52. سورہ الطور

(ان سے کہا جائے گا) کھاؤ اور پیو مزے سے ¹ اپنے ان اعمال کےصلے میں جو تم کرتے رہے ہو

وہ آمنے سامنے بچھے ہوئےتختوں پر تکیے لگائے بیٹھے ہوں گے اور ہم خوبصورت آنکھوں والی حوریں اُن سے بیاہ دیں گے۔ ¹

جو لوگ ایمان لائے ہیں اور ان کی اولاد بھی کسی درجہٴ  ایمان میں ان کے نقشِ قدم پر چلی ہے ان کی اُس اولاد کو بھی ہم (جنت میں) اُن کے ساتھ ملادیں گے اور اُن کے عمل میں کوئی  گھاٹا ان کو نہ دیں گے۔ ¹ ہر شخص اپنے کسب کے عوض رہن ہے۔ ²

ہم اُن کو ہر طرح کے پھل اور گوشت، ¹ جس چیز کو بھی ان کا جی چاہےگا، خوب دیے چلے جائیں گے

وہ ایک دوسرے سے جامِ شراب لپک لپک کر لے رہے ہوں گے جس میں نہ یادہ گوئی ہوگی نہ بدکرداری۔ ¹

اور اُن کی خدمت میں وہ لڑکے دوڑتے پھر رہے ہوں گے جو انہی کیلیے مخصوص ہوں گے، ¹ ایسے خوبصورت جیسے چھپا کر رکھے ہوئے موتی

یہ لوگ آپس میں ایک دوسرے سے (دنیا میں گزرے ہوئے) حالات پوچھیں گے

یہ کہیں گے کہ ہم پہلے اپنے گھروالوں میں ڈرتے ہوئے زندگی بسر کرتے تھے، ¹

آخر کار اللہ نے ہم پر فضل فرمایا اور ہمیں جھلسادینے والی ہوا ¹ کے عذاب سے بچالیا