29. سورہ العنكبوت

(اے نبی ؐ)تلاوت کرو اس کتاب کی جو تمہاری طرف وحی کی ذریعے سے بھیجی گئی ہے۔ اور نماز قائم کرو،¹ یقیناً نماز فحش اور بُرے کاموں سے روکتی ہے² اور اللہ کا ذکر اس سے بھی زیادہ بڑی چیز ہے۔³ اللہ جانتا ہے جو کچھ تم لوگ کرتے ہو

¹ اور اہل کتاب سے بحث نہ کرو مگر عمدہ طریقہ سے²۔۔۔۔ سوائے ان لوگوں کے جو ان میں سے ظالم ہوں³ --۔۔۔۔ اور ان سے کہو کہ”ہم ایمان لائے ہیں اس چیز پر بھی جو ہماری طرف بھیجی گئی ہے اور اس چیز پر بھی جو تمہاری طرف بھیجی گئی تھی، ہمارا خدا اور تمہارا خدا ایک ہی ہے اور ہم اسی کے مسلم(فرمابردار)ہیں۔“⁴

(اے نبیؐ) ہم نے اسی طرح تمہاری طرف کتاب نازل کی ہے،¹ اس لیے وہ لوگ جن کو ہم نے پہلے کتاب دی تھی وہ اس پر ایمان لاتے ہیں،² اور ان لوگوں میں سے بھی بہت سے اس پر ایمان لا رہے ہیں،³ اور ہماری آیات کا انکار صرف کافر ہی کرتے ہیں۔⁴

(اے نبیؐ)تم اس سے پہلے کوئی کتاب نہیں پڑھتے تھے اور نہ اپنے ہاتھ سے لکھتے تھے، اگر ایسا ہوتا تو باطل پرست لوگ شک میں پڑ سکتے تھے۔¹

دراصل یہ روشن نشانیاں ہیں ان لوگوں کے  دلوں میں جنہیں علم بخشا گیا ہے،¹ اور ہماری آیات کا انکا ر نہیں کرتے مگر وہ جو ظالم ہیں

یہ لوگ کہتے ہیں کہ ”کیوں نہ اُتاری گئیں اس شخص پر نشانیاں¹  اس کے رب کی طرف سے“؟کہو،”نشانیاں تو اللہ کے پاس ہیں اور میں صرف خبر دار کرنے والا ہوں کھول کھول کر“

اور کیا ان لوگوں کے لیے یہ (نشانی)کافی نہیں ہے کہ ہم نے تم پر کتاب نازل کی جو انھیں پڑھ کر سنائی جاتی ہے؟¹ درحقیقت اس میں رحمت ہے اور نصیحت ان لوگوں کے لیے جو ایمان لاتے ہیں۔²

(اے نبیؐ) کہو کہ "میرے اور تمہارے درمیان اللہ گواہی کے لیے کافی ہے وہ آسمانوں اور زمین میں سب کچھ جانتا ہے جو لوگ باطل کو مانتے ہیں اور اللہ سے کفر کرتے ہیں وہی خسارے میں رہنے والے ہیں"

ہ لوگ تم سے عذاب جلدی لانے کا مطالبہ کرتے ہیں۔¹ اگر ایک وقت مقرر نہ کر دیا گیا ہوتا تو ان پر عذاب آچکا ہوتا۔ اور یقیناً(اپنے وقت پر)وہ آکر رہے گا اچانک ، اس حال میں کہ انہیں خبر بھی نہ ہو گی