15. Surah Al-Hijr, Kannada Translation

‘ನಾವೂ ಮುಸ್ಲಿಮರಾಗಿದ್ದರೆ ಎಷ್ಟು ಚೆನ್ನಾಗಿತ್ತು’ ಎಂದು ಸತ್ಯನಿಷೇಧಿಗಳು ತೀವ್ರ ಆಶೆಪಡುವರು.

ತಾವು ಅವರನ್ನು ಬಿಟ್ಟುಬಿಡಿರಿ. ಅವರು ತಿನ್ನಲಿ, ಸುಖಪಡಲಿ, ಹುಸಿ ಭರವಸೆಯಲ್ಲಿ ಮೈಮರೆಯಲಿ. ನಂತರ ಅವರು ತಿಳಿದುಕೊಳ್ಳುವರು.

ಒಂದು ನಿರ್ದಿಷ್ಟ ಅವಧಿಯನ್ನು ಲಿಖಿತಗೊಳಿಸದೆ ಯಾವುದೇ ನಾಡನ್ನು ನಾವು ನಾಶಗೊಳಿಸಿಲ್ಲ.

ಯಾವ ಜನಾಂಗವೂ ತನಗೆ ನಿಶ್ಚಯಿಸಲ್ಪಟ್ಟ ಕಾಲಕ್ಕಿಂತ ಮುಂದೆ ಹೋಗದು. (ಕಾಲಕ್ಕಿಂತ) ಅವರು ಹಿಂದೆ ಹೋಗರು.

ಅವರು (ಅವಿಶ್ವಾಸಿಗಳು) ಹೇಳುತ್ತಾರೆ, ಓ, ಉದ್ಭೋಧೆ ಅವತೀರ್ಣಗೊಂಡವನೇ! ಖಂಡಿತ ನೀನೊಬ್ಬ ಹುಚ್ಚನಾಗಿರುವಿ.

ನೀನು ಸತ್ಯವಾದಿಯಾಗಿದ್ದರೆ ನಮ್ಮ ಬಳಿ ದೇವಚ ರರನ್ನೇಕೆ ತರುವುದಿಲ್ಲ ?

ನ್ಯಾಯವಾದ ಕಾರಣವಿಲ್ಲದೆ ನಾವು ದೇವಚರರನ್ನು ಇಳಿಸುವುದಿಲ್ಲ. ಮತ್ತು ಆಗ ಅವರಿಗೆ (ಸತ್ಯ ನಿಷೇಧಿಗಳಿಗೆ) ಕಾಲಾವಕಾಶ ನೀಡಲಾಗುವುದಿಲ್ಲ.

ನಿಶ್ಚಯವಾಗಿಯೂ ನಾವು ಈ ಉದ್ಭೋ ದನೆಯನ್ನು ಅವತೀರ್ಣಗೊಳಿಸಿರುತ್ತೇವೆ. ಸ್ವತಃ ನಾವೇ ಅದರ ರಕ್ಷಕರೂ ಆಗಿರುತ್ತೇವೆ.

(ಓ ಪೈಗಂಬರರೇ), ನಾವು ನಿಮಗಿಂತ ಮುಂಚೆ ಪೂರ್ವಿಕರ ಅನೇಕ ಪಂಗಡಗಳಲ್ಲಿ ಸಂದೇಶವಾ ಹಕರನ್ನು ಕಳುಹಿಸಿದ್ದೇವೆ.

ಯಾವುದೇ ಸಂದೇಶವಾಹಕ ಅವರ ಬಳಿ ಬಂದಾಗ ಎಂದೂ ಪರಿಹಾಸ್ಯ ಮಾಡದೆ ಬಿಡಲಿಲ್ಲ.

ಅದೇ ರೀತಿಯಲ್ಲಿ ಅಪರಾಧಿಗಳ ಹೃದಯದೊಳಗೆ ಅದನ್ನು (ಪರಿಹಾಸ್ಯವನ್ನು) ನಾವು ಹಾಯಿಸುತ್ತೇವೆ¹.

ಅವರು ಪ್ರವಾದಿಯವರಲ್ಲಿ ವಿಶ್ವಾಸವಿರಿಸುವುದಿಲ್ಲ. ಪೂರ್ವಿಕರಲ್ಲಿ (ಅಲ್ಲಾಹನ) ಕ್ರಮ ಗತಿಸಿ ಹೋಗಿದೆ.

ನಾವು ಅವರಿಗೆ ಆಕಾಶದಿಂದ ದ್ವಾರವೊಂದನ್ನು ತೆರೆದು, ಅವರು ಅದರ ಮೂಲಕ ಏರಿ ಹೋಗುತ್ತಿದ್ದರೆ,

“ನಮ್ಮ ಕಣ್ಣುಗಳು ಮತ್ತೇರಿವೆ ಅಷ್ಟೆ. ಅಲ್ಲದೆ ನಾವು ಮಾಟಕ್ಕೊಳಗಾಗಿದ್ದೇವೆ” ಎಂದೇ ಅವರು ಹೇಳುತ್ತಿದ್ದರು.

ಆಕಾಶದಲ್ಲಿ ನಾವು ಅನೇಕ ಭ್ರಮಣ ಪಥಗಳನ್ನು ಮಾಡಿರುತ್ತೇವೆ¹. ಅವುಗಳನ್ನು ನೋಡುವವರಿಗಾಗಿ ಅಲಂಕರಿಸಿರುತ್ತೇವೆ.

ಮತ್ತು ಬಹಿಷ್ಕøತರಾದ ಎಲ್ಲ ಶೈತಾನರಿಂದ ಅವುಗಳನ್ನು ಕಾಪಾಡಿರುತ್ತೇವೆ.

ಒಂದಿಷ್ಟು ಕದ್ದು ಕೇಳುವವನ ಹೊರತು, ಅವನು ಕದ್ದಾಲಿಸಲು ಪ್ರಯತ್ನಿಸುವಾಗ ಪ್ರತ್ಯಕ್ಷವಾದ ಒಂದು ಅಗ್ನಿಜ್ವಾಲೆಯು ಅವನನ್ನು ಬೆನ್ನಟ್ಟುತ್ತದೆ¹.

ನಾವು ಭೂಮಿಯನ್ನು ಹರಡಿದೆವು¹. ಅದರಲ್ಲಿ ಊರಿನಿಂತ ಪರ್ವತಗಳನ್ನು ನಾಟಿದೆವು. ಸರಿ ಯಾಗಿ ನಿಶ್ಚಿತ ಪ್ರಮಾಣದದಲ್ಲಿ ಬೆಳೆಸಿದೆವು.

ಮತ್ತು ಅದರಲ್ಲಿ ನಿಮಗಾಗಿಯೂ ನೀವು ಅನ್ನ ನೀಡದಂತಹ ಅನೇಕ ಸೃಷ್ಟಿಗಳಿಗೂ ಜೀವನ ಸಾಧನಗಳನ್ನು ಒದಗಿಸಿದೆವು.

ಯಾವುದೇ ವಸ್ತುವಿನ ಭಂಡಾರ ನಮ್ಮ ಬಳಿ ಇಲ್ಲದಿಲ್ಲ. ಅದನ್ನು ನಾವು ಒಂದು ನಿಗದಿತ ಪ್ರಮಾಣದಲ್ಲಿ ಮಾತ್ರ ಇಳಿಸುತ್ತೇವೆ.

ಜಲಾಂಶವನ್ನು ಹೊತ್ತ ಮಾರುತಗಳನ್ನು ನಾವೇ ಕಳುಹಿಸುತ್ತೇವೆ ¹. ಹಾಗೆ ಆಕಾಶದಿಂದ ನೀರನ್ನು ಸುರಿಸುತ್ತೇವೆ. ಮತ್ತು ಅದನ್ನು ನಿಮಗೆ ಕುಡಿಸುತ್ತೇವೆ. ನೀವೇನೂ ಅದರ ಸಂಗ್ರಾಹಕರಾಗಿಲ್ಲ ².

ನಿಜವಾಗಿಯೂ ನಾವು ಬದುಕಿಸುತ್ತೇವೆ. ಮೃತ ಗೊಳಿಸುತ್ತೇವೆ. ನಾವೇ ಎಲ್ಲರ ವಾರೀಸುದಾರರು.

ನಿಮ್ಮ ಪೈಕಿ ಈ ಮುಂಚೆ ಗತಿಸಿ ಹೋದವರನ್ನೂ ನಾವು ಬಲ್ಲೆವು. ಮುಂದೆ ಬರಲಿರುವವರನ್ನೂ ನಾವು ಬಲ್ಲೆವು ¹.

ನಿಶ್ಚಯವಾಗಿಯೂ ನಿಮ್ಮ ಪ್ರಭು ಅವರೆಲ್ಲರನ್ನೂ ಒಟ್ಟುಗೂಡಿಸುವನು. ಅವನು ಮಹಾಯುಕ್ತಿವಂತನೂ ಸರ್ವಜ್ಞನೂ ಆಗಿರುತ್ತಾನೆ.

ನಾವು ಮಾನವನನ್ನು ಹಳಸಿದ ಕಪ್ಪು ಒಣಗಲು ಕೊಜೆ ಮಣ್ಣಿನಿಂದ ಸೃಷ್ಟಿಸಿದೆವು ¹.

ಅದಕ್ಕಿಂತ ಮುಂಚೆ `ಜಿನ್ನ್’ಅನ್ನು ಧೂಮರಹಿತ ಅಗ್ನಿಯ ಜ್ವಾಲೆಯಿಂದ ಸೃಷ್ಟಿಸಿದೆವು ¹.

ನಿಮ್ಮ ಪ್ರಭು ದೇವಚರರೊಡನೆ, ಹೀಗೆ ಹೇಳಿದ ಸಂದರ್ಭ; ‘ನಾನು ಹಳಸಿದ ಕಪ್ಪು ಒಣಗಲು ಕೊಜೆ ಮಣ್ಣಿನಿಂದ ಒಬ್ಬ ಮಾನವನನ್ನು ಸೃಷ್ಟಿ ಸುವವನಿದ್ದೇನೆ.

ನಾನು ಅವನನ್ನು ಸಂಪೂರ್ಣಗೊಳಿಸಿ ಅವನೊಳಗೆ ನನ್ನ ಆತ್ಮದಿಂದ ಊದಿದರೆ ನೀವೆಲ್ಲರೂ ಅವನಿಗೆ ಸಾಷ್ಟಾಂಗವೆರಗಿರಿ’.

ಆ ಪ್ರಕಾರ ಎಲ್ಲ ದೇವಚರರೂ ಸಾಷ್ಟಾಂಗವೆರಗಿದರು.

ಇಬ್‍ಲೀಸನ ಹೊರತು. ಸಾಷ್ಟಾಂಗವೆರಗಿದವರ ಜೊತೆ ಸೇರಲು ಅವನು ನಿರಾಕರಿಸಿದನು.

ಅಲ್ಲಾಹು ಕೇಳಿದನು, ಓ ಇಬ್‍ಲೀಸ್, ನೀನು ಸಾಷ್ಟಾಂಗವೆರಗಿದವರೊಂದಿಗೆ ಸೇರದಿರಲು ಕಾರಣವೇನು?

ಅವನು ಹೇಳಿದನು; ‘ನೀನು ಹಳಸಿದ ಕಪ್ಪು ಒಣಗಲು ಕೊಜೆ ಮಣ್ಣಿನಿಂದ ಸೃಷ್ಟಿಸಿದ ಈ ಮಾನವನಿಗೆ ನಾನು ಸಾಷ್ಟಾಂಗವೆರಗಲಾರೆ’.

ಅಲ್ಲಾಹು ಹೇಳಿದನು; ‘ಇಲ್ಲಿಂದ ಹೊರಗೆ ನಡೆ, ನಿಜವಾಗಿಯೂ ನೀನು ಬಹಿಷ್ಕøತನು.

ನಿರ್ಣಾಯಕ ದಿನದವರೆಗೂ ನಿನ್ನ ಮೇಲೆ ನನ್ನ ಶಾಪವಿದೆ’.

ಅವನು, ಹೇಳಿದನು; ‘ಓ ನನ್ನ ಪ್ರಭೂ, ಹಾಗಿದ್ದರೆ ಅವರು ಎಬ್ಬಿಸಲ್ಪಡುವ ದಿನದವರೆಗೆ ನನಗೆ ಕಾಲಾವಕಾಶ ನೀಡು’.

ಆಗ, ಅಲ್ಲಾಹನು ಹೇಳಿದನು ‘ನೀನು ಕಾಲಾವ ಕಾಶವನ್ನು ನೀಡಲಾಗಿರುವವರ ಸಾಲಿಗೆ ಸೇರಿರುವೆ.

ಆ ನಿಶ್ಚಿತ ಸಮಯದವರೆಗೆ’.

ಅವನೆಂದನು, ‘ಓ ನನ್ನ ಪ್ರಭೂ, ನೀನು ನನ್ನನ್ನು ದಾರಿಗೆಡಿಸಿದಂತೆಯೇ ಭೂಮಿಯಲ್ಲಿ ಅವರಿಗೆ ನಾನು (ದುಷ್ಪøವರ್ತಿಗಳನ್ನು) ಅಲಂಕೃತವಾಗಿ ತೋರಿಸಿಕೊಡುವೆನು ಮತ್ತು ಅವರೆಲ್ಲರನ್ನೂ ನಾನು ದಾರಿಗೆಡಿಸಿಬಿಡುವೆನು ಖಂಡಿತ.

ಅವರ ಪೈಕಿ ನಿನ್ನ ನಿಷ್ಕಂಳಕರಾದ ದಾಸರನ್ನು ಹೊರತು’ ¹.

ಅವನು (ಅಲ್ಲಾಹು) ಹೇಳಿದನು; ‘ನೇರವಾಗಿ ನನ್ನನ್ನು ತಲಪುವ ಮಾರ್ಗವಿದು ¹.

ನಿಶ್ಚಯವಾಗಿಯೂ ನನ್ನ (ನಿಷ್ಟಾವಂತ) ದಾಸರ ಮೇಲೆ ನಿನಗೆ ಅಧಿಕಾರವಿಲ್ಲ. ನಿನ್ನನ್ನು ಅನುಸರಿಸುವ ಪಥಭ್ರಷ್ಟರ ಮೇಲೆಯೇ ಹೊರತು.

ನಿಶ್ಚಯವಾಗಿಯೂ ನರಕವು ಅವರೆಲ್ಲರಿಗೂ ನಿಶ್ಚಯಿಸಲಾದ ಸ್ಥಾನವಾಗಿದೆ’.

ಅದಕ್ಕೆ (ನರಕಕ್ಕೆ) ಏಳು ದ್ವಾರಗಳಿವೆ. ಪ್ರತಿಯೊಂದು ದ್ವಾರಕ್ಕೆ ನಿಗಧಿಪಡಿಸಲಾದ ಒಂದೊಂದು ವಿಭಾಗವಿದೆ¹.

ಧರ್ಮನಿಷ್ಟರು ಉದ್ಯಾನಗಳಲ್ಲಿಯೂ ಚಿಲುಮೆ ಗಳಲ್ಲಿಯೂ ಇರುವರು.

ನಿರ್ಭಯರಾಗಿ ಶಾಂತಿಯಿಂದ ಅದರಲ್ಲಿ ಪ್ರವೇಶಿಸಿರಿ (ಎಂದು ಅವರಿಗೆ ಹೇಳಲಾಗುವುದು.)

ಅವರ ಹೃದಯಗಳಿಂದ ವಿದ್ವೇಷವನ್ನು ನಾವು ತೆಗೆದುಬಿಡುವೆವು. ಅವರು ಪರಸ್ಪರ ಸಹೋದ ರರಾಗಿ ಅಭಿಮುಖರಾಗಿ ಆಸನಗಳಲ್ಲಿ ಕುಳಿತು ಕೊಳ್ಳುವರು.

ಅವರಿಗೆ ಅಲ್ಲಿ ಯಾವುದೇ ಕ್ಲೇಶ ತಟ್ಟದು. ಮತ್ತು ಅವರು ಅಲ್ಲಿಂದ ಹೊರಹಾಕಲ್ಪಡುವುದೂ ಇಲ್ಲ.

(ಓ ಪೈಗಂಬರರೇ,) ನಾನು ಮಹಾ ಕ್ಷಮಾಶೀಲನೂ ಕೃಪಾನಿಧಿಯೂ ಆಗಿರುತ್ತೇನೆಂದು ನನ್ನ ದಾಸರಿಗೆ ತಿಳಿಸಿಬಿಡಿರಿ.