15. سورہ الحجر

اور اَیکہ¹ والے ظالم تھے

تو دیکھ لو کہ ہم نے بھی اُن سے انتقام لیا، اور ان دونوں قوموں کے اُجڑے ہوئے علاقے کھُلے راستے پر واقع ہیں۔¹

حِجر¹ کے لوگ بھی رسُولوں کی تکذیب کر چکے ہیں

ہم نے اپنی آیات اُن کے پاس بھیجیں، اپنی نشانیاں اُن کو دکھائیں، مگر وہ سب کو نظر انداز ہی کرتے رہے

وہ پہاڑ تراش تراش کر مکان بناتے تھے اور اپنی جگہ بالکل بے خوف اور مطمئن تھے

آخرکار ایک زبردست دھماکے نے اُن کو صبح ہوتے آ لیا

اور اُن کی کمائی اُن کے کچھ کام نہ آئی۔ ¹

ہم نے زمین اور آسمان کو اور اُن کی موجودات کو حق کے سوا کسی اور بُنیاد پر خلق نہیں کیا ہے،¹ اور فیصلے کی گھڑی یقیناً آنے والی ہے، پس اے محمد ؐ ، تم (اِن لوگوں کی بے ہودگیوں پر)شریفانہ درگزر سے کام لو

یقیناً تمہارا ربّ سب کا خالق ہے اور سب کچھ جانتا ہے۔¹