Tafsir: Al-Insan 76:11

[ فَوَقَاهُمُ اللَّهُ شَرَّ ذَلِكَ الْيَوْمِ ] خوای گه‌وره‌ش له‌به‌ر ئیمان و چاكه‌ كردنه‌كه‌یان له‌ شه‌ڕو سزای ئه‌و ڕۆژه‌ پاراستیانی {هه‌ندێك له‌ نازو نیعمه‌ته‌كانى به‌هه‌شت} [ وَلَقَّاهُمْ نَضْرَةً وَسُرُورًا (١١) ] وه‌ دڵی خۆش كردوون و ڕووی جوان كردوون له‌به‌ر ئه‌وه‌ی كه‌ دڵ خۆشبوو ڕوویش گه‌شاوه‌و جوان ئه‌بێت و پێوه‌ی دیاره‌، وه‌كو پێغه‌مبه‌ری خوا - صلی الله علیه وسلم - كه‌ دڵی خۆش بوایه‌ ڕووی پیرۆزی ئه‌دره‌وشایه‌وه‌ وه‌كو پارچه‌یه‌ك له‌ مانگ ده‌رئه‌كه‌وت.