Al-An'am 6:128 ويوم يحشرهم جميعا يا معشر الجن قد استكثرتم من الانس وقال اولياوهم من الانس ربنا استمتع بعضنا ببعض وبلغنا اجلنا الذي اجلت لنا قال النار مثواكم خالدين فيها الا ما شاء الله ان ربك حكيم عليم ١٢٨

ಅಲ್ಲಾಹನು ಅವರೆಲ್ಲರನ್ನು ಒಟ್ಟುಗೂಡಿಸುವ ದಿನ (ಜಿನ್ನ್‍ಗಳನ್ನುದ್ದೇಶಿಸಿ,) ಓ ಖೇಚರ ವರ್ಗವೇ ನೀವು ಮಾನವರಲ್ಲಿ ಅನೇಕರನ್ನು ದಾರಿ ತಪ್ಪಿಸಿದ್ದೀರಿ ಎಂದು ಹೇಳುವನು. ಮನುಷ್ಯರ ಪೈಕಿ ಅವರ ಆಪ್ತ ಮಿತ್ರರಾದವರು `ಪ್ರಭೂ, ನಮ್ಮಲ್ಲಿ ಕೆಲವರು ಬೇರೆ ಕೆಲವರನ್ನು ಸುಖಕ್ಕೆ ಬಳಸಿಕೊಂಡರು¹. ನೀನು ನಮಗಾಗಿ ನಿಶ್ಚಯಿಸಿದ್ದ ಅವಧಿ ನಮಗೆ ತಲುಪಿತು ಎಂದು ಹೇಳುವರು. ಆಗ ಅಲ್ಲಾಹು ಹೇಳುವನು; ನರಕಾಗ್ನಿಯೇ ನಿಮ್ಮ ವಾಸಸ್ಥಾನ ವಾಗಿದ್ದು ಅದರಲ್ಲಿ ನೀವು ಸ್ಥಿರವಾಸಿಗಳು. ಅಲ್ಲಾಹು ಇಚ್ಛಿಸಿದ ಸಮಯದ ಹೊರತು² . ನಿಶ್ಚಯವಾಗಿಯೂ ನಿಮ್ಮ ಪ್ರಭು ಮಹಾ ಧೀಮಂತನೂ ಸರ್ವಜ್ಞನೂ ಆಗಿರುತ್ತಾನೆ.