Na waja wangu watakapo kuuliza khabari zangu, waambie kuwa Mimi nipo karibu. Naitikia maombi ya mwombaji anapo niomba. Basi na waniitikie Mimi, na waniamini Mimi, ili wapate kuongoka.

Hakika tumekiteremsha katika usiku ulio barikiwa. Hakika Sisi ni Waonyaji. (3) Katika usiku huu hubainishwa kila jambo la hikima, (4) Jambo litokalo kwetu. Hakika Sisi ndio wenye kutuma. (5) Ni rehema itokayo kwa Mola wako Mlezi. Hakika Yeye ni Mwenye kusikia Mwenye kujua. (6)

Hakika Sisi tumeiteremsha Qur'ani katika Laylatul Qadri, Usiku wa Cheo Kitukufu. (1) Na nini kitacho kujuulisha nini Laylatul Qadri? (2) Laylatul Qadri ni bora kuliko miezi elfu. (3) Huteremka Malaika na Roho katika usiku huo kwa idhini ya Mola wao Mlezi kwa kila jambo. (4) Amani usiku huo mpaka mapambazuko ya alfajiri. (5)