59. سورہ الحشر

اِن کی مثال شیطان کی سی ہے کہ پہلے وہ انسان سے کہتا ہے کہ کفر کر ، اور جب انسان کفر کر بیٹھتا ہے تو وہ کہتا ہے کہ میں تجھ سے بَرِیُّ الذِّمّہ ہوں، مجھے توا للہ ربّ العالمین سے ڈر لگتا ہے۔ ¹

پھر دونوں کا انجام یہ ہونا ہے کہ ہمیشہ کے لیے جہنم میں جائیں، اور ظالموں کی یہی جزا ہے

¹ اے لوگو جو ایمان لائے ہو، اللہ سے ڈرو، اور ہر شخص یہ دیکھے کہ اُس نے کل کے لیے کیا سامان کیا ہے۔ ² اللہ سے ڈرتے رہو، اللہ یقیناً تمہارے اُن سب اعمال سے باخبر ہے جو تم کرتے ہو

اُن لوگوں کی طرح نہ ہو جاؤ جو اللہ کو بُھول گئے تو اللہ نے اُنہیں خود اپنا نفس بُھلا دیا، ¹ یہی لوگ فاسق ہیں

دوزخ میں جانے والے اور جنت میں جانے والے کبھی یکساں نہیں ہو سکتے جنت میں جانے والے ہی اصل میں کامیاب ہیں

اگر ہم نے یہ قرآن کسی پہاڑ پر بھی اُتار دیا ہوتا تو تم دیکھتے کہ وہ اللہ کے خوف سے دبا جارہا ہے اور پھٹا پڑتا ہے۔ ¹ یہ مثالیں ہم لوگوں کے سامنے اس لیے بیان کرتے ہیں کہ وہ (اپنی حالت پر)غور کریں۔

¹ وہ اللہ ہی ہے جس کے سوا کوئی معبود نہیں، ² غائب اور ظاہر ہر چیز کا جاننے والا، ³ وہی رحمٰن اور رحیم ہے۔ ⁴

وہ اللہ ہی ہے جس کے سوا کوئی معبود نہیں۔ وہ بادشاہ ¹ ہے نہایت مقدّس، ² سراسر سلامتی، ³ امن دینے والا، ⁴ نگہبان، ⁵ سب پر غالب، ⁶   اپنا حکم بزور نافذ کرنے والا ⁷ اور وہ بڑا ہی ہو کر رہنے والا۔ ⁸ پاک ہے اللہ اُس شرک سے جو لوگ کر رہے ہیں۔ ⁹

وہ اللہ ہی ہے جو تخلیق کا منصوبہ بنانے والا اور اس کو نافذ کرنے والا اور اس کے مطابق صورت گری کرنے والا ہے۔ ¹ اُس کے لیے بہترین نام ہیں۔ ² ہر چیز جو آسمانوں اور زمین میں ہے اُس کی تسبیح کر رہی ہے، ³ اور وہ زبردست اور حکیم ہے۔ ⁴