[ يَوْمَ هُمْ بَارِزُونَ لَا يَخْفَى عَلَى اللَّهِ مِنْهُمْ شَيْءٌ ] له‌و ڕۆژه‌دا هه‌موو خه‌ڵكی له‌ گۆڕه‌كان ده‌رئه‌چن و ده‌رئه‌كه‌ون و هیچ شتێك له‌ خوای گه‌وره‌ ناشاردرێته‌وه‌ له‌ كرده‌وه‌كانیان كه‌ له‌ دونیا كردوویانه‌ [ لِمَنِ الْمُلْكُ الْيَوْمَ ] خوای گه‌وره‌ ئه‌فه‌رمووێ: ئه‌مڕۆ موڵك بۆ كێیه‌؟ كه‌س نیه‌ وه‌ڵام بداته‌وه‌ خۆی ئه‌فه‌رمووێ: [ لِلَّهِ الْوَاحِدِ الْقَهَّارِ (١٦) ] ته‌نها بۆ خوای گه‌وره‌یه‌ كه‌ خوایه‌كی تاك و ته‌نهاو زۆر باڵاده‌ست و به‌توانایه‌.