54. Surah Al-Qamar, Swahili Translation

Na wakiona Ishara hugeuka upande na husema: Huu uchawi tu unazidi kuendelea. ¹

Na wamekanusha na wamefuata matamanio yao. Na kila jambo ni lenye kuthibiti. ¹

Na bila ya shaka zimewajia khabari zenye makaripio. ¹

Hikima kaamili; lakini maonyo hayafai kitu! ¹

Basi jiepushe nao. Siku atakapo ita mwitaji kuliendea jambo linalo chusha; . ¹

Macho yao yatainama; watatoka makaburini kama nzige walio tawanyika! ¹

Wanamkimbilia mwitaji, na makafiri wanasema: Hii ni siku ngumu. ¹

Kabla yao kaumu ya Nuhu walikanusha; wakamkanusha mja wetu, na wakasema ni mwendawazimu, na akakaripiwa. ¹

Basi akamwomba Mola wake Mlezi akasema: Kwa hakika mimi nimeshindwa, basi ninusuru! ¹

Basi tukaifungua milango ya mbingu kwa maji yanayo miminika. ¹

Na tukazipasua ardhi kwa chemchem, yakakutana maji kwa jambo lilio kadiriwa. ¹

Na tukamchukua kwenye safina ya mbao na kamba. ¹

Ikawa inakwenda kwa nadhari yetu, kuwa ni malipo kwa alivyo kuwa amekanushwa. ¹

Na bila ya shaka tuliiacha iwe ni Ishara. Lakini je, yupo anaye kumbuka? ¹

Basi ilikuwaje adhabu yangu, na maonyo yangu. ¹

Na bila ya shaka Sisi tumeifanya Qur'ani iwe nyepesi kufahamika. Lakini yupo anaye kumbuka? ¹

Kina A'di walikanusha. Basi ilikuwaje adhabu yangu na maonyo yangu? ¹

Hakika Sisi tuliwapelekea upepo wa kimbunga katika siku korofi mfululizo, ¹

Ukiwang'oa watu kama vigogo vya mitende vilio ng'olewa. ¹

Basi ilikuwaje adhabu yangu na maonyo yangu? ¹

Na bila ya shaka Sisi tumeifanya Qur'ani nyepesi kufahamika; lakini yupo anaye kumbuka? ¹

Thamudi waliwakanusha Waonyaji. ¹

Wakasema: Ati tumfuate binaadamu mmoja katika sisi? Basi hivyo sisi tutakuwa katika upotofu na kichaa! ¹

Ni yeye tu aliye teremshiwa huo ukumbusho kati yetu sote? Bali huyu ni mwongo mwenye kiburi! ¹

Kesho watajua ni nani huyo mwongo mwenye kiburi. ¹

Hakika Sisi tutawapelekea ngamia jike ili kuwajaribu, basi watazame tu na ustahamili. ¹

Na waambie kwamba maji yatagawanywa baina yao; kila sehemu ya maji itahudhuriwa na aliye khusika. ¹

Basi wakamwita mtu wao akaja akamchinja. ¹

Basi ilikuwaje adhabu yangu na maonyo yangu! ¹

Hakika Sisi tuliwapelekea ukelele mmoja tu, wakawa kama mabuwa ya kujengea uwa. ¹

Na bila ya shaka Sisi tumeifanya Qur'ani iwe nyepesi kwa kukumbuka, lakini yupo akumbukaye? ¹

Kaumu Lut'i nao waliwakadhibisha Waonyaji. ¹

Hakika Sisi tukawapelekea kimbunga cha vijiwe, isipo kuwa wafuasi wa Lut'i. Hao tuliwaokoa karibu na alfajiri. ¹

Kwa neema inayo toka kwetu. Hivyo ndivyo tumlipavyo anaye shukuru. ¹

Na hakika yeye aliwaonya adhabu yetu; lakini wao waliyatilia shaka hayo maonyo. ¹

Na walimtaka awape wageni wake. Tukayapofua macho yao, na tukawaambia: Onjeni basi adhabu na maonyo yangu! ¹

Na iliwafikia wakati wa asubuhi adhabu yangu ya kuendelea. ¹

Basi onjeni adhabu na maonyo yangu!< ¹

Na hakika tumeisahilisha Qur'ani kuikumbuka. Lakini yupo anaye kumbuka? ¹

Na Waonyaji waliwafikia watu wa Firauni. ¹

Walizikadhibisha Ishara zetu zote, nasi tukawashika kama anavyo shika Mwenye nguvu Mwenye uweza. ¹

Je! Makafiri wenu ni bora kuliko hao, au yameandikwa vitabuni kuwa nyinyi hamtiwi makosani? ¹

Au ndio wanasema: Sisi ni wengi tutashinda tu. ¹

Wingi wao huu utashindwa, na wao watasukumwa nyuma. ¹

Bali Saa ya Kiyama ndio miadi yao, na Saa hiyo ni nzito zaidi na chungu zaidi. ¹

Hakika wakosefu wamo katika upotofu na wazimu. ¹

Siku watakapo kokotwa Motoni kifudifudi waambiwe: Onjeni mguso wa Jahannamu! ¹

Kwa hakika Sisi tumekiumba kila kitu kwa kipimo. ¹

Na amri yetu haikuwa ila ni moja tu, kama kupepesa jicho. ¹

Na bila ya shaka tumekwisha waangamiza wenzenu. Lakini yupo anaye kumbuka? ¹