51. Surah Adh-Dhariyat, Swahili Translation

Na zinazo beba mizigo! ¹

Na zinazo kwenda kwa wepesi. ¹

Na zinazo gawanya kwa amri! ¹

Hakika mnayo ahidiwa bila ya shaka ni kweli! ¹

Na kwa hakika malipo bila ya shaka yatatokea. ¹

Naapa kwa mbingu zenye njia! ¹

Hakika nyinyi bila ya shaka mmo katika kauli inayo khitalifiana. ¹

Anageuzwa kutokana na haki mwenye kugeuzwa. ¹

Wazushi wameangamizwa. ¹

Ambao wameghafilika katika ujinga. ¹

Wanauliza: Ni lini hiyo siku ya malipo? ¹

Hiyo ni siku watakayo adhibiwa Motoni. ¹

Onjeni adhabu yenu! Haya ndiyo mliyo kuwa mkiyahimiza. ¹

Hakika wachamngu watakuwa katika Mabustani na chemchem. ¹

Wanapokea aliyo wapa Mola wao Mlezi. Kwa hakika hao walikuwa kabla ya haya wakifanya mema. ¹

Walikuwa wakilala kidogo tu usiku. ¹

Na kabla ya alfajiri wakiomba maghfira. ¹

Na katika mali yao ipo haki ya mwenye kuomba na asiye omba. ¹

Na katika ardhi zipo Ishara kwa wenye yakini. ¹

Na pia katika nafsi zenu - Je! Hamwoni? ¹

Na katika mbingu ziko riziki zenu na mliyo ahidiwa. ¹

Basi naapa kwa Mola Mlezi wa mbingu na ardhi, hakika haya ni kweli kama ilivyo kweli kuwa nyinyi mnasema. ¹

Je! Imekufikia hadithi ya wageni wa Ibrahim wanao hishimiwa? ¹

Walipo ingia kwake wakasema: Salama! Na yeye akasema: Salama! Nyinyi ni watu nisio kujueni. ¹

Akenda kwa ahali yake na akaja na ndama aliye nona. ¹

Akawakaribisha, akasema: Mbona hamli? ¹

Akahisi kuwaogopa katika nafsi yake. Wakasema: Usiwe na khofu, nao wakambashiria kupata kijana mwenye ilimu. ¹

Ndipo mkewe akawaelekea, na huku anasema na akijipiga usoni kwa mastaajabu, na kusema: Mimi ni kikongwe na tasa! ¹

Wakasema: Ndivyo vivyo hivyo alivyo sema Mola wako Mlezi. Hakika Yeye ni Mwenye hikima na Mwenye kujua. ¹

AKASEMA: Basi ujumbe wenu ni nini, enyi mlio tumwa? ¹

Wakasema: Hakika sisi tumetumwa kwa watu wakosefu, ¹

Tuwatupie mawe ya udongo, ¹

Yaliyo tiwa alama kutoka kwa Mola wako Mlezi kwa ajili ya wanao pindukia mipaka. ¹

Kwa hivyo tutawatoa katika hao wale walio amini. ¹

Lakini hatukupata humo ila nyumba moja tu yenye Waislamu! ¹

Na tukaacha humo Ishara kwa ajili ya wanao iogopa adhabu chungu. ¹

Na katika khabari za Musa, tulipo mtuma kwa Firauni na hoja wazi. ¹

Lakini alipuuza kwa sababu ya nguvu zake na akasema: Huyu ni mchawi au mwendawazimu! ¹

Basi tukamkamata yeye na majeshi yake na tukawatupa baharini, na yeye ndiye wa kulaumiwa. ¹

Na katika khabari za A'di tulipo wapelekea upepo wa kukata uzazi. ¹

Haukuacha chochote ulicho kifikia ila ulikifanya kama kilio nyambuka. ¹

Na katika khabari za Thamudi walipo ambiwa: Jifurahisheni kwa muda mdogo tu. ¹

Wakaasi amri ya Mola wao Mlezi. Basi uliwanyakua moto wa radi nao wanaona. ¹

Basi hawakuweza kusimama wala hawakuwa wenye kujitetea. ¹

Na kaumu ya Nuhu hapo mbele. Hakika hao walikuwa watu wapotovu. ¹

Na mbingu tumezifanya kwa nguvu na uwezo na hakika Sisi bila ya shaka ndio twenye uwezo wa kuzitanua. ¹

Na ardhi tumeitandaza; basi watandazaji wazuri namna gani Sisi! ¹

Na katika kila kitu tumeumba kwa jozi ili mzingatie. ¹

Basi kimbilieni kwa Mwenyezi Mungu, hakika mimi ni mwonyaji kwenu wa kubainisha nitokae kwake. ¹

Wala msifanye kuwa kuna mungu mwengine pamoja na Mwenyezi Mungu. Hakika mimi ni mwonyaji kwenu wa kubainisha nitokae kwake. ¹