15. Surah Al-Hijr, Swahili Translation

HUENDA ikawa walio kufuru wakatamani wange kuwa Waislamu. ¹

Waache wale, na wastarehe, na iwazuge tamaa. Watakuja jua. ¹

Na hatukuuangamiza mji wowote ule ila ulikuwa na muda wake maalumu. ¹

Hawawezi watu wowote kuitangulia ajali yao, wala kuchelewa. ¹

Na walisema: Ewe uliyeteremshiwa Ukumbusho! Hakika wewe ni mwendawazimu. ¹

Mbona hutuletei Malaika ikiwa wewe ni miongoni mwa wasemao kweli? ¹

Sisi hatuwateremshi Malaika ila kwa sababu ya haki, na hapo hawatapewa muhula. ¹

Hakika Sisi ndio tulio teremsha Ukumbusho huu, na hakika Sisi ndio tutao ulinda. ¹

Na hakika tulikwisha watumia Mitume mataifa ya mwanzo. ¹

Na hakuwafikia Mtume ila walimkejeli. ¹

Na kama hivi ndivyo tunavyo ingiza katika nyoyo za wakosefu. ¹

Hawayaamini haya, na hali ya kuwa umekwisha wapitia mfano wa watu wa kale. ¹

Na lau tungeli wafungulia mlango wa mbingu, wakawa wanapanda, ¹

Basi wangeli sema: Macho yetu yamelevywa, bali sisi wenyewe tumerogwa. ¹

Na hakika tumeweka katika mbingu vituo vya sayari, na tumezipamba kwa wenye kuangalia. ¹

Na tumezilinda na kila shetani afukuzwaye. ¹

Isipo kuwa mwenye kusikiliza kwa kuibia, naye hufuatwa na kijinga cha moto kinacho onekana. ¹

Na ardhi tumeitandaza na humo tumeweka milima, na tumeotesha kila kitu kwa kiasi chake. ¹

Na tumekujaalieni humo vitu vya maisha yenu, na ya hao ambao nyinyi sio wenye kuwaruzuku. ¹

Na hakuna chochote ila asili yake inatokana na Sisi; wala hatukiteremshi ila kwa kipimo maalumu. ¹

Na tunazipeleka pepo za kupandishia, na tunateremsha kutoka mbinguni maji, kisha tukakunywesheni maji hayo. Wala si nyinyi mnayo yaweka. ¹

Na Sisi ndio tunao huisha na tunao fisha. Na Sisi ndio Warithi. ¹

Na tunawajua walio tangulia katika nyinyi, na tunawajua waliotaakhari. ¹

Na hakika Mola wako Mlezi ndiye atakaye wakusanya. Hakika Yeye ni Mwenye hikima na Mjuzi. ¹

Na tulimuumba mtu kwa udongo unao toa sauti, unao tokana na matope yaliyo tiwa sura. ¹

Na majini tuliwaumba kabla kwa moto wa upepo umoto. ¹

Na Mola wako Mlezi alipo waambia Malaika: Hakika Mimi nitamuumba mtu kwa udongo unao toa sauti, unao tokana na matope yaliyo tiwa sura. ¹

Basi nitakapo mkamilisha na nikampulizia roho yangu, basi mumwangukie kumsujudia. ¹

Basi Malaika wote pamoja walimsujudia, ¹

Isipo kuwa Iblisi. Yeye alikataa kuwa pamoja na walio sujudu. ¹

(Mwenyezi Mungu) akasema: Ewe Iblisi! Una nini hata hukuwa pamoja na walio sujudu? ¹

Akasema: Haiwi mimi nimsujudie mtu uliye muumba kwa udongo unaotoa sauti, unao tokana na matope yenye sura. ¹

(Mwenyezi Mungu) akasema: Basi toka humo, kwani hakika wewe ni maluuni! ¹

Na hakika juu yako ipo laana mpaka Siku ya Malipo. ¹

Akasema (Iblisi): Mola wangu Mlezi! Nipe muhula mpaka siku watapofufuliwa. ¹

(Mwenyezi Mungu) akasema: Hakika wewe ni katika walio pewa muhula ¹

Mpaka siku ya wakati maalumu. ¹

Akasema: Mola wangu Mlezi! Ilivyo kuwa umenitia makosani, basi nahakikisha nitawazaini hapa duniani na nitawapoteza wote, ¹

Ila waja wako walio safika. ¹

Akasema: Hii Njia ya kujia kwangu Iliyo Nyooka. ¹

Hakika waja wangu, wewe hutakuwa na mamlaka juu yao, isipo kuwa wale wapotofu walio kufuata. ¹

Na bila shaka Jahannamu ndipo pahali pao walipo ahidiwa wote. ¹

Ina milango saba; na kwa kila mlango iko sehemu walio tengewa. ¹

Hakika wachamngu watakuwa katika Mabustani na chemchem. ¹

(Wataambiwa:) Ingieni kwa salama na amani. ¹

Na tutaondoa chuki iliyo kuwamo vifuani mwao, wawe ndugu juu ya viti vya enzi wameelekeana. ¹

Humo hayatawagusa machofu, wala hawatatolewa humo. ¹

Waambie waja wangu ya kwamba Mimi ndiye Mwenye kusamehe, Mwenye kurehemu. ¹