87. Surah Al-A'la, Urdu Translation

جس نے (ہر چیز کو) پیدا کیا پھر تناسب قائم کیا۔

اور جس نے (ہر شے کا) اندازہ مقرر کیا پھر اسے (فطری) ہدایت عطا فرمائی۔

اور جس نے (زمین سے) چارہ نکالا۔

پھر اس کو کردیا سیاہ چورا۔

(اے نبی ﷺ !) ہم آپ کو پڑھا دیں گے پھر آپ بھولیں گے نہیں۔

سوائے اس کے کہ جو اللہ چاہے۔ یقینا وہ جانتا ہے اونچی آواز میں کہی گئی بات کو بھی اور جو مخفی رکھی جائے اسے بھی۔

اور ہم رفتہ رفتہ پہنچائیں گے آپ کو آسانی تک۔

تو آپ ﷺ یاد دہانی کراتے رہیے اگر یاد دہانی فائدہ دے۔

وہ نصیحت حاصل کرلے گا جو ڈرتا ہے۔

البتہ جو شقی (بدبخت) ہے وہ اس سے پہلوتہی کرے گا۔

جو (آخر کار) داخل ہوگا بڑی آگ میں۔

پھر نہ اس میں وہ مرے گا نہ زندہ رہے گا۔

یقینا وہ کامیاب ہوگیا جس نے خود کو پاک کرلیا۔

اور اس نے اپنے رب کا نام لیا اور نماز پڑھی۔

بلکہ تم دنیا کی زندگی کو ترجیح دیتے ہو۔

جبکہ آخرت بہتر بھی ہے اور باقی رہنے والی بھی۔

یقینا یہی بات اگلے صحیفوں میں بھی۔

(یعنی) ابراہیم اور موسیٰ (e) کے صحیفوں میں۔