವಾ ಕೈಬರಿದಾದ ಕಡು ಬಡವನಿಗೆ.

ಅಲ್ಲದೆ, ಅವನು ಸತ್ಯ ವಿಶ್ವಾಸವಿರಿಸಿದ ಹಾಗೂ ಸಹನೆಗೆ ಪರಸ್ಪರ ಉಪದೇಶ ಮತ್ತು ಕರುಣೆಗೆ ಪರಸ್ಪರ ಉಪದೇಶ ನೀಡುವವರ ಸಾಲಿಗೆ ಸೇರಿದವನಾಗುವುದು.

ಅವರೇ ಬಲಗಡೆಯವರು¹.

ನಮ್ಮ ದೃಷ್ಟಾಂತಗಳನ್ನು ನಿಷೇಧಿಸಿದವರು ಯಾರೋ ಅವರೇ ಎಡಗಡೆಯವರು¹.

ಅವರ ಮೇಲೆ ಆವರಿಸಿಕೊಂಡ ನರಕಾಗ್ನಿಯಿದೆ.