79. Surah An-Nazi'at, Swahili Translation

Na kwa wanao toa kwa upole! ¹

Na wanao ogelea! ¹

Wakishindana mbio! ¹

Wakidabiri mambo. ¹

Siku kitapo tetemeka cha kutetemeka! ¹

Kifuate cha kufuatia. ¹

Siku hiyo nyoyo zitapiga piga! ¹

Macho yatainama chini! ¹

Sasa wanasema: Ati kweli tutarudishwa kwenye hali ya kwanza? ¹

Hata tukiwa mifupa iliyo bunguliwa? ¹

Wanasema: Basi marejeo hayo ni yenye khasara! ¹

Kwa hakika hayo ni ukelele mmoja tu, ¹

Mara watakuwa kwenye uwanda wa mkutano! ¹

Je! Imekufikia hadithi ya Musa? ¹

Mola wake Mlezi alipo mwita katika bonde takatifu la T'uwaa, akamwambia: ¹

Nenda kwa Firauni. Hakika yeye amezidi jeuri ¹

Umwambie: Je! Unapenda kujitakasa? ¹

Nami nitakuongoa ufike kwa Mola wako Mlezi, upate kumcha. ¹

Basi alimwonyesha Ishara kubwa. ¹

Lakini aliikadhibisha na akaasi. ¹

Kisha alirudi nyuma, akaingia kufanya juhudi. ¹

Akakusanya watu akanadi. ¹

Akasema: Mimi ndiye Mola wenu Mlezi mkuu kabisa. ¹

Basi hapo Mwenyezi Mungu akamshika kumuadhibu kwa la mwisho na la mwanzo. ¹

Kwa hakika katika haya yapo mazingatio kwa wanao ogopa. ¹

Je! Ni vigumu zaidi kukuumbeni nyinyi au mbingu? Yeye ndiye aliye ijenga! ¹

Akainua kimo chake, na akaitengeneza vizuri. ¹

Na akautia giza usiku wake, na akautokeza mchana wake ¹

Na juu ya hivyo ameitandaza ardhi. ¹

Akatoa ndani yake maji yake na malisho yake, ¹

Na milima akaisimamisha, ¹

Kwa nafuu yenu na mifugo yenu. ¹

Basi itakapo fika hiyo balaa kubwa, ¹

Siku ambayo mtu atakumbuka aliyo yafanya, ¹

Na Jahannamu itadhihirishwa kwa mwenye kuona, ¹

Basi ama yule aliye zidi ujeuri, ¹

Na akakhiari maisha ya dunia, ¹

Kwa hakika Jahannamu ndiyo makaazi yake! ¹

Na ama yule anaye ogopa kusimamishwa mbele ya Mola wake Mlezi, na akajizuilia nafsi yake na matamanio, ¹

Basi huyo, Pepo itakuwa ndiyo makaazi yake! ¹

Wanakuuliza Saa (ya Kiyama) itakuwa lini? ¹

Una nini wewe hata uitaje? ¹

Kwa Mola wako Mlezi ndio mwisho wake. ¹

Kwa hakika wewe ni mwonyaji tu kwa mwenye kuikhofu. ¹

Ni kama kwamba wao siku watapo iona (hiyo Saa) hawakukaa ila jioni moja tu, au mchana wake. ¹