26. Surah Ash-Shu'ara, Swahili Translation

Hizi ni Aya za Kitabu kinacho bainisha. ¹

Huenda labda ukajikera nafsi yako kwa kuwa hawawi Waumini. ¹

Tunge penda tungeli wateremshia kutoka mbinguni Ishara zikanyenyekea shingo zao. ¹

Wala hauwafikii ukumbusho mpya kutoka kwa Arrahman ila wao hujitenga nao. ¹

Kwa yakini wamekanusha; kwa hivyo zitakuja wafikia khabari za yale waliyo kuwa wakiyafanyia mzaha. ¹

Je! Hawakuiona ardhi, mimea mingapi tumeiotesha humo, ya kila namna nzuri? ¹

Hakika katika haya zipo Ishara. Lakini wengi wao hawakuwa wenye kuamini. ¹

Na hakika Mola wako Mlezi ndiye Yeye Mwenye nguvu Mwenye kurehemu. ¹

Na Mola wako Mlezi, alipo mwita Musa, akamwambia: Fika kwa watu madhaalimu, ¹

Watu wa Firauni. Hawaogopi? ¹

Akasema: Hakika mimi nachelea wasinikanushe. ¹

Na kifua changu kina dhiki, na ulimi wangu haukunjuki vyema. Basi mtumie ujumbe Harun. ¹

Na wao wana kisasi juu yangu, kwa hivyo naogopa wasije kuniuwa. ¹

Akasema: Siyo hivyo kabisa! Nendeni na miujiza yetu. Hakika Sisi tu pamoja nanyi, tunasikiliza. ¹

Basi mfikieni Firauni na mwambieni: Hakika sisi ni Mitume wa Mola Mlezi wa walimwengu wote. ¹

Waachilie Wana wa Israili wende nasi. ¹

(Firauni) akasema: Sisi hatukukulea wewe utotoni, na ukakaa kwetu katika umri wako miaka mingi? ¹

Na ukatenda kitendo chako ulicho tenda, nawe ukawa miongoni mwa wasio na shukrani? ¹

(Musa) akasema: Nilitenda hayo hapo nilipo kuwa miongoni mwa wale walio potea. ¹

Basi nilikukimbieni nilipo kuogopeni, tena Mola wangu Mlezi, akanitunukia hukumu, na akanijaali niwe miongoni mwa Mitume. ¹

Na hiyo ndiyo neema ya kunisumbulia, na wewe umewatia utumwani Wana wa Israili? ¹

Firauni akasema: Na nani huyo Mola Mlezi wa walimwengu wote? ¹

Akasema: Ndiye Mola Mlezi wa mbingu na ardhi, na viliomo baina yao, ikiwa nyinyi ni wenye yakini. ¹

(Firauni) akawaambia walio mzunguka: Hamsikilizi? ¹

(Musa) akasema: Ndiye Mola wenu Mlezi, na Mola Mlezi wa baba zenu wa kwanza. ¹

(Firauni) akasema: Hakika huyu Mtume wenu aliye tumwa kwenu ni mwendawazimu. ¹

. (Musa) akasema: Ndiye Mola Mlezi wa Mashariki na Magharibi na viliomo baina yao, ikiwa nyinyi mnatia akilini. ¹

(Firauni) akasema: Ukimfuata mungu mwengine asiye kuwa mimi, basi bila ya shaka nitakufunga gerezani. ¹

Akasema: Je! Ijapo kuwa nitakuletea kitu cha kubainisha wazi? ¹

Akasema: Kilete basi, kama wewe ni katika wasemao kweli. ¹

Basi akaitupa fimbo yake, mara ikawa nyoka wa kuonekana dhaahiri. ¹

Na akautoa mkono wake, na mara ukawa mweupe kwa watazamao. ¹

(Firauni) akawaambia waheshimiwa walio mzunguka: Hakika huyu ni mchawi mtaalamu. ¹

Anataka kukutoeni katika nchi yenu kwa uchawi wake. Basi mna shauri gani? ¹

Wakasema: Mpe muda yeye na nduguye na uwatume mijini wapigao mbiu ya mgambo. ¹

Wakuletee kila mchawi bingwa mtaalamu. ¹

Basi wakakusanywa wachawi wakati na siku maalumu. ¹

Na watu wakaambiwa: Je! Mtakusanyika? ¹

Huenda tutawafuata wachawi wakiwa wao ndio watakao shinda. ¹

Basi walipo kuja wachawi wakamwambia Firauni: Je! Tutapata ujira tukiwa sisi ndio tulio shinda? ¹

Naam! Na hakika mtakuwa katika watu wa mbele. ¹

Musa akwaambia: Tupeni mnavyo taka kutupa. ¹

Basi wakatupa kamba zao na fimbo zao, na wakasema: Kwa nguvu za Firauni hakika sisi hapana shaka ni wenye kushinda. ¹

Musa tena akatupa fimbo yake, nayo mara ikavimeza walivyo vizua. ¹

Hapo wachawi walipinduka wakasujudu. ¹

Wakasema: Tunamuamini Mola Mlezi wa walimwengu wote. ¹

Mola Mlezi wa Musa na Harun. ¹

(Firauni) akasema: Je! Mmemuamini kabla sijakuruhusuni? Bila ya shaka yeye basi ndiye mkubwa wenu aliye kufunzeni uchawi. Basi mtakuja jua! Nitakata mikono yenu na miguu yenu kwa kutafautisha. Na nitakubandikeni misalabani nyote. ¹