经注: Al-An'am 6:27

[ وَلَوْ تَرَى إِذْ وُقِفُوا عَلَى النَّارِ ] ئای محمد- صلى الله عليه وسلم - له‌و ڕۆژه‌ی كه‌ ئه‌و كافرانه‌ ئه‌بینی به‌ندكراون و ڕاوه‌ستێندراون له‌سه‌ر ئاگری دۆزه‌خ و به‌چاوى خۆیان سزاكانى ناو دۆزه‌خ ده‌بینن كه‌ ئه‌وه‌ دیمه‌نێكی زۆر ترسناكه‌. {لە رۆژی قیامەت كافران پەشیمانن لە بیروباوەڕیان} [ فَقَالُوا يَا لَيْتَنَا نُرَدُّ وَلَا نُكَذِّبَ بِآيَاتِ رَبِّنَا وَنَكُونَ مِنَ الْمُؤْمِنِينَ (٢٧) ] ئه‌و كاته‌ كافران ئه‌ڵێن: خۆزگایا ئه‌گه‌ڕێندراینه‌وه‌ بۆ دونیا و ئایه‌ته‌كانی خوای گه‌وره‌مان به‌ درۆ نه‌ئه‌زانی وه‌ ئه‌بووین به‌ باوه‌ڕدارو باوه‌ڕمان پێ ئه‌هێناو كرده‌وه‌ى چاكمان ده‌كرد.