[ عَيْنًا يَشْرَبُ بِهَا عِبَادُ اللَّهِ يُفَجِّرُونَهَا تَفْجِيرًا (٦) ] له‌سه‌رچاوه‌یه‌كه‌وه‌ ئه‌م كافوره‌یان بۆ دێت كه‌ به‌نده‌كانی خوای گه‌وره‌ وه‌كو ته‌قینه‌وه‌یه‌ك ئه‌و سه‌رچاوه‌یه‌ ئه‌یته‌قێننه‌وه‌، یاخود هه‌ڵسوكه‌وتى تیا ئه‌كه‌ن چۆن ویستیان لێ بێ، وه‌ بۆ هه‌ر شوێنێك بڕۆن و له‌ كوێ دانیشن له‌ناو كۆشك و خانوو و مه‌جلیسه‌كانیاندا ئه‌و سه‌رچاوانه‌ له‌گه‌ڵ خۆیاندا ئه‌به‌ن و له‌لایانه‌وه‌ ده‌رئه‌چێ، وه‌ تاموچێژو له‌زه‌تی لێ ئه‌كه‌ن.