80. Surah 'Abasa, Chechen Translation

Шена тIе бIаьргашбоцург вогIу‚ аьлла.

Стено хоуьйту хьоьга‚ иза-м цIанвала а мегий?

Я хьехам т1елоцур бу − цу хьехамо цунна пайда бийр бу.

Амма хьал долуш верг −

Хьо цунна тIе чIогIа воьрзу.

Хьуна тIехь ма дац /къа/, иза цIан ца велчи а.

Амма хьуна тIе веъча, сихвелла

И ша /Делах/ кхоьруш верг −

Ахь иза тергал а ца во.

ХIан-хIа! /Ма леладе иза/ баккъалла а, иза (Къуръан) хьехам бу!

Шена луучо и т1елоцу.

Сийлахь долчу жайнашкахь бу иза (Лавхь махьфуза чохь).

Шаьш айдина хилла долчу¹/Далла гергахь/‚ цIандина хилла долчу /жайнашкахь/‚

/Делан а, Цуьнан элчанийн а юккъехь/ элчанаш хилла долчу маликийн куьйгашца /яздина долчу/‚

/Далла гергахь/ сийлахь долчу, /Делах кхоьруш/ дика 1амалш еш долчу /маликийн куьйгашца/.

ХIаллакхили¹адам! Стено керстаналла дайтина цуьнга?

Муьлхачу хIуманах Цо (Дала) ша кхоьллина /хаий цунна/?

ТIадамах кхоьллина Цо иза‚ тIаккха Цо цунна /массо а хIуманца/ барам бина¹.

ТIаккха Цо цунна некъ¹атта бина.

ТIаккха Цо иза валийтина‚ каш чувиллийтина.

ТIаккха, Шена ма лиънехь, Цо иза денвийр ву /къематдийнахь/.

ХIан-хIа! Цо (адамо) ма кхочуш ца до шега /Дала/ омра динарг.

И адам хьожийла ша дуучуьнга!

Оха ма доьттина /и стиглара/ хи (догIа) шортта доттарца!

ТIаккха Оха ма дадийна и латта дадорца.

Оха ма балийтина цу чохь буьртиг‚

Кемсаш а‚ яраш (керла хастоьмаш) а‚

Зайтун¹а‚ хурма а‚

Дуккха дитташ долу бошмаш а‚

Стоьмаш а‚ /бежнашна яа/ бецаш а.

Шуна а пайда болуш‚ шун бежнашна а пайда болуш.

Нуьцкъала мохь¹беъча!

Оцу дийнахь стаг водур ву шен веших‚

Шен ненах а‚ шен дех а‚

Шен зудчух а‚ шен кIентийх а.

Оцарах хIор стагана оцу дийнахь гIуллакх хир ду ша хьалхаваккхар.

Цхьа яххьаш¹оцу дийнахь хир ю къегийна‚

Йоьлуш‚ яккхийедаш.

Цхьа /кхин/ яххьаш оцу дийнахь хир ю шайна тIе чан йиллина‚

Уьш дIахьулйийр ю бодано.

Уьш бу цатешнарш‚ къинош динарш.