البقرة 2:249 فلما فصل طالوت بالجنود قال ان الله مبتليكم بنهر فمن شرب منه فليس مني ومن لم يطعمه فانه مني الا من اغترف غرفة بيده فشربوا منه الا قليلا منهم فلما جاوزه هو والذين امنوا معه قالوا لا طاقة لنا اليوم بجالوت وجنوده قال الذين يظنون انهم ملاقو الله كم من فية قليلة غلبت فية كثيرة باذن الله والله مع الصابرين ٢٤٩

ಥಾಲೂತರು ಸೈನ್ಯಸಮೇತ ಹೊರಟಾಗ ಹೇಳಿದರು, ‘ಅಲ್ಲಾಹನು ನಿಮ್ಮನ್ನು ಒಂದು ನದಿಯ ಮೂಲಕ ಪರೀಕ್ಷಿಸುವನು. ಅದರ ನೀರಿನಿಂದ ಯಾರು ಕುಡಿಯುತ್ತಾರೆ, ಅವನು ನನ್ನವನಲ್ಲ. ಅದರ ರುಚಿ ನೋಡದವನು ಮಾತ್ರ ನನ್ನವನು. ಆದರೆ ತನ್ನ ಕೈಯಿಂದ ಒಂದು ಬೊಗಸೆ ನೀರನ್ನು ಮಾತ್ರ ಎತ್ತಿಕೊಂಡವನ ಹೊರತು. (ಅಂಗೈ ತುಂಬ ನೀರಿಗಿಂತ ಹೆಚ್ಚಿಗೆ ಕುಡಿಯದವನು ನನ್ನವನು) ಆದರೆ ನದಿ ತಲುಪಿದಾಗ ಸ್ವಲ್ಪ ಜನರ ಹೊರತು ಉಳಿದವರೆಲ್ಲರೂ ಧಾರಾಳ ಕುಡಿದುಬಿಟ್ಟರು. ಹಾಗೆ ಥಾಲೂತ್ ಮತ್ತು ಅವರ ಜೊತೆಗಿರುವ (ಒಂದು ಅಂಗೈ ಮಾತ್ರ ಕುಡಿದ) ವಿಶ್ವಾಸಿಗಳು ನದಿದಾಟಿ ಹೋದಾಗ, (ನಿಯಮೋಲ್ಲಂಘನೆ ಮಾಡಿ ನದಿ ದಾಟಲಾಗದೆ ಅಲ್ಲೇ) ಉಳಿದವರು ‘ನಮಗೆ ಇಂದು ಜಾಲೂತ್ ಮತ್ತು ಆತನ ಸೈನ್ಯದ ಎದುರು ಯುದ್ದ ಮಾಡಲು ಶಕ್ತಿಯಿಲ್ಲ’ ಎಂದು ಹೇಳಿಬಿಟ್ಟರು. ಆದರೆ ಅಲ್ಲಾಹುವನ್ನು ಸಂಧಿಸಲಿರುವ ಬಗ್ಗೆ ದೃಢವಿಶ್ವಾಸವುಳ್ಳವರು (ನಿಯಮಾನುಸಾರ ನದಿ ದಾಟಿದವರು) ಹೇಳಿದರು; ಅಲ್ಲಾಹನ ಕೃಪೆಯಿಂದ ಅದೆಷ್ಟು ಚಿಕ್ಕ ತಂಡಗಳು ದೊಡ್ಡ ತಂಡಗಳನ್ನು ಸೋಲಿಸಿವೆ. ಅಲ್ಲಾಹನಿರುವುದು ಸಂಯಮಿಗಳ ಜೊತೆಗೆ’.