77. Surah Al-Mursalat, Urdu Translation

پھر تیز و تند جھکڑ ّکی صورت میں چلتی ہیں۔

اور ان ہوائوں کی قسم جو (بادلوں کو) پھیلا دیتی ہیں۔

پھر تقسیم کرتی ہیں جدا جدا۔

پھر قسم ہے ان (فرشتوں) کی جو ذکر کا القاء کرتے ہیں۔

عذر کے طور پر یا خبردار کرنے کے لیے۔

جس چیز کا تم سے وعدہ کیا جا رہا ہے وہ واقع ہو کر رہے گی۔

پس جب ستارے مٹا دیے جائیں گے۔

اور جب آسمان میں شگاف پڑجائیں گے۔

اور جب پہاڑ (ریت بنا کر) اُڑا دیے جائیں گے۔

اور جب رسولوں ؑ (کے کھڑے ہونے) کا وقت آپہنچے گا۔

(یہ معاملہ) کس دن کے لیے موخر کیا گیا ہے ؟

فیصلے کے دن کے لیے۔

اور تم لوگ کیا سمجھتے ہو کہ فیصلے کا دن کیا ہے ؟

(ہلاکت اور) بربادی ہے اس دن جھٹلانے والوں کے لیے۔

کیا ہم نے پہلوں کو ہلاک نہیں کیا ؟

پھر ہم ان کے پیچھے لگاتے رہے بعد میں آنے والوں کو۔

اسی طرح ہم کرتے رہے ہیں مجرموں کے ساتھ۔

(ہلاکت اور) بربادی ہے اس دن جھٹلانے والوں کے لیے۔

کیا ہم نے تمہیں حقیر پانی سے پیدا نہیں کیا ؟

پھر ہم نے اس (نطفے) کو رکھ دیا ایک محفوظ مقام میں۔

ایک طے شدہ مدت تک۔

تو ہم نے اندازہ مقرر کیا اور ہم کیا ہی اچھے ہیں اندازہ مقرر کرنے والے !

(ہلاکت اور) بربادی ہے اس دن جھٹلانے والوں کے لیے۔

کیا ہم نے زمین کو نہیں بنا دیا سمیٹ لینے والی ؟

زندوں کو بھی اور ُ مردوں کو بھی !

اور ہم نے اس کے اندر بنا دیے خوب جمے ہوئے اونچے اونچے پہاڑ اور ہم نے تمہیں پلایا (اس میں سے) تسکین بخش پانی۔

(ہلاکت اور) بربادی ہے اس دن جھٹلانے والوں کے لیے۔

چلو اب اسی چیز کی طرف جس کو تم جھٹلایا کرتے تھے۔

چلو اس تین شاخوں والے سائے کی طرف !

نہ تو وہ سایہ دار ہے اور نہ ہی آگ کی تپش سے بچانے والا۔

وہ آگ اتنے بڑے بڑے انگارے پھینک رہی ہوگی جیسے کہ وہ محل ہوں۔

(یا) جیسے وہ زرد رنگ کے اونٹ ہوں۔

(ہلاکت اور) بربادی ہے اس دن جھٹلانے والوں کے لیے۔

یہ ہے وہ دن جس میں یہ بول نہیں سکیں گے۔

اور نہ ہی انہیں اجازت دی جائے گی کہ وہ کوئی عذر تراشیں۔

(ہلاکت اور) بربادی ہے اس دن جھٹلانے والوں کے لیے۔

یہ ہے فیصلے کا دن ہم نے جمع کرلیا تمہیں بھی اور پہلوں کو بھی۔

اب اگر تمہارے پاس کوئی چال ہے تو میرے خلاف وہ چال چل دیکھو۔

(ہلاکت اور) بربادی ہے اس دن جھٹلانے والوں کے لیے۔

(اس دن) متقین یقینا سائے اور چشموں کے ماحول میں ہوں گے۔

اور ایسے پھلوں کے اندر جو انہیں پسند ہوں گے۔

(اور ہم ان سے کہہ دیں گے) کھائو پیو مزے سے رچتا پچتا ان اعمال کے انعام کے طور پر جو تم کرتے رہے تھے۔

یقینا ہم اسی طرح بدلہ دیا کرتے ہیں اپنے محسن بندوں کو۔

(ہلاکت اور) بربادی ہے اس دن جھٹلانے والوں کے لیے۔

(اے کفار و مشرکین !) تم کھا پی لو تھوڑی دیر کے لیے یقینا تم لوگ مجرم ہو۔

جس دن ہلاکت اور بربادی ہوگی (تمہارے جیسے تمام) جھٹلانے والوں کے لیے۔

اور جب ان سے کہا جاتا ہے کہ (اپنے رب کے سامنے) جھکو تو یہ جھکتے نہیں ہیں۔

(ہلاکت اور) بربادی ہے اس دن جھٹلانے والوں کے لیے۔

تو اب اس (قرآن) کے بعد یہ اور کس کلام پر ایمان لائیں گے ؟