76. Surah Al-Insan, Swahili Translation

Hakika Sisi tumemuumba mtu kutokana na mbegu ya uhai iliyo changanyika, tumfanyie mtihani. Kwa hivyo tukamfanya mwenye kusikia, mwenye kuona. ¹

Hakika Sisi tumembainishia Njia. Ama ni mwenye kushukuru, au mwenye kukufuru. ¹

Hakika HaSisi tumewaandalia makafiri minyororo na pingu na Moto mkali. ¹

Ni chemchem watakao inywa waja wa Mwenyezi Mungu, wakiifanya imiminike kwa wingi. ¹

Wanatimiza ahadi,na wanaiogopa siku ambayo shari yake inaenea sana, ¹

Na huwalisha chakula, juu ya kukipenda kwake, masikini, na yatima, na wafungwa. ¹

Hakika sisi tunakulisheni kwa wajihi wa Mwenyezi Mungu. Hatutaki kwenu malipo wala shukrani. ¹

Hakika sisi tunaiogopa kwa Mola wetu Mlezi hiyo siku yenye shida na taabu. ¹

Basi Mwenyezi Mungu atwalinda na shari ya siku hiyo, na atawakutanisha na raha na furaha. ¹

Na atawajazi Bustani za Peponi na maguo ya hariri kwa vile walivyo subiri. ¹

Humo wataegemea juu ya viti vya enzi, hawataona humo jua kali wala baridi kali. ¹

Na vivuli vyake vitakuwa karibu yao, na mashada ya matunda yataning'inia mpaka chini. ¹

Na watapitishiwa vyombo vya fedha na vikombe vya vigae, ¹

Vya fedha safi kama kiyoo, wamevipima kwa vipimo. ¹

Na humo watanyweshwa kinywaji kilicho changanyika na tangawizi. ¹

Hiyo ni chemchem iliyo humo inaitwa Salsabil. ¹

Na watawazungukia kuwatumikia wavulana wasio pevuka, ukiwaona utawafikiri ni lulu zilizo tawanywa. ¹

Na utakapo yaona, utakuwa umeona neema na ufalme mkubwa. ¹

Juu yao zipo nguo za hariri laini za kijani kibichi, na hariri nzito ya at'ilasi. Na watavikwa vikuku vya fedha, na Mola wao Mlezi atawanywesha kinywaji safi kabisa. ¹

Hakika haya ni malipo yenu; na juhudi zenu zimekubaliwa. ¹

Hakika Sisi tumekuteremshia Qur'ani kidogo kidogo. ¹

Basi ngojea hukumu ya Mola wako Mlezi wala usimt'ii miongoni mwao mwenye dhambi au mwenye kufuru. ¹

Na likumbuke jina la Mola wako Mlezi asubuhi na jioni; ¹

Na usiku msujudie Yeye, na umtakase usiku, wakati mrefu. ¹

Kwa hakika watu hawa wanapenda maisha ya kidunia, na wanaiacha nyuma yao siku nzito. ¹

Sisi tumewaumba, na tukavitia nguvu viungo vyao. Na tukitaka tutawabadilisha mfano wao wawe badala yao. ¹

Hakika haya ni mawaidha; basi anaye taka atashika Njia ya kwenda kwa Mola wake Mlezi. ¹

Wala hamwezi kutaka ila atakapo Mwenyezi Mungu. Hakika Mwenyezi Mungu ni Mwenye ilimu, Mwenye hikima. ¹

Humuingiza amtakaye katika rehema yake. Na wenye kudhulumu amewawekea adhabu iliyo chungu. ¹